السلام علبكم شلونكم بنات
لو سمحتو حبايبي آنا ألحين في تركيا وقاعدة في اسطنبول وحابه أسأل كم سؤال لأني والله متوهقه سفرتنا صارة بسرعة بسرعة وما خططنا له عدل فياليت إلي عندها خبرة ترد على كل أسألتي بالترتيب إحنا ماخذين أسبوعين في تركيا وباقي منهم عشرة أيام
1-أحس الأسعار هني غالية فكم مصرف يكفيج حق أسبوعين؟آنا حاطة ميزانية ألفين دينار تعتقدون تكفي طلعات وصوغة؟
2-الطيران الداخلي إذا حجزته من مكتب في اسطنبول حق أوزنجول كم يطلع سعر التذكرة؟
3-ودي أشتري صوغة وهدايا للأهل وين الأماكن إلي أسعارها حلوة أشتري منها في اسطنبول؟
4-شنو أحلى الأماكن في بورصة لأني بروح لها يوم واحد من الصبح إلى الليل يعني ماراح أنام هناك ؟
بنات الله يخليكم ردوا علي بسرعة آنا صج متوهقه وهذي رابع ليلة لي في تركيا وحابة أنكم تخدموني وبأذن الله أنكم ماتقصرون آنا منتظرة ردودكم
