بنات أحد يعرف هالمستشفى بأمريكا!!

[قـ(عيوني)ـرة]

قوه بنات
في مستشفى بأمريكا اسمه childrens hospital boston سمعت انه اوكي
بس الي عندها معلومات عنه أكثر تقولي
لاني ابي اودي بنتي لامريكا ومابي لندن لانها صايره بالعلاج خواره

 

[انا كويتية]

شوفي حبيبتي زين تسوين وأمريكا احسن وهذا المستشفى دايما اسمع عنه... يمدحونه.... بس سلامتها بنتج شنو فيها بالظبط؟؟؟ لأن هناك في مستشفيات متخصصة بكل حالة

 

[bnt q8 in usa]

اذا بوسطن وهالمستشفي ف توكلي علي الله وروحي وعسي الله يشفيها

 

[قـ(عيوني)ـرة]

فيها ماي بالراس ومحتاجه عمليه والقلب فيه فتحه وبعد محتاجه عمليه سريعه والكلى تعبانه
وحده من رفيجاتي كانت تدرس هناك وقالتلي ان راح اوجه مشكله بالنقاب
صحيح هالخبر !!! لاني بصراحه مابي اشيله

 

[me'3tarba]

la 6ab3an la etkhafeen mafi meshkela bl neqaab wala shai o estekheerai o towakkelai 3la allah ..o allah eshafeeha enshallah:>

 

[شندوخه]

تبين نصيحتي
وديها مايو كلينك بامريكا هذا اكثر مستشفى مطور على مستوى العالم ويسون عمليات بشقوق اقل والم اقل وفتره مكوث بالمستشفى اقل وفوق كل هذا وهذا العلاج يكتشفونه ويطبقونه عندهم وبعد 10 سنين يالله ينعرف بلندن ودول اوروبا
فا نصيحه مايو كلينك وهذا سايتهم عالنت وهو موجود بثلاث ولايات
فلوريدا و منسوتا و ارزونا
www.mayoclinic.org

 

[قـ(عيوني)ـرة]

مشكورين لكل من شارك ودش وقرا ودعالها
وراح اشوف اختي شندوخه مشكوره

 

[bnt q8 in usa]

اختي الي يقولج انه يضايقونج جذب انا بامريكا واشوف جم وحده متنقبه محد قالها شي

وبعدين تري بوسطن قويه وايد وايد فتوكلي علي الله
ومايو كلينك هم عندنا ممتاز وتوب وعسي ربي يشفيها يارب ويطمن قلبج عليها

 

[w7sh]

فيه هم بعد مستشفى TEXAS childrens في هيوستن ويمدحونه


تبين رقم المكتب الصحي هم انا حاضرة تقدرين تتصلين عليهم

لان اللي يشتغلون بهالمكتب عرب وتشرحين حاله بنتج او ترسلين لهم

تقرير طبي واهم يردون عليج

والله يشفيها يارب

 

[الفرحه السجينه]

انا دايم اقول ان العلاج بامريكا اقوى بس محد مصدقني


تصدقين عندنا بنت بعد فيها فتحة بالقلب وبيودونها حق لندن واقولهم ترى موشي لندن ولا احد راضي يوديها امريكا يقولون لندن احسن !! حتى المانيا سمعت ان العلاج فيها احسن من لندن

زين دقيتي عليهم ؟ سويتي شي .. يمكن اقدر اقنع هالناس ..بنتج جم عمرها ؟

الله يشفي بنتج آمين

 

[طوق البنفسج]

الله يشفيها ان شاء الله و يطمن قلبج عليها

انا الي اعرفه ال children hospital الي بلندن ممتاز لعمليات القلب و انا اعرف وحده كان عمرها شهر يوم راحت هناك و سوت ثلاث عمليات بالقلب الي يوم انولدت الكويت قالوا حق اهلها ما كو امل اتعيش ان عاشت اسبوع زين و الحين البنت شحليلها طبيعيه ماتعاني من اي شي بفضل من الله و اهي كان فيها ثقب بالقلب و انسداد بالشريان التاجي و شي ثالث ماذكره بعد

 

[ياشايل الظبى]

انا فى امريكا ومتنقبه وماواجهتنى مشاكل عادى الوضع