بنات .. أمي ما تنام :(

[ترانيم القصيم]

بسم الله الرحمن الرحيم

هلا و غلا بنات ،،

مشكلة أمي باختصار إنها ما تنام إلا ساعات قليلة و قلة النوم مسببة لها صُداع

كاسرة قلبي ما تقدر تنووووم !! تعاني من صعوبة في النوم !

بنات بوه مشروبات طبيعية تقدر تآخذها أمي و تعدل لها وضعها - بإذن الله - ؟

الله مير يخليكن فيدونن

 

[ياحُبِي لِلكويت]

الف لاباس عليها ومأجوره ان شاءالله ,, خليها تسوي تحليل الغده الدرقيه لان الغده تسبب أرق وقلة نوم ونسيان وغيره يكفيها الشر وان شاءالله مافيها الا العافيه للأطمنان ,, اذا الارق جديد عليها ^-^ خليها تشرب قبل النوم نعناع وليمون او كوب حليب او لبن ’’’ ورفع ان شاءالله البنات بعد يفيدونج

 

[نهى الأحمد]

رنوووومه يا الغاليه
لما شفتج تطلبين شي يتعلق بالوالده يييييييت على طووول لانج اختي :eh_s(2):

عسى ربي يخليلج الوالده ويطول بعمرها


وان شاءالله مافيها الا العافيه


اول شي اللي قالته الغاليه ياحبي للكويت اوفقها عليه


واقدر ازيد على كلامها


خليها تشرب يانسون

اغلي لها يانسون بمقدار كوب

وخليها تشربه في الليل قبل موعد النوم

وباذن الله رح تقدر تنام لاني جربته اكثر من مرة :eh_s(15):


وادعيلنا يا الغاليه

 

[ام الدرر]

ياعمري ترانيم ماتشوف شر الوالدة
انا ملاحظة ساعات النوم تقل مع تقدم العمر
والصداع يمكن له اسباب ثانية
عسى الله يشافيها ويرفع عنها ويطمن قلبك عليها يارب​

 

[ترانيم القصيم]

الف لاباس عليها ومأجوره ان شاءالله ,, خليها تسوي تحليل الغده الدرقيه لان الغده تسبب أرق وقلة نوم ونسيان وغيره يكفيها الشر وان شاءالله مافيها الا العافيه للأطمنان ,, اذا الارق جديد عليها ^-^ خليها تشرب قبل النوم نعناع وليمون او كوب حليب او لبن ’’’ ورفع ان شاءالله البنات بعد يفيدونج

يا فديت قلبتس يا غالية ، حبيبتي والله مشكووووووورة ما قصرتِ ربي يسعدك يا عسل ^__^


قلت لها كلامك يا قلبي و تراها تشرب لبن و حليب الحمد لله بس ما اقتنعت بفكرة تحليل الغدة الدرقية لأن أختي الكبيرة عندها مشكلة بالغدة الدرقية و مخلي عندها خمول عجييييب


فأمي تقول أنا لو كان عندي مشكلة بالغدة الدرقية كان شفتين أنام كثير مهوب العكس ..

جزاااااااتس الله خير يا قلبي ما قصرتِ حبيبتي

 

[قمر بيت أبوها]

اذا طبعا من زمان قليل نومها فبيقل تدريجا مع التقدم بالسن
ومساله الثاني امك لو شي اول مره تمر فيه اكيد فيه شي مقلقها وتفكر فيه ومابدهاش تفكير

الله يحفظها لكم و وامهات المسلمين من كل شر

 

[ياحُبِي لِلكويت]

الله يسلمج .. الغده انواع بعيد الشر عن كل مسلم وانا فيني غده وقبل اكتشاف الدكتور كان نومي مقطع وخفيف وطلع عندي غده خامله تسبب خربطه بالهرمونات وصدمني الدكتور االي اعرفه تسبب كسل ونوم كان فيني ارق والحمدالله تحسنت .. ومشافيه يارب وطمنينا عنها

 

[ترانيم القصيم]

الله يسلمج .. الغده انواع بعيد الشر عن كل مسلم وانا فيني غده وقبل اكتشاف الدكتور كان نومي مقطع وخفيف وطلع عندي غده خامله تسبب خربطه بالهرمونات وصدمني الدكتور االي اعرفه تسبب كسل ونوم كان فيني ارق والحمدالله تحسنت .. ومشافيه يارب وطمنينا عنها

الله يجزاتس بالجنة ,, أبقول لها كلامتس ,, ما قصرتِ حبيبتي ,, :eh_s(17):

 

[ترانيم القصيم]

رنوووومه يا الغاليه
لما شفتج تطلبين شي يتعلق بالوالده يييييييت على طووول لانج اختي :eh_s(2):

عسى ربي يخليلج الوالده ويطول بعمرها


وان شاءالله مافيها الا العافيه


اول شي اللي قالته الغاليه ياحبي للكويت اوفقها عليه


واقدر ازيد على كلامها


خليها تشرب يانسون

اغلي لها يانسون بمقدار كوب

وخليها تشربه في الليل قبل موعد النوم

وباذن الله رح تقدر تنام لاني جربته اكثر من مرة :eh_s(15):


وادعيلنا يا الغاليه

هلا و غلا بالحبيبة الطيبة نهوووووي ,, يا الله مير إنك تحييها :eh_s(17):

نورتِ حبيبتي و نعم الأخت أنتِ ما تقصرين يا عسل ^^

راح أقول لها عن اليانسون ,, و الله يعينها يا رب و يشافيها

لا تنسينا من صالح دعواتك حبيبة قلبي ,, منورة :eh_s(17):

 

[ترانيم القصيم]

ياعمري ترانيم ماتشوف شر الوالدة
انا ملاحظة ساعات النوم تقل مع تقدم العمر
والصداع يمكن له اسباب ثانية
عسى الله يشافيها ويرفع عنها ويطمن قلبك عليها يارب​

هلا و مرحبا حبيبة قلبي أم الدرر يا كل الدرر شخباااااااااااااااااااااااااارتس

عااااش من شاف هالطلة حبيبة قلبي ,, :eh_s(17): وين دنيااااتس يا خيـة ,, يا لبيه بسسس :eh_s(17):

الله جزاك خير على التواجد و الإفادة ,, ربي يسعدك و يسلمك ,, منورة حبيبتي ما تقصرين :eh_s(17):

 

[ترانيم القصيم]

اذا طبعا من زمان قليل نومها فبيقل تدريجا مع التقدم بالسن
ومساله الثاني امك لو شي اول مره تمر فيه اكيد فيه شي مقلقها وتفكر فيه ومابدهاش تفكير

الله يحفظها لكم و وامهات المسلمين من كل شر

آمين يااا رب ,, و طبيعي الواحد يفكر ,, و كلنا نفكر يا غاليــة ,,

و صحيح التفكير أقوى عامل يطيّر النوووووم ,,

جزااااااااااااااااااااااااتس الله خير يا عسل ,, يسلمووووووووووووو فديت هالطلة :eh_s(17):

 

[شادن33]

ترانيم ترا من طبيعه كبار السن ان يكون نومهم متقطع يعني لاتحاتين
ايقولج اللبن زين بسرعه ينوم
وبعد الشمر بس اشويه لاتكثرين
والله يخليها لج

 

[ترانيم القصيم]

جزاتس الله خير يا قلبي ,, ما قصرتِ .. ربي يسعدتس و يسلمك ,,

آمين يااا رب تسلمين على الدعوة الحلوة يا حلوة ^^

 

[شاكيرآ]

فديتج ترانيم اذا لقيتي حل قوليلي
الوالدة نفس المشكله

 

[مشاعر ضايعه]

ربي يخليها لج ويطول بعمرها
ويبلغها فيج

انا اعاني من نفس المشكله وانا توني صغيره عمري 23 فاعتقد مو شرط تقدم العمر له دور مباشر
يمكن تفكر وايد واعصابها مضطربه من شي معين ومسبب لها الارق
وبعد اذا تفكر بالتوقعات المستقبليه وترقب الامور المتوقع حدوثها ترى وايد يوثر ع الاعصاب اكثر من الهموم والمشاكل اللي صارت
واذا عندها مشاكل في الهضم لان سمعت مرة ان الاضطرابات الهضمية تسبب الارق
ويمكن تكثر من القهوه والشاي
يمكن اشياء فيها كافيين تكثر منها مثل البيبسي او النسكافيه
حتى لو كانت متعوده او ان قبل تشرب هالاشياء وكانت طبيعه
ساعات الجسم يتخربط السستم فيه ولو نسبه بسيطه من الكافيين ممكن تسبب السهر والارق

ومثل ماقالو لج البنات خلها تشرب مهدئات مثل اليانسون وتسمي بالرحمن وتحط راسها ع المخده
او تاخذ لها حمام دافي قبل النووم يساعد ع الاسترخاء
وماعلى قليبها شر ان شالله

 

[حنيني لجناني]

ماعندي سالفه ولا كان افدتك

 

[ترانيم القصيم]

يكفينن شوفة وجهتس الطيب يا خية

مير حياتس ربي حنوونة

 

[لعبة ايام]

الف لا باس عليها

حبيبتي شاهي.البابونج *

 

[الكوويت حره]

ما تشوف شر الوالده

لازم تتأكدين أول شيء من السبب اللي يخليها ما تقدر تنام , يمكن في شيء مكدرها وما تبي تقول لأحد ؟ حلي مشكلتها وراح ترتاح

وإذا كانت امج محزنه ومتكدره وفيها ضيقه خليها تاكل التلبينه النبويه وراح يتغير حالها للأفضل بإذن الله

وشيء طبيعي كبار السن اللي من 65 وفوق يقل نومهم لكن اذا أمج نومها ساعه وساعتين بس فهذا مو زين ولازم تاخذين الدكتور علشان يعطيها علاج

وقبل كل هالعلاجات استخدموا علاج الدعاء والتسبيح والتهليل والتكبير

الله يشافي أمج ويرزقج برها

 

[@ DLOO3TAH@]

أأب