بنات أنا نفاس شسوي تكفووووون ساعدوني ؟

[احساس كلمة]

شلونكم كويتيات حبيباتي أنا توني والدة و يبت أحلى بنوتة و هذا أول نفاس اتنفس فيه في شقتي تدرون عاد النفاس ناكل الحلبة و الحسو و هالشغلات المهم أنا أول ماولدت بعد يومين تقريبا رحت ألم زوجي لأن قبل كان متضايق من بطني فقال لي أول ما تولدين بلمج براحة من غير كرشة :hjy5jewf: بس الصدمة لمن ييت ألمه دزني و أنا حيل تضايقت قعدت أفكر و أبجي:eh_s(11): كل يوم أقول له شفيك متضايق :080402ask_prv: ليش نفاسي عندك إذا ما تبيني أروح حق أمي يسكت و يرقع الموضوع لين صدمني بكلمة كسرت قلبي و الله إني أكتب و أنا أبجي :eh_s(11):قالي ما اقدر ألمج فيج ريحة مو حلوة من الشغلات اللي تاكلينها احرجني و قمت أبجي و صار لنا يومين ما نكلم بعض حتى ما جبر بخاطري شورو علي شسوي أبي أكتب له رسالة عتاب شقوله تعبت و ىسفة على الإطالة بانتظار ردودكم لا تتأخرون علي على فكرة ردوا علي على العام لأن الخاص ما يستقبل و مشكورين حبايبي:fun:

 

[rshe8a]

وي حبيبتي حاسه فيج الله يعينج على دفاشه هالرياييل صج ترا اهمه على نياتهم تلقينه
مسكين مو قصده اهمه ما يدرون ان الكلمه اتاثر فينه وي الله يعينج انتي بعد نفاس و لويه ولا يهمج حبيبتي انشالله فتره وانعدي بس اهم شي اهتمي بنفسج .طرشيله مسج فاضي بس كتبي احبك و وقت ما يرد عليج عاتبيه مع شويه دلع قوليله انا بنفاس الحين و ما اتحمل و كلمتك وايد اثرت فيني انا ادري ادويه النفاس فيها ريحه بس ما خذيتها الا عشانك عشان اردلك بنت و من هالكلام على شوي دلع انشالله بيفهم
الله يوفقكم

 

[DALAL25]

الحمدالله على سلامتج حبيبتي
والله ماادري شقولج بس يمكن الريال ما يحب هالسوالف بس انتي تمي عليها و خلي شغلج كله بدار بعيدة عنه ولا تنامين بنفس الفراش وخلي ملابسج كله نظيفه وتبخري بس لا يحوش الخياط واللي يطلع الريحة الحلبة بس اتوقع لها وقت بالنفاس معين يعني مو طول النفاس تاكينها تاكدي من هالشغله بس اهم شي السبوح لاحد اقص عليج اقولج لا تتسبحين لان الدكتورة قالتلي السبوح احسن حق النفسه وتبخري ولا تاكلين هالسوالف جدامه والله يعينج بعد الرياييل دعله مثل اليهال ما يقول هذي توها والده عقب 9 شهور وتعب شافت الموت بالولادة بس شتسوين بس اذا بتشرهين عليه كيفج انتي اخبر بريلج وان شاء الله اكون فدتج

 

[ملح الحيـــــاه]

رد : بنات أنا نفاس شسوي تكفووووون ساعدوني ؟

مراااااااااااحب
ماعليج حبيبتي صج تصرفه مو حلو على الاقل كان جامل شوي رفقا بالقوارير يالرياييلبس انصحج روحي لمج احسن ما ايد النفاس عند الزوج اول شي خلي يجي شوق ولهفه
ويحس بفقدتج وعشان تكونين على راحتج وترثعين بنفسج وتبخرين بادويه وتطلعيله بشكل ثاني
اما كلامه لا يهمج الرياييل دفشين وكلنا مرينا بمواقف بس روحي للماما

 

[نـور الكويت]

حلاة المره تنفس عند اهلها اريح لها

وما عليج منه لان حتى احنا تلوع جبدنا من انفسنا تكرهين عمرج

ومو متعود على الريحه مع الايام بيتعود... والحمدالله على سلامتج

 

[miss-winter]

رد : بنات أنا نفاس شسوي تكفووووون ساعدوني ؟

الله يعينج بس ليش تلمينه الله يهداج

 

[i'am THE ONE]

استخدمي صابون المره والكركم و عقب ما <<< حطي رغوه بالمرحا عشان ما تصير فيه ريحه

و ميخالف لا تقلبونها زعل و تنسون فرحه المولود

 

[احساس كلمة]

جزاكم الله خير ما قصرتوا حبيباتي بس أنا ماكان ودي اتنفس في بيتي بس أمي ما تبيني أتنفس عندها تقول عيالج مزعجين و مالها خلق الضيوف فاضطريت أني اتنفس في شقتي لأن عيالي كبار و مدارس تدرون بعد بس الحمدلله شسوي الشكوى لله:ssssso:

 

[brettey]

رد : بنات أنا نفاس شسوي تكفووووون ساعدوني ؟

انا هذه ثالث حمله لي ونيتي اتفس في بيتي باذن الله وان تحلطم بقول طييييييييييير الزم ماعليي نفاسي عجبك ولا ماتشوف شر روح نام عند خوانك ولا كيفك تحمل حق باجر تتحلطم وماتنفستي عدل لا يبا كيفك

 

[Om_Ksha]

الله يعين .. خليتيني احاتي هالشي ..

الله يستر عيوبنا عنهم ..

 

[لوكي 22]

حياتي انتي نفسي انا الحين نفاس ومع ريلي نفس كلمته لاولدتي بلمج ويوم ذكرته احس كله يتنحش مني
ماوده حتى يلمسني
تضايقت شوي بس قلت انا اوريه لاطلعت بعد لاربعين بحره
خلج على ادويتج لاطلعتي بتغير الوضع ان شاءلله

 

[ELFAD3Ah]

رد : بنات أنا نفاس شسوي تكفووووون ساعدوني ؟

عادي حبيبتي كلنا ريحتنا تفشل بالنفاس بعدين رياييل عادي ماايي من وراهم غير الضغاط

 

[<<لمار>>]

حبوبة عادى لاتتضايقين حطى نفسج مكانة اساسا انتى متضايقة من ريحة هالادوية شلون اهو بس انتى علطول تشطفى ومسحى جسمج بمناديل وحطى ديودرنت ومسك وعطور وبخور بتخف ولاتقربينة الا اذا خلصتى خلية يشتاق

 

[احساس كلمة]

شدعوة بنات المشاهدات 100 و الردود 11 بس الله يسامحكم:lkmnkl:

الحمدلله أنا أتسبح كل يومين و محافظة على نظافتي بس تدرون أدوية النفاس و أنا توني والدة ما صار لي عشرين يوم بس والله جرحني على الأقل يجامل :eh_s(2):

 

[om deaj]

عادييي
انا الحين حامل بالثاي يقولي مابيج تتنفسين عندي ماتحمل اشم ريحتج من الي تاكلينه
يعني في رياييل يشمئزون

وعن نفسي مالي شغل فيه يشمئز ولا كيفه انا بدور راحتي واجابل عمري بنفاسي عدل وعقب النفاس خل يقولي فيج ريحة ولا مختربة؟؟؟ بطلعه على عينه

اذا في مجال روحي تنفسي عند امج وتحملي هالجم يوم وعقب ردي البيت جنج عروس ولا تشيلين بخاطرج
وترا الوحدة بالنفاس تكون وايد حساسة من لخبطة الهرمونات

 

[Mona Lisa]

الله يسخره لج يا رب

 

[ملكه الحطب]

انتي اول اسبوعين جان قعدتي عند امج وبعدين رحتي لبيتكم مع انه ادري اريح لج ببيتج واعيالج واغراضهم

بس مثل ماقالوا البنات يمكن يتغير بعد الاربعين وانتي بعدين فهميه اني اسوي كل هذا عشانك وعشان اضبط نفسي لك

 

[temari77]

رد : بنات أنا نفاس شسوي تكفووووون ساعدوني ؟

الغالية لاتاكلي حلبة هي اللي يابت حقج ريحة


انا كنت اكل حلبة كل يوم بس مع الايام حسيت فيني ريحة وماعرفت من وين
بس يوم وقفت من اكل الحلبة عرفت انا الحلبة السبب

 

[احساس كلمة]

جزاكم الله خير الله يعطيكم العافية تدرون عاد هم غلطان علي و جارحني لا و زعلان بعد ما أدري منو اللي غلطان أنا و إلا أهو علشان يزعل يطلع من بعد صلاة العصر و مايرجع إلا تالي الليل حتى سلام ما يسلم و الله قاهرني شسوي له أكلمه و إلا أحقره شرايكم ؟ بالنسبة حق الحلبة أنا اليوم قطعتها الله يعيني نفسيتي صج بالحضيض لا الريل عاجبة و لا الأهل يساعدون الشكوى لله ماعندي خوات كبار يداروني و أمي كاشته فيني الله يهداها مالها خلق ولا شي الله يسخره لي إن شاء الله

 

[..’’ياقلبـك الخوّاف’’..]

ياقلبي انتي بعد وينك رايحه عند زوجك وانتي بالحاله هذي اذا خواتي مايطيقون ريحتي وين اروح اتنفس عند زوجي..روحي لماماتك ابركلك