بنات ابغى اتزوج بس اهلي و تصرفاتهم تعور قلبي

[أم ليندا]

السلام عليكم ورحمه الله بركاته

اخواتي

عمري 28
انا انخطبت لاول مرة في حياتي ودخل العريس بيتنا وصارت الشوفه وارتحنا لبعض

طلبوا منه اخواني يحدد زواج باليوم وين ما يبغى ان شاء الله لو في بيته عشان يتطمنون علي

العريس قال لهم لا ابغى اتعرف عليها اول ثم احدد زواجي

اهلي رفضوا و طار العريس

واللحين 2 من بنات جماعتنا تطلقوا و اللحين اهلي خائفين من اي احد يتقدم ويقولون ما راح نزوجك الا لمن نسأل مزبوط عن الرجال

واعرفهم متشاءمين كثيرررررررررررررررررررررررر بشكل غير طبيعي

واخاف يقطعون بنصيبي و خصوصا اني نهائي ما انخطب

وعندي اخوي الكبير الي هو ولي امرررررررررري عنده الكذب زي شرب الماء يكذب بشكل غير طبيعي

لان كذب مرة في سالفه الي تقدم لي المرة الاولى وانكشف كذبه و الخوف يكذف علي في الي يتقدم لي

والله يا بنات ابكي بحررررررررررررررررقه واخاف ينقطع نصيبي بسببهم

واخاف افقد ثقتي في الله

وانا متأكدة انكم راح توقفون معي وواثقه فيكم عشان كذا نزلت مشكلتي


ارجوكم ساعدوني ارجوكم

 

[الخشف النداويه]

رد : بنات ابغى اتزوج بس اهلي و تصرفاتهم تعور قلبي

لا ياحبيبتي إلا انج تفقدين الثقه بالله عزوجل (ولاتيأسوا من روح الله إنه لاييأس من روح الله إلا القوم الكافرون ) عليج بالدعاء واليقين بالإجابه هذا اختبار من الله يختبر صبرج اصبري وادعي تصدقي واستغفري ربج ارضي الله سبحانه تقربي منه تعالي لاتجعلين الدنيا أكبر همج أنا نفس وضعج تقريبا لكن الحمدلله ادعي ربي وانا موقنه بالاجابه ان شاءالله إذا مو بالدنيا يدخرها ربي لنا بالآخره وماعليج إلا الدعاء عسي الله يرزقج ويفرح قلبج عن قريب يارب

 

[i'am THE ONE]

انتبهي تفقدين الثقه في ربك ؟؟؟؟


اعوذ بالله من الشيطان لا تكونين فريسه للشيطان

زيدي ثقتك ان الله رحمن فينا و يحبنا اكثر مما احنا نحب مصلحتنا

وعندك هالايام الفضليه دعاء و صدقات و اتسفار

و دعوة الصايم


موفقه وان شاء الله يصير عيدك عيدين

 

[حبيبة أهلها]

رد : بنات ابغى اتزوج بس اهلي و تصرفاتهم تعور قلبي

هلا حبيبتي تأكدي انة اذا كان من نصيبك ماحد يقدر يردة ثقي بالله عزوجل وحتى لو ماصار نصيب يمكن خيررررة اهم شئ استخيري وادعي والله كريم ,,,

 

[غرور وايل]

نصيبك يصيبك

يعني اللي ربج كااتبه راح يصير

والله يررزقج ويهدي اخووج

اقررري سوره البقره دايم وكثري من الاستغفااار

 

[!! الواصليّـــــة !!]

حطي في بالك ان ألأمر كله بيد الله

والله لو كل قبيلتك رافضين والله امر تتزوجين بتتزوجين ..

لا تقنطين من رحمة الله وايقني تماما ان الله كاتب لك الخير وبيرزقك بأحسن من اللي تقدمولك كلهم .{

الله يرزقك يارب ويسعدك

 

[سعودية عسل]

واخاف افقد ثقتي في الله

وانا متأكدة انكم راح توقفون معي وواثقه فيكم عشان كذا نزلت مشكلتي



وش هالكلام اختي الكريمه خايفه انك تفقدين ثقة بالله وواثقه فينا احنا

احنا ماراح ننفعك بشي يالغلا الله هو الوحيد اللي قادر يفرج همك ويفك كربتك

 

[قـہۈه فـرنسيـہ™]

الله يهووون عليج ...واعرفي نصيبج للحين ما جاج ... وخلي ثقتج برب العالمين كبيره

 

[**تاجر الزين**]

نصيبج يصيبج ياقلبي

استغفري ربج واقري سوره البقرة

والله يرزقج الزوج الصالح

 

[برتوته]

حبيبتي ليش تحرقين اعصابج
باجر ايلج الريال السنع اينسيج هل الايام السوده
ادعي ربج واهتمي لصحتج
والله يرزقج الزوج الصالح

 

[مدرسة84]

الله يعينج

وحسبي الله ونعم الوكيل .

حاسة فيج حبوووبه.

 

[يوآش يوآش]

رد : بنات ابغى اتزوج بس اهلي و تصرفاتهم تعور قلبي

الله يرزقج يارب

واذا لج نصيب بتاخذينه

وخلي ثقتج بالله كبيره ..

 

[أموت برزة عقاله]

رد : بنات ابغى اتزوج بس اهلي و تصرفاتهم تعور قلبي

اختي تبين نصيحه كل ليله فرشي السجاده وتوضي واشكي لربج الحال وشنو بخاطرج وادعي بحرقه قلب وبددموع صادقه ان يرزقج

بولد الحلال وإنما الأعمال بالنيات وتأكدي لو اجتمعوا كل اهلج يقطعون نصيبج ولج نصيب في حد بتاخذينه بإذن الله وجوفي

الي تحته خط بإذن الله .. يعني الله بيده هشي موب بيد أخوانج ولا غيرهم

وربي يوفقج ويستر عليج بولد الحلال

 

[أم ليندا]

رد : بنات ابغى اتزوج بس اهلي و تصرفاتهم تعور قلبي

جزاكم الله خير اجمعين

 

[زهراء الركابي]

رد : بنات ابغى اتزوج بس اهلي و تصرفاتهم تعور قلبي

دام الله موجود ..... وايمانج ودعواتج ..... راح اتوفقين واييلج نصيب ان شالله