بنات ابي اتطلق :(

[لؤؤؤؤدي]

السلام عليكم


شحالكم بناات..

انا اول مره اسجل بالمنتداا

وعااد دشيت عليكم بمووضوعي :gr4uu:


بنات انا تقدمولي ناس وايد ماشاءالله عليهم سنع
لاكن فضلت ولد عمي
ويااليتني ماا فضلته :eh_s(2):

بناات شااقول لكم مااعرف فيني غصه ودي ابجي:eh_s(2):

تخيلوو صار لي 3 شهور من ملجت ماحط لي دينار :0bee2e8d89:
وحتى مهري الي هوو من حقي مااعطااني ايااه اوونه صبروو عليناااا

النااس يوم تبي تتزوج اتكون قد المسؤوليه مب اتيب الملاااج وتملج على البالوشي
لامهر لاهديه لاخاتم ولااشي
والله فيني صيحه ودي ابجي :0bee2e8d89:

ويوم ابوي كلم عمي عشااان يتفاهم وياهم ويجووف شنوو ظروفهم عشاان نعذرهم
تخيلوو ماعطووه فرصه اوونه حشرتوونااا على هالعرس
وللعلم احنا من 3 شهور مابطلناا حلوجناا وساكتين
واخر شي قالوو بنعطيكم نص المهر ومابنسويلكم حفله خطووبه :0bee2e8d89:
يتشرطوون

حسسوني اني رخيصه عندهم والله يابنات انهم ماحسسوني بفرحه مااسولي حفله
ولاياابولي هديه على الاقل
اصلن حتى ماياابوو لي سووويت ولا كيكه :eh_s(4):

وخيلوو خليت ناااس وايد عشاانهم
والله الي تقدموو لي من قبل ناس صج سنعه وهااي عدناا مااملجناا بس زياراات ايوون وايديهم محمله
مع انهم نااس غرب لاكن حسسوني بقيمتي وانهم شاريني وبيحطوني فوق روسهم
وبالمقابل جووفوو شلون ولد عمي مسويلي :0bee2e8d89:


والله مادري ياابناات
ابوي كاسر خاطري يحس بالذنب
واناا لاعت جبدي من هالسالفه قلت له خلااص انهوو الموضوع
وخل نطلع بالطيب مثل مادشيناا بالطيب

ماادري شنوو تنصحووني
ابي مشوورتكم فديتكم :eh_s(2)::eh_s(2)::eh_s(2):

 

[حجيه هيونه]

حبيبتي شنو يبون زواج بالاقساط المريحه !!!


خلي اهلج يوقفون لهم واذا اهم ما حشموا ابوج خلاص حتى انتو لا تحشمونهم

شنو هالتصرفات وين قاعدين مناشبينكم نعطيكم نص المهر وماكو مادري شنو !!

 

[missdreamer]

لا حول ولا وقوه الا باللـه
حبيبتي هذا حقج بالشرع انج تاخذين مهرج ويصرف عليج
وهو من الحين جذي باجر شبيسوي ؟؟؟
اشتري سعاددتج وهديه اذا ما تسنع ولا تحاتين الي راحو لان اذا لج نصيب باحد بتاخذينه محد ياخذ نصيب احد واللي الله كاتبه بيصير
هذي نصيحه من اخت لاختها

 

[brettey]

طالما ماعطاج مهر اكيد بيرخص فيج حبوبه وابوج لازم يتصرف قولي له انا بنتك ترضى لي بالذل والمهانه ؟
واذا مو مرتاحه انفصلي احسن

 

[red rosa]

لا تسكتين عن حقج
عيشه مره جذي؟؟ ذل جذي؟ يبا بلاها من زواج!
بداله الف واحد
يبا تطلقي لا تندمين طول عمرج

 

[أم حيدر]

انتي كلمتي الولد من قبل؟

اهو شلونه؟

زين ؟ خايف الله ؟ يصلي ؟ سمعته زينه؟

اذا كل هالصفات موجودة فيه بس ظروفه المادية صعبة صبري عليه

اما اذا ظروفه المادية زينه ومقصر عليج اهمال او عدم اهتمام ، فنصيحتي ابوج يقعد مع الولد بروحه اول بدون علم ابوه ويسمع منه يمكن جهل او طيش شباب بس اذا قعد معاه وحسه مو مهتم ، يقعد مع ابوه ويتفاهمون ،اذا ما تعدل الحال الله يعينج.

حبيبتي ترى الهون أبرك ما يكون.

ومو سهله تشيلين لقب مطلقة ، درسوا كل الظروف أول.

 

[مزيان]

المفروض ابووووووووج يحط حد للموضوع
والمواجهه ضروريه مع عمج وولده
هذا زواج وراح ينبني عليه بيت واسره وعيال
وبعدها اذا صار شي ماراح ينفعكم عمج ولاشي
الصراحه الزواج علاقه ورباط وثيق والصراحه مافيها عيب
ولا احد راح ينقد عليكم
خل يقوله ابوج لك مهله بعد شهر عدل امورك واذا ماقدرت الله يسهل عليك ياولد اخوي
الا اذا ابوج رضا يشيل مسئوليتج وبيصرف عليكم يسكت
الصراحه ياشين الاهل اذا حسوا انهم ميانه وعادي بس هذا زوااااااااااااااااااااااااااااااااااااااااااااااااااااااااااااااج

 

[đeɱɛɼɑ™]

اذا هذي اولها ينعآف تاليهآ ،
يعني الريال بخييييييييييييل .. نصيحة فلي الموضوع من الحين

اكثر صفة مكروهه بالريال البخل ..
اذا مهرج قصر عليج فيه .. شلون بعدين؟!

انفصلي بالطيب دامكم لي الحين على البر
بس اول استخيـــــــــــــري

 

[:: Diva ::]

ما يجوز زواج بدون مهر
و اذا بدون رضاج ما يصير يقصون من المهر بكيفهم


الله يستر اذا ما طلع بخيل
كلموهم شهر يردون لكم المهر كله و شروطج تتنفذ و الريال بيصرف عليج

جسي النبض قولي
اذا تزوجت بستقيل و ماراح اشتغل
اعتقد انه بيجلط !



الله يكتب لج الي فيه الخير ان شالله

 

[دنيتى زوجي M]

اذا موقد الزواج لي متزوج ؟

لازم يدخلون اهلج ويحطون حد للموضوع

ولا يقعدون يماطلون فيه 3 شهور ولا فوق هذا بيعطون نص المهر ؟؟ حلوه هذي

لازم تاخذين قرار ولا بتمين جذي طول عمرج ولاترخصين نفسج حبيبتي

 

[كسر قلبي زماني]

انا عن نفسي ما اسكت كلش صرااااااااحه
واذا اهمه جذي بخله ولله اطلق واجوف طريجي

لان بدايته عذااب نهايته دماااااااار

 

[missdreamer]

على قوله الشاعر حامد زيد >>> الي اولها خرااااااااب أكيد تاليها خـــراب

 

[Q8iYa'87]

دام توج بالبداية .. وخري نفسج احسن .. هذا اولها الله يعين تاليها ..
استخيري ربج و الله يسهل ان شا الله

 

[al39laa]

بالصراحه مادري شقولج ما توقعت في اهل جي خصوصا انتي بنت اخوه المفروض يحطج في عينه

صلي استخاره واذا ارتحتي للطلاق توكلي عالله وتطلقي والله يعوضج انشاءالله

 

[اشتياق]

اي شيء استغفر الله ..

والله الرسول صلى الله عليه وسلم قال باعدوا ..

ما احبذ زواج الاهل كلش بس عاد اهلي كله يتزوجون من بعض لوووووووووووول

 

[new^mom]

حبيبتي الي يقلل من قيمتج خليه يولي انتي على كلامج الف واحد يتمناج ومدامج على بر انفصلي عنه من الحين وايد احسن وابرك
وانشالله ياربي اييج نصيب احسن منه واسنع

 

[*بسبوسه*]

الرجال ما يعيبه الا جيبه
اذا من اولها حقج الشرعي وهو المهر ماعطاج شلون باجر بيصرف على البيت
يعني انسي انج راح تطلعين وتستانسين وتشترين وتسافرين


دامنج توج عالبر انفصلي وربي بيعوضج

 

[amoOoNA Al_mazyoNa]

استغفر الله ياربي .. حبيتي دامج توووج تطلقي منه الكتاب باين من عنوانه..
هذااا وانتي توج اشلون باجر عيال ومصرف ووو...
حبيبتي اللي ينعرف أوله ينعاف تاليه.

 

[(مطيرية ماركة)]

من البداية طالبي بحقوقج ولا تقولين فشلة وولد عمي ترا الي يسويه الحين يكون عامل لج حساب عشان عروس لو عتجتي شهر وازود شبيسوي

مع تحيات اختج

مطيرية ماركة

 

[حرم الحوت]

لا حول ولا وقوه الا باللـه