بنات ابي احلى و افخم فندق في كويت للعرايس ..

[ساره الغريب]

سلام عليكم

شلونكم بنات شخباركم

بنات انا. عروس و ابي احلى و افخم فندق في الكويت

علشان نحجز فيه ريلي ..

و شغلة ثانية

شنو مطاعم و كفيات الحلوه و رمانسيه و هادية في كويت ..
ولو في مطاعم لها كباين ابي اسمها و شكرا

ولكم صالح دعاء مني ...♡♡♥♥

 

[روح المسا]

أفخم فندق في الكويت ميسوني حلو ويديد

 

[طموحي انجلش]

تبييييين خصوصية وجو وإطلالة
روحي المنشر روتانا
ويمه مجمع الكوت قعدات الكافيهات اللي فيه على النافورة ..والجو خياااال
قعدي بالكافيهات على الساعة 9 تبدا الناس تروح والمكان يفضى والمطابخ تسكر 10 وبعضها 11 بس انتوا طلبوا قهوتكم وشغلكم كله تيك أوي واستمتعوا بأحلى قعدة إلى منتصف الليل
تبين شي يديد وستايله غريب فنق ميسوني
هو عالبحر صح بس بينه وبين البحر شارع وغير جذي مكانه فيه حركة وأنا بالنسبة لي احب الهدوء
تبين مطعم هادي ورومنسي روحي عشا في مطعم لانودغ (لونوتر) اللي عالبحر حجزي كبينه بنفس اليوم وقولي لهم هاني مون ..واهما يدلعونج
تقدرين تحجزين شاليه بمنتجع سيشل فيه مسبح خاص وهالايام اسعارهم معقولة الى شهر 4 ..تبدا ترتفع الأسعر اخذوا لكم 3 ليالي استمتعوا فيه وهو فيه مطعم تابع له

امممم اذا تذكرت شي بعد بقول لج..
وبارك الله لكما وبارك عليكما وجمع بينكما بخير