بنات ابي ارضع وأبي مساعده :(

[cho0ocolate]

السلام عليكم
​

بنات بليييز عندي اسأله عن الرضاعة أنا توني احمل من 6 سنين وفي بنتي رضعت اقل من شهر ووقفت
من العوار الي ما اتحمله ودم وبجي و كنت أحط كريمات من الصيدليه والحواي عشان لا
اتعور بس ماكو فايده
اول سؤال جهاز الشفط يعور ؟؟؟؟؟؟؟و لو في جهاز مايعور شنو أهوا بلييزززززز
ثاني سؤال شنو كريمات استعملتوها للحلمه وماصرتو تتعورون وجم المده و يوقف العوار
لازم استعمل الكريمات من قبل بجم شهر قبل الولاده ويشون لو بحط مسكن شلون على البييي عادي يشرب حليب وفي مسكن
*عطيتكم إحساس أنكم بمتحان صح ههههههههههههه
center]ومشكوريييييييين[/center]

 

[cho0ocolate]

Up
Up
Up

 

[om Firas]

حبييتي الله يقومج بالسلامه
ماعندي فكره ان شالله البنات
يفيدونج
او وحي حق طبيبه شاطر وتعطيج االلازم

 

[شادن33]

حبيبتي يمكن بنتج فيها فطريااات بلسانها
واهي اللي اتخلي الحلمه تتشقق وتعور جيكي مثل بياض قوي باللسان
في مرهم للفطريات عادي اتحطينه بلسانها ويروح واهم شي اتنضفين لسانها بالشاش بعد ماتطييب

 

[c a t w o m a n]

حبيبتي العوار فترة بسيطه و يروح انا نفسج كان دم و الحلمة تتقصص بس يروح تحمليه


الشفاطه ما تعور الالم من الصدر نفسه


اهي فترة يعورج بالرضاعه و الشفط


دهنيه بزيت الزيتون و مريم بالمرز اعتقد في وايد كريمات بالصيدلية حق الشغله



ترى الرضاعة تتعب بلبداية بعدين ترتاحين الياهل يصير يعرف يمص عدل و انتي تعرفين ججم معدته و متى ييوع

 

[@ام يوسف@]

اااااب

 

[cho0ocolate]

مشكوريييييين

​

 

[cho0ocolate]

بنات صج ابي مساعده
Up
Up
Up

 

[دلوعه ناعمه]

انا مثلج ماعرف

 

[ام الحلوااات]

طــــول مـــاانـــتـــي حـــــامــــل بـــاالــــشــهـــور الاربـــع الاخـــيـــرة دهـــنــــي حــــلــــمـــة صـــدرج مــع تـــدلــيـــك خـــفــيــف بـــزيـــت زيــتــــون وبــعــــد الـــولادة دهــنــــي الــتــشـقـــقــــات اللـــي طــبــيــعــــي تــصــــيـــر بـــزيـــت زيــتــــون دافــــــــــيء عـــــااااد مــتــــى ؟؟؟
بــــعــــد مـــايـــرضـــع الــبــيــبــي ويــنــــام ومـــا يـــكــــون بــحـــاجـــه صــــدرج ومـــســحـــي الـــزيــت عـــنــــد الـــرضـــااعـــه​

 

[cho0ocolate]

مشكورين على الرد
ام الحلوات انشااء الله بجرب مشكووووره

Up
Up
Up​

 

[الـفـجـر الـبـعـيـد]

انا اقولج طريقتي من اسبوع لي عشر ايام وراح العوار

كنت مثلج او عشر ايام متشققه بس ما طلع دم ولما ارضع

مابي احد يكلمني اتشنج صج يعور بعد كل رضعه اغسل الصدر

واحط كريم واحط القطن المدور حق الصدر وقبل الرضاعه اغسل الكريم

وبالليل مالج خلق تقومين تغسلين وتردين والبيبي يقعد وايد ويتعلق بالصدر

ما ينام الا عليه اختي قالت لي على طريقه جزاها الله خير لما يخلص

اعصر صدري شوي وادهن الحلمه بالحليب واخليه لما ينشف بعدين ادخل

صدري ومرات ما اسكر (الستيان) اخليه داخل ملابسي عشان ما اقمته

سبحان الله الحليب في انزيمات تشفي التشققات

وفعلا وايد فادتني هالطريقه

 

[om 7sony]

في كريم اسمه
ميديلا ،،، وايد حلو حق تشققات الحلمه
وما يضر البيبي ،،،
وانا استعملت شفاطه avent
مريحه الصراحه
وفي مجربين ميديلا وهم ارتاحوا عليها

وبالنسبه للالم ،، تحمليه حبيبتي جم يوم ويروح
انا اول ما بديت ارضع كنت اعصررر ويهي من الالم ،، حتى زوجي كان يزفني يقولي لازم تكون نفسيتج حلوه وانتي ترضعين ،، بس كان غصب علي اتضايق واتالم
بس سبحان الله. بعد فتره صار عادي
وهو العوار يزيد اذا تميتي فتره طويله ما رضعتي
اذا الصدر كان فيه وايد حليب يصير يابس وثقيل وهني صج يعور

فحاولي انج ترضعين على طول واذا البيبي نايم شفطي له

 

[ناني سيكرتس]

دهني صدرج من حليبج, والله جنه سحر, السستر مالت مستشفى المواساة قالتلي جذيه ولما جربته ايد ارتحت ...

 

[cho0ocolate]

مشكوريييين وايد
وصج موضوع الحليب هذا اول مره اسمعه
وبجربهة ان شااءالله

 

[قطيف]

نفس الشي كنت ادهن الحلمة بحليبي والله شييييييييييي مافي تشققات و لا شي

و من الشهر الثامن بالحمل ادلك الحلمات بكريم بالمرز بزبدة الكاكاو و استخدمته حتى بعد الولادة و احلو فيه بأن مايحتاج غسيل عند الرضاعة

 

[cho0ocolate]

مشكوره حبيبتي بسً صج سبحان الله شلون الحليب
يسوي جذي !
انزين اهوا العوار لازم هذا الي فهمته مافي نحشه منه يعني )))

 

[-_-Designer-_-]

البنات كفوو و وفوو , موضوعج وايد زين من تجاربهم قاعدين نستفيد , بس انا الي اعرفه كريم التشققات الي يبيعونه بالصيدليه تحطينه قبل ما تولدين بفتره عشان تكون رطبه و ما تتشقق

 

[الـفـجـر الـبـعـيـد]

هو اللي اعرفه لازم بس المفروض قبل الولاده من الثامن جذي

ادهنين الصدر بكريم او زيت كل يوم عشان ما تشقق مع الرضاعه

بس انا ما سويتها الصراحه

 

[cho0ocolate]

انا والله سويت جذي قبل هالمره ومافاد حطيت جنه زيت اللوز
وماسوة شي عشان جذي متعقده )
وميرسووووو بنات على الرد :**