بنات ابي استثمر فلوسي ابمكان مضمون ويييييييييييين؟

[life1]

السلام عليكم


يابنات انا عندي فلوس اابي استثمرها ابمكان ما يكون فيه خساير و مجازفات خطيره


انا تقريبا عندي 27 الف دينار


ناطره ردودكم

 

[life1]

ليش ليش ؟؟؟


شالسالفه


لهدرجه خلصت الافكار


ولا الازمه الاقتصاديه لها علاقه


اب اب اب اب اب

 

[نــوي]

حبوبه المبلغ مشالله حلو انصحج تشترين شقه واتأجرينها هذا اضمن شي

 

[life1]

حبوبه المبلغ مشالله حلو انصحج تشترين شقه واتأجرينها هذا اضمن شي

حبيبتي اغلب الشقق السنعه اب40 الف و فوق


تنصحيني ابمكان معين؟؟؟

 

[Dalal.E]

ana ma3a i5ty noy..

yam3ay izyada

 

[نــوي]

حبيبتي اغلب الشقق السنعه اب40 الف و فوق


تنصحيني ابمكان معين؟؟؟

حبوبه التجاره اذا بتدشين فيها للاستثمار مو مضمونه كلش فيها خساره او ربح ماتدرين
نفس الشي البورصه
من جذي احسلج العقار بدون عوار راس
بصراحه ماعرف الاسعار بالضبط بس اعتقد فيه ب30 الف او اقل

 

[life1]

الله كريم ان شاء الله الاقي الشي الزين

 

[Q8stylle]

شوفي توقيعي ياقلبي

 

[مستقبل]

نصييييييييييييييييحه

قسمي الفلوس على قولتهم لا تحطين البيض كله بسله وحده

جزء عقار و نصيحتي ارض بالخفجي تحصلين 500 متر على زاوية ب 5000 دينار بس ، هذي انسيها و تكون سند لج بالمستقبل

حطي جزء بصناديق استثمارية و انصحج بصناديق المشاريع اللي بالهند و بالصين اهما اضمن شي

و حطي جزء تداول عملات تخيلي قبل جم اسبوع الدولار ب 0.270 كويتي و الحين صار 0.290 يعني جان ربحتي مبلغ حلو خلال اسبوع واحد فقط

ممكن تحطين جزء مع شخص عنده مشروع صغير انتي شايفه انه هالمشروع ناجح و ماشي

و طبعا على كل خطوة تخطينها لازم تدفعين دفعة بلاء عنج و عن اهلج عشان ربي يطرح بفلوسج البركة و الاستخاره قبل أي خطوة

الله يوفقج و يبارك لج يارب و يرزقني عشان اسوي المشروع اللي في بالي

 

[q8y-moon]

المستقبل وين اقدر استثمربصناديق الهند والصين؟؟؟
وهل في محافظ للاستثمار الاموال ؟ لاني مو خبيره بالاستثمار ابي احد يساعدني

 

[om3ziz_2020]

الله يوفقج
المشاريع وايد بس سمي بالله وإستخيري والمبلغ اللي عندج زين تقدرين تشتغلين فيه بقولج كم مشروع ومخاطرته :
1- محل عصير : مافيه مخاطرة تبيعين ماي بس الموقع لازم اتعبين عليه وإحرصي إنه يكون يم أسواق شعبية
2- مطبعة : مافيه مخاطره بس ارد ونقول الاهم الموقع
3- مصبغة : إحرصي على المناطق اليديدة مافيه مخاطرة
4- بقالة : ضمان وإنتهى الموضوع بس لازم الموقع والتوفيق من الله مافيه مخاطرة

الحين بقولج خبرتي وتجربتي بالبورصة والعملات وعقود النفط

1- عقود النفط والغاز : بين يوم وليلة ممكن تدخلين بخمسة وثاني يوم تصير عشرة وبنهاية الاسبوع تصير 50 الف ووممكن تصير ولا فلس بس نصيحتي لج اذا بتدخلينه إشتري ولاعة وحرقي فلوسج أحسن لج نسبة المخاطرة فيه كبيرررره

2- البورصة : لازم تدخلين دورات تتعلمين ووتتعبين بتفصيل كل الشركات من اصولها وارباحها وعوائدها السنوية لانج ناويه تستثمرين فيها فلازم ماتحطين فلوسج الا بشيء انتي دارسته عن قناعة وتستاهل تستثمرين فيهم او لا في شركات ورقية مجرد ورق يبيعون على الناس نفس سالفة سوق المناخ وفي شركات تعطيج عوائد سنوية افضل من ودائع البنوك مثل سهم زين وسهم بيتك وغيرهم وايد والازمة المالية اللي مرت كانت في اسهم ب دينار والحين بخمسين فلس حتى احسن من الاكتتاب يعني كإستثمار تحطين فلوسج فيهم وتنسينهم سنتين ولا انصحج تدخلين بالمبلغ كامل
نسبة المخاطره في البورصة متوسطة

الله يوفقج

 

[life1]

الله يوفقج
المشاريع وايد بس سمي بالله وإستخيري والمبلغ اللي عندج زين تقدرين تشتغلين فيه بقولج كم مشروع ومخاطرته :
1- محل عصير : مافيه مخاطرة تبيعين ماي بس الموقع لازم اتعبين عليه وإحرصي إنه يكون يم أسواق شعبية
2- مطبعة : مافيه مخاطره بس ارد ونقول الاهم الموقع
3- مصبغة : إحرصي على المناطق اليديدة مافيه مخاطرة
4- بقالة : ضمان وإنتهى الموضوع بس لازم الموقع والتوفيق من الله مافيه مخاطرة

الحين بقولج خبرتي وتجربتي بالبورصة والعملات وعقود النفط

1- عقود النفط والغاز : بين يوم وليلة ممكن تدخلين بخمسة وثاني يوم تصير عشرة وبنهاية الاسبوع تصير 50 الف ووممكن تصير ولا فلس بس نصيحتي لج اذا بتدخلينه إشتري ولاعة وحرقي فلوسج أحسن لج نسبة المخاطرة فيه كبيرررره

2- البورصة : لازم تدخلين دورات تتعلمين ووتتعبين بتفصيل كل الشركات من اصولها وارباحها وعوائدها السنوية لانج ناويه تستثمرين فيها فلازم ماتحطين فلوسج الا بشيء انتي دارسته عن قناعة وتستاهل تستثمرين فيهم او لا في شركات ورقية مجرد ورق يبيعون على الناس نفس سالفة سوق المناخ وفي شركات تعطيج عوائد سنوية افضل من ودائع البنوك مثل سهم زين وسهم بيتك وغيرهم وايد والازمة المالية اللي مرت كانت في اسهم ب دينار والحين بخمسين فلس حتى احسن من الاكتتاب يعني كإستثمار تحطين فلوسج فيهم وتنسينهم سنتين ولا انصحج تدخلين بالمبلغ كامل
نسبة المخاطره في البورصة متوسطة

الله يوفقج

واااااااااااو

مشكوره

 

[life1]

Ooooooooooooooo

 

[Miss-LuLu]

اشتري اسهم شركة زين مضمونين يطلعلج الدبل

 

[rerys]

السلام عليكم ...
اتمنا اني افيدج بالنسبة ان ودج تستثمرين فلوسج انا في البداية كنت ادور مشروع ضمان و الحمج الله الليه سهل علي و بديت بالعقار و مشت اموري لان اضمن شي العقار و ما فيه خساره ان شالله انا عن نفسي توني شاريه ارض و شقة مفروشة في سيريلانكا طبعا شي على مستوى راقي لان هذا مشروع مدينة كاملة تتضمن فندق 5 نجوم و منتجع شقق و اراضي و قلل و مولات يعني شي راقي و طبعا ان اسعارهم مو غاليه مقدور عليها يعني الارض 5 الاف و الشقة 13 الف و طبعا في نظام الاقساط بدون فوائد و في لج ضمانات ان شالله ..اذا تحبين عن الموضوع انا حاضرة @@

 

[lolo77]

مثل ما قالوا اغلب البنات
احسن شي العقار

اذا تقدرين تشترين محل وتاجرينه
وكل شهر تحصلين الاجار وبلا بضايع وعوار قلب

وفي شي يسمونه تسوين رخصه محل
وهم بعد كل شهر لج مبلغ

والله الموفق

 

[rerys]

جمعة مباركة ..
شلونكم بنات @@ حبيت اذكرج برقم مسئول التسويق 94444098
دقي استفسري منه و ان شاالله يفيدج اكثر و صج على فكره في بعد اكتتاب لنفس الشركة

 

[3wa9ef]

مشكورة rerys والله حتى انا قاعدة ادور على طريقة استثمار مبلغ كبير

 

[شذي الفردوس]

حيبتي اسمعي نصيحه مني
اشتري فيهم شقه
انا شاريه بالمهبوله ب23 الف
تلقين وااايد بالعاشره بهالمبلغ
واجريها وانتي مرتاحه كل شهر يجيج الاجار وغير العقار يزيد كلسنه ومضمونه فلوسج بشي ملكج
انا عندي شقتين
و لو عندي الحين جان بعد شريت
حطيت بصالون وخسرت وحطيت باسهم وخسرت
لا تجاره تنفع ولا اسهم كله خرابيط ومجازفه وخساره
عقار بالبلد وبس لا تفكرين بشي ثاني نصيييحه حبيبتي

 

[3wa9ef]

انا بعد اقول تاخذين شقه احسن لج بس اهم شي اجارها مضمون مو تتوهقين محد يأجرها