بنات ابي اغسل سجادتي انصحوني شنو استخدم من منظفات

[وحدة كويتية]

السلام عليكم
شلونكم بنات شخباركم
الموضوع باين من عنوانه
ابي اغسل سجادتي بالبيت لاتقولون لي وديها المصبغه انا من سمعت من موضوع بنات كاتبينه بالمنتدى عن سوالف المصابغ وانا توبت اودي كفراتي او سجاداتي للمصبغه
المهم قررت اني اغسلها بالبيت وابيها تلق لق
فياليت يابنات تنصحوني بافضل شي من منظفات جربتوها لغسيل السجاد
ومشكةوووووورين مقدماً:eh_s(7):

 

[al6aylaaa]

فانيشش

 

[S & H]

اخلطي تايد + العملاق + شوية قاز

وغسلي سجادتك تطلع نظييييييييييفه كأنها جديده
انا اغسل بهالطريقه والله

شغل نظيف ومامنه خوف
وعلى فكرة القاز مدري اظاهر انتو تسمونه الكاز هاذي وظيفته يلمع السجاده ويخليها تلق لق

 

[نووووونا]

العملاق الاخضر او لوكس

 

[وحدة كويتية]

شكرراااااااً

 

[عاشقه الاسمرانى27]

والله حبيبتى خلى خدامتج او خدامت بيت الاهل وانتى وياها العملاق الاخضر +تايد عجيب ورشى على السجاده الاول ماى

بعدين خلطه الصابون وبالبروش والمخمه ام ايد (المكنسه ام ايد) واغسلوها عدل مدل وبعدين اسحبى الماى بالمممسحه
وغسيل بماى نظيف لين يطلع الصابون بس لا تشيلينها لازم احد يساعدج فيها انتى والخدامه لانها تصير حيل ثقيله
انا اسوى جذى​

 

[وحدة كويتية]

مشكووووره حياتي يعطيج العافيه

 

[dnyay_mll]

اومو وفانش وفركيها بالحوش عدل
بعدها كمفورت وشوية ديتول الاخضر
وخليها لما تنشف بالشمس

 

[سمو الغلآ]

ماشاء الله تووني داشه بقولج العملاق مع تايد

طلع عمووم الشعب عليه هههههه

رشي الزوليه ماي تالي صبي خلطه التايد والعملاق والديتول

وفركيهااا عدل مدل تاللي رشي ماي وخلي احد يمسح الزوليه بمساحه علشان يطلع الصابون

واخر شي كمفورت علشان تنعم الزوليه بس

لازم تنظفينها عدل عن الصابون علشان ماتصير يابسه

 

[وحدة كويتية]

ماااتقصروووون يعطيكم العافيه
عاد اليوم توني راده من الجمعيه ونسيت اخذ العملاق

 

[جروح ودموع]

كومفورت وتايد وديتول وفركي الزوليه وشوفي النظافه والريحه شلون