بنات ابي الحل للخواصر وشحمة الظهر

[أحاسيس دافئه]

اشلونكم يالغاليات
لالالالالالالالالالالالالالالالالالالالالالالالالالالالالالالالالالالاعت جبدي :0bee2e8d89: سويت كل التحاليل وكلها زينه دم وغدد وكل شي
مو قاعده اكل شي ووزني يزيد بس المصيبه انه قاعد يزيد بالخواصر والشحمه اللي بالظهر تحت
الجسم شكله صار يلوع الجبد وكله بسبب ابر الميزوثيرابي لما غزيتهم من سنتين صار جسمي وخصري يهبل بس لما متنت الحين صار التركيز كله بالخواصر واشحمة الظهر التحتيه
بنات شنو الحل بلييييز حبوب كريمات رياضه شنو
قالولي استخدم الحزام الهزاز اللي عند النوادي اللي متعلق عالطوفه عرفتوه؟
قالولي يسحت الخواصر والشحمه هذي سحات انتو اشرايكم بنات؟؟؟؟؟؟؟؟؟؟؟؟؟؟؟؟؟؟
اذا زين قولولي بليز علشان اشتريه

 

[ii DareeN ii]

انا فادني المساج والسباحة الايروبيك وممكن تستخدمين حق الخواصر القرص الدوار

 

[أحاسيس دافئه]

معقوله بنات ولا وحده جربت بالنادي الحزام الهزاز واشلون مفعوله على الخواصر؟؟؟؟؟؟؟؟؟؟؟؟؟؟؟؟؟؟؟؟ظ

 

[dan]

انصحج بمساج و رياضة دخلي نادي

 

[الجووورى]

هلا قلبى انا استخدمته بس سمعت يقولون مو زين
والله يكافينا الشر يقولون يسبب مشاكل بالرحم لجل جدى وقفته
بس مافى احسن من القرص الدوار وتمارين عذارى تلقينهم بالمنتدى
للعضوه الله يجزاها خير سماالكويت

 

[مستشاره قانونيه]

حبيبتي احسن شي الرياضه + الركض انا قبل كنت بس امشي على جهاز المشي الحيين قمت اركض وحسيت بفرق والله

وبعدين السباااااحه ممتازه

 

[أحاسيس دافئه]

بعد عمري ما قصرتوا
للأسف اني ما اقدر أسوي رياضه لأنه معاي ديسك قوي وفك بالحوض
حتى المشي على الجهاز ما أقدر
الله لا يوفج اللي حسدني بس هذا اللي أقوله يا بنات

من جذيه بس اللي أقدر عليه اهوا الجهاز الهزاز
قالولي انه عمله عمل المساج ممتاز
فقلت آخذ رايكم

 

[كراميل]

لا ترا الحزام مو زين للي عندهم دسك

و السباحه اهيا الرياضه الانسب للي عندهم دسك

ديري بالج و ما تشوفين شر يا رب

 

[@شواقه@]

الفكس ثم الفكس ثم الفكس


انا حطيت فكس ونايلووون مال الاكل وسويت رياااضه وراحت الجوااانب

 

[وفا]

الله يشفيج اختى الغاليه ما تشوفين شر

انا رايي من راي البنات

أكثر شي يناسبج السباحه والرياضه تحتها

عسى ربي يوفقج ويبعد الشر عنج

 

[أحاسيس دافئه]

بعد عمري ما اتقصرون والله صار لي كم يوم اجرب المساج بالفكس احس تغير جسمي اشوي
مو الفكس العادي لالالا اللي يسمونه ابو العضلات اللي مرسوم عليه ريال
صج حسيت ابفرق ومستمره ان شاء الله وانشوف

 

[nandeny]

حبي عليج بالسباااااااااااااااااااااااااااااااااااااااااااااااااحه

 

[دانات2]

السباحه والرياضه

 

[الأمـــواج]

انا ذابحتني شحمة الظهر

المساعدة يابنات

 

[++The DuchesS++]

ومنكم نستفيد

 

[daana]

يمكن زاد وزنج عقب ماقزيتهم بس يتجمع الوزن بمكان غير مكان الي غزيتي في ابر
المشي زين احسن حل
و ال lpg
اعتقد ينفع و لا زم تراقبين وزنج على طول مايزيد و الله المستعان