بنات ابي حل حق الاكزيما جزاها الله خير الي تساعدني

[Red Strawberry]

السلام بنات

بنات بنت اختي عمرها 10 سنوات وكل جسمها فيها اكزيما ماتعرفون طبيب زين

مسكينه امها ماخلت دكتور ولا مستشفى خاص يعطونها بهالكرتزون وماكو فايده:0bee2e8d89:

 

[الحلا محتويني]

اهم شي اللي فيها اكزيما الترطيب انا الحمدالله ما استخدم شي بس اكثر فازلين على ايدي قبل لا انام الحمدالله يوم عن يوم يخف..انا الاكزيما بإيدي ويطلع فيها حبوب بيضا بس من اسخدم الفازلين يخف يوم عن يوم

 

[Red Strawberry]

مشكوره حبيبتي

رفع

رفع

 

[softlady]

رفع لعيونج

 

[فراولة زرقاء]

حبيبتي زيت الترمس ممتاز للاكزيما ثلاث مرات باليوم و على فكرة اكثر حالات الاكزيميا و الدمامل تجي نتيجة عين وحسد ارقي بنتك و غسلي مكان الاكزيميا بماي مقرى فية اخوي قعدنا اكثر من 11 سنه نعالج فيه اخر شي لما قرينا علية طاب و قالي هالشيخ هالكلام انها تجي اكثر شي من الحسد انتي جربي ماراح تخسريين شي و ما تشوف شر

 

[ساليه.]

الله يجزاكم خير انا صارلي ثلاث سنين والاكزيما فيني وماراحت لين الحين افيدوني شنو العلاج تكفووووووووووووووووون

 

[shahooda123]

انا بنتى شذى واستخدمت لها كريم اسمه بيمافكورت وايد زين بسرعة يخفف الاكزيما وتروح

 

[" تعب قلبي "]

رد : بنات ابي حل حق الاكزيما جزاها الله خير الي تساعدني

انا عيالي كلهم اكزيما بايدهم

وتنشف حيل وتشقق وتصب دم من قوة الأكزيما

ماخفف عليهم الا طين الخاوه اخذته من الحواج طبعا اتعرفونه اكيد

نقعيه بماي لي ثاني يوم وحطيه كانج اتحنين ايدج واتركيه عشر دقايق اهو بينشف من نفسه

وغسلي ايدج عقب ونشفيها عدل عدل وحطي اي كريم خاص بالأكزيما استمري اسبوع وشوفي النتيجه

عيالي وايد مرتاحين من هالشي الحمدلله وخفت حيل حيل شبه اختفت الحمدلله

 

[ذات الهمة العالية]

نقعى قسط بحرى مع زيت زيتون 15 يوم وبعدها دهنى المكان واقرىء على الزيت فى وحدة تبيع الزيت وتسوى حجامة إذا تبين رقمها دزى لى على الخاص

 

[ذات الهمة العالية]

نقعى قسط بحرى ( الحار ) مع زيت زيتون 15 يوم وبعدها دهنى المكان واقرىء على الزيت فى وحدة تبيع الزيت وتسوى حجامة إذا تبين رقمها دزى لى على الخاص

 

[حضن امى]

رد : بنات ابي حل حق الاكزيما جزاها الله خير الي تساعدني

انا عندى الحل وادعيلى
فه زيت اسمه لقمان حيات عند العطار انا شريته من عطار جمعيه الشاميه فى المول ب3دنانير
وادهنى منه مرتين الى 3مرات وبعد يومين ادعيلى وبشرينا اختى

 

[ام النايف]

اسال الله لك الشفاء اختي .. :aha:
وانقل لك تجربه لاحدى الاخوات عانت من الاكزيما الله يشفي الجميع وهذا كلامها


انتشرت الاكزيما في جسمي انتشار غير طبيعي

شوهت جسمي والعبت فيه لعب غير طبيعي وبدال ما اركز

على منطقه وحده صرت اطالع جسمي واصيح تشوهت يا بنات

والي جربت الاكزيما تعرف عن ايش اتكلم ما خليت دكتور

ما رحت بس جسمي قلب فحمه قلت سبحان الله بساعه بلاني

ربي والحمدلله على كل حال يعني بدال ما كان يضيق

صدري لاني مو قادره البس شورت صرت ما اطلع حتى كعب رجلي






في يوم من الايام وها الكلام قبل تقريبا 3 شهور او

اقل بكم يوم دخلت منتدى وكانت فيه وحده الله يوفقها والله اني

ادعي لها من كل قلبي والله اني مو متذكره اسمها بس

الله يعطيها على قد نيتها ويوفقها كانت كاتبه عن طريقتها

انها تستخدم زبدة الشيا مع زيت زيتون

وانها اخذت الطريقه من وحده اجنبيه كاتبه تجربتها

او با الاحرى مصوره نفسها وعارضه تجربتها وتقول

انها اخذت الطريقه وجربتها كم مره وبتستمر عليها

عاد مدري وش صار عليها بس الله يوفقها وين ما راحت

لاني مدري وش اسمها بس كانت كويتيه






المهم




الاجنبيه الي عارضه تجربتها راحت منها الخطوط نهائيا

وقالت ان صديقتها راحت منها اثار الاكزيما بعد استخدام

ها الطريقه بس بشرط ان النتيجه ما تبين الا بعد 6 شهور

يعني ان شاء الله بعد 6 شهور تختفي تماما وبتلاحظون

التغير والتحسن من بعد شهر ونص بس بشرط الاستمرار ياااااابنات




والله الذي لا اله الا هو انها خفت مني بنسبة 80 با الميه

واثار الاكزيما كلها اختفت ولي 3 شهور استخدمها ويمكن

اقل بكم يوم بشرط الاستمرا ر






الطريقه هي




تجيبون زبدة شيا خاااااام

بدون اضافات يعني الي عند بدي شوب هذي لوشن ترا مهب صافيه

ميه با الميه وتجيبون اي عليه فاضيه نقول مثلا علبة

مويه صحه الصغيره وتحطون داخلها اقل من النص

زبدة الشيا الخااااااام وتعبونها زيت زيتون لحد

ما يغطي الشيا حوالي 1 سنتي وتقفلون العلبه وترجونها

كويس وبقوه لحد ما تمتزج بزيت الزيتون وبعد ما تتروشون

وتتليفون وتنشفون اجسامكم تحطون بيدينكم وتمسحون

على كل جسمكم انا اكثر منه بصراحه يعني احط وارجع

احط مره ثانيه وادلك جسمي لحد ما احس انه تشرب

والبس واطلع من الحمام طبعا بتحسون با اللوشن الي

سويتوه وبعظكم يمكن يقول ريحته او ثقيل انا كذا اول

مره بس بعدها بربع ساعه بيختفي كل شي وكنك اصلا

ما حطيتي شي ويوميا سووها والي زوجها مو فيه او زايره

اهلها كل ما حست انها فاضيه تحط من ها الخلطه بس

بتحس انها اثقل عكس لما تتروشين المسامات بتكون

مفتوحه بعد المويه الدافيه والتليف فا على طول

يمتصها الجسم بس اذا حطيتيهاا وجسمك ناشف

مره ثانيه بتحسين انها اثقل وريحتها اقوى انا يوميا اتروش

واحطها من بداية اليوم واذا جيت انام اتروش واحط من

زبدة الشيا الحالها بدون الخلطه ادهن جسمي وبعد نص ساعه

بتختفي ويصير جسمك رطب ويلمع استمرو والله ان الخطوط

الي بجسمي لازم اتدققين علشان تشوفينها يعني لسا

ان ربي احيانا ولحقنا خيران شاء الله بعد 3 شهور ثانيه

تكون مختفيه وتصفي الجسم بشكل خيالي يا بنات والي اباطها

اسود تدهن حتى اباطها وازنودها كل الجسم وكل

ما فضيتو حطو من الزبدة الحالها يعني عليه بشنطتك

وعلبه في البيت بس لازم الاستمرا ر والي كارهه

زيت الزيتون تحط معها زيت لوز انا استخدمتها لمدة 20 يوم

مع زيت اللوز بعدين قلت خليني على زيت الزيتون






نجي للاسئله الي انا متوقعتها منكم




من وين تلقون زبدة الشيا الخام






من محل اسمه loccitane




وبرضو تلقونه عند محل اسمه ان كاني ما غلطت اسمه كنز الطبيعه

او كنوز الطبيعه في غرناطه

اما الي في بدي شوب ونكتار

فهي لوشن يعني اذا بتاخذونه خلوه مرطب دائم

بس الاصل الي انا كتبته لكم

 

[ملــحْ !]

رد : بنات ابي حل حق الاكزيما جزاها الله خير الي تساعدني

الله يشفيـهـآ


كآنت فيني والحمدلله مآرآحت
الرقيه + كريم لعلآج صدفيه والآكزيمـآ من عطآر بالديره >

والله حمدلله حتى مآردت ..:eh_s(22):