بنات ابي حل لمشكله اختي اللي صارت مشكلتي للأسف

[وحدة كويتية]

السلام بنات ابي رايكم بمشكلتي
احنا خوات تزوجنا اخوان وهذي اكبر مصايبنا اختي ماتوفقت مع زوجها وطلقها وانا استمريت مع زوجي
الحين مربط الفرس ان حمولتي كلهم كرهوني وحقدو علي بسبه ان اختي صارت لها مشاكل معاهم وحمواتي مو حابينني بالمره
ويقطون علي نقزات ويتحرشون فيني واذا سوو عزيمه ما يعزموني بالعربي من الاخير مايبوني عندهم بالبيت يبوني الحق اختي وانا مالي شغل باي مشكله من مشاكل اختي معاهم
واذا كلمت زوجي يقوللي انتي غلط واخواتي صح حتى لو كانو هم غلطانين
انتم شرايكم بالموضوع وشنو الحل مع زوجي
فيدوني جزاكم الله الف خير:bbbiu:

 

[الغلا كله لبوي]

الله يكون بعونج صج تخلف انتي شكو بااختج حبيبتي ليش ماتطلعون بيت لحال احسن لج ولهم وعلى طاري العزيمه اذا مااعزموج بكيفهم انتي لا تتضايقين من الشي هذا انتي قومي بالواجب مع عمج وعمتج بس
وبنسبه لزوجج الله يهديه لج اكيد شايل على اختج علشان كذا صار بصف خواته
عليج بدعاء والاستغفار ان الله يكفيج شرهم ويهدي زوجج لج تقربي من ربج والله يوفقج

 

[a77sas '3alee]

مادري شقووولج الله معاج دامج ع حق مردهم بيحبوونج انتي مرت اخوهم وام عيالهم بس انتي حاولي تاخذينهم بالكلام الحلو كسبيييهم

 

[teacher-123]

السلام عليكم
اذا السالفة فرش أكيد بيحقدون هذي ردت فعل متوقعة
انتي خليج على أخلاقج الحلوه لا تتغيرين ومع الوقت
بيعرفون انج انتي الصح وحتى لو ماعرفوا مشكلتهم
انتي سويتي اللي عليج
والله يصبرج​

 

[يعنني أتغلى]

لاحول لله ولا قوه الا بالله

توجهي لربج

​

 

[صفيه]

اطلعي بيت بروحج,,وماعليج منهم اذا زوجج يبيج ويحبج خلاص

شبين فيهم وبعدين قوليلهم الخوات موكلهم واحد انا غير عن اختي..

خليج على طبعج وبطقاق هم..واقري الاذكاروالله يكون بعونج..

 

[معزوفة عشق&]

الله يفرجها عليك ويبعد عنكم المشاكل

ورررررفع لعيووووونك

 

[♥ SWeeRa ♥]

حبوبه ..
الله يعينج ويعين اهلج

تحملي وطلعي بالزينه..
واذا تكلمو او شي قولي اختي وحماي ربي ماكتب لهم نصيب
انا مالي شغل
اذا ضايقتكم بشي قولولي

 

[عاشقة هواك]

الله يفرجها عليج

اب اب

 

[طموحي كمولي]

الله يعيييييينج ...

انا اقووول شووفي لج يوووم متضااايقه وابجي قدااام زوجج وقولي له كل اللي بقلبج ... يمكن يفهم ...

الله يهدييييهم ...

 

[عالمي انا غير]

طنشي فيهم هم يبون عليج الزله انت فعلا مالج شغل بختج هي ماتوفقت بحياتها معاه انتي شكو حبييبتي احسن خذيهم ع قد عقلهم وبس

 

[ام زهقانه]

محد ياخذ ذنب احد خلي علاقتج بخوات رجللك سطحيه حيل يعني رسميه ورال ما يرضي علي اهله وخواته

 

[ام زهقانه]

محد ياخذ ذنب احد خلي علاقتج بخوات رجللك سطحيه حيل يعني رسميه و رجال ما يرضي علي اهله وخواته[/quoteحتي لو انهم غلطانين

 

[ام عفاف الكويت]

انتي مالج ذنب
الله يعوض اختج يارب
ودام انتي مرتاحه مع ريلج
خلاص لاتشيلين بقلبج
اهم شي حياتج الخاصه
بالنسبه لحمواتج ترى همن لو السالفه يديده
تاخذهم الحميه شلون اخوي يطلق اختها شفيه اخوي
عرفتي
فطوفي

 

[مطيرية متواضعة]

مايعزمونج احسن واحسنين فككككة
واصبري وبتفرج ان شاءالله

 

[شذى2007]

اذا انتي زينه معااااهم الحمدالله والشكر شكواختج يعاملونج جذيه والله ماااالج الا تطنشين اصلا لاتفكرين فيهم

 

[أم توتو]

الله يعينج انا اعرف وحده جذيه واخر شي طلعت بيت بروحها وافتكت

 

[دلوعة أبوهآ]

الله يكون بعونك ..

 

[وحدة كويتية]

مشكوررررين حبيباتي للردود الطيبه
بالنسبه للي تقول يمكن السالفه توها صايره وفرش لا والله السالفه قديمه من ٤ سنين تقريباً وحقدهم علي يوم عن يوم يزيد
وزوجي مو راضي نطلع من البيت كلش
ادعولي يابنات تكفووووون طالبتكم ان الله يهدي زوجي ويخلينا نستقل ببيت بروحنا لأني واللله تعبت حدي
وجزاكم الله الف خير للمساعده
وعساه في ميزان حسناتكم