بنات ابي رااايكم : )

[يـاسمين]

السلاام عليكم
بنات شلوونكم
بنات ابي رايكم بموضوع وبليييز عطوني رايكم لانه يخص اختي
ولد عم ريلي شهادته متوسطه وبالحرس الوطني وقال حق ريلي ان يبي يتزوج اختي وريلي قالي بس ليلحين ماصار شي رسمي
والولد انا اعرفه خلوووق لانه اهو دايم مع ريلي وخوانه والريال يصلي الصلاة بوقتها وبار بامه وامه اذا تبي شي تكلمه اهو من بد خوانه باي شي تبيه وكل سنه يودي امه العمره والسنه الي طافت وداها الحج والسنه هذي بوديها بعد والله يابنات ان كلما شاف امه يبوس ايدها وراسها بالطلعه والدخله والولد الحمدالله مو راعي خرابيط واذا سافر يروح مع ربعه دول سياحيه مثل ( لندن - النمسا - سويسرا الخ ) واختي اخر سنه لها بالثانويه وقال حق ريلي ان ماعنده مانع تكمل دراستها ( داخل الكويت )
واختي شهادتها ثانويه وبتكمل جامعه وان شاء الله بتخلص الجاامعه
الحين بنات عادي يعني اهو شهادته متوسطه واختي ثانويه وان شاء الله تلخص الجامعه ؟
ومايصير حساسيه بينهم
بليييز بنات عطوووني رايكم

 

[mischocolat]

الواضح انه مب مركز على سالفة الفرق التعليمي بينهم بس لازم تشوفين راي اختج بالاول يمكن هي ما تقبل بهالشي

 

[Um Tuki]

عادي مافيها اي مشكلة اهو ريال و تقولين عنه خوووووش ريال

ربي يوفقهم

 

[pink vanilla]

اي عااادي الريااال ما يعيبه شئ ومعاش الحرس حلوو

واهم شئ اخلاقه وانه يصلي فليش لاا

واختج سنهاا سن زواج اخذي راايهاا

الله يوووفقهااا :*

 

[fofo90]

الشهاده مو كل شي اذا الرياال ززين
واختج مقتنعه شنوو المااااااانع
يا ما رياييل عندهم شهاايد عاالية وشوفي شنو
مسوين بحريمهم والعكس طبعاااا
الله يووفق

 

[NZaKa]

الشهاده ممكن تتعوض لانه يقدر يكمل لكن الريال الزين مايتعوض فنصيحه اذا اختج تحسين مستعده لزواج و الريال شاري ومحترم توكلوا علي الله والزواج قسمه ونصيب بنهايه

 

[الأميرة جوري]

اهم شي اخلاقه ...يقدر يكمل عادي خل تستخير وربي يوفقها

 

[قنــــــــــوت]

والله يالغاليه ...من كلامج عنه الولد كامل مكمل باخلاقه ..

يامااا اهل شهادات .. واخلاقهم العياذ بالله .....

كلمي اختج ... والله يكتب اللي فيه الخير

 

[ماكو]

عادي الله يكتب لهم اللي فيه الخير

 

[ناتشوو]

اهم شي راي اختج
ومدى التوافق بينهم والقبول النفسي بالبداية
وهذا مو مرتبط او معتمد ع شهادات الطرفين

 

[Patcholli]

مايندري حبيبتي يعتمد عليه اهوا

في ريال يشجع مرته

وفي ريال يحس بالنقص ويغار اذا مرته صارت اعلى منه

 

[فديت اللي أحبه]

الشهاده ممكن تتعوض لانه يقدر يكمل لكن الريال الزين مايتعوض فنصيحه اذا اختج تحسين مستعده لزواج و الريال شاري ومحترم توكلوا علي الله والزواج قسمه ونصيب بنهايه

درر وكلام عين العقل 
الشهاده تتعوض بس الرجال مايتعوض ..
وإن كان نصيبها ومكتوب لها بتأخذها ..
الله يكتب اللي فيه الخير ويوفقها ويوفق بناتنا وبنات المسلمين *

 

[منووله مشعل]

مافيها شي ...

الرجااال مومن شهادته ...

اعرف وحده جامعيه وماخذه واحد كاتب بالمستوصف وحياتهم ماااشيه ...

واعرف وحده جامعيه وزوجها جامعي وحياتهم اعوذ بالله ...

الرجاال برجوولته وصلاته مو بشهااادته ...

الله من جامعي يدبل جبدج ويلعن خيرج ولا يشوفج شي والا واحد شهادته متوسط وكلام حلو وعيشه حلوة ومعززج ومكرمج والخيره فيما اختارها الله ...

طبعا كلامي للجامعييين ولا للمتوسط بس كضرب مثل لا اكثر ...

والله يكتبلها الخيره ويوفقها يارب ...

 

[زبــــــــدة]

الشهادة مو مهمه بالزواج ...مهمه حق الوظيفه

وشوفي اختج اذا عادي عندها

بس مانصح تتزوج قبل لا تكمل دراستها حتى لو اهوا راضي ..

 

[سارة ة]

الشهاده مو مهمه اهم شي الاخلااق

بس خل ديربالها مو تشوف نفسها عليه عل بونها جامعيه

انا جامعيه وريلي شهادته متوسطه بس اهو حيل يغار من شهادتي وشلون وصلت!! خل تحط هالفكره براسهاا ان مرات تصير غيرره بالمناصب بين الزوجين

 

[فوفو22]

الرجال باخلاقه وشخصيته

اما شهادته فممكن يكمل دراسته

فوفو

 

[brettey]

اعرف واحد خذا وحده تصير له من بعيد بس يحبون بعض وامه ماتبيها بعد بس خذاها واهي تدرس بالتربيه الاساسيه والحين اهي مدرسه وهو شهادته متوسط بالجيش عسكري اظن
مدللها سفرات اوربا وشرق اسيا ويولدها باحسن وافخم الاجنحه بالخاص اهي طبعا تساعده بالسفرات بس اول سفره ماليزيا قبل لا تتوظف اهو الي دفع
ولا يرضى عليها

 

[يـاسمين]

مشكووووووووووووووورين علي الرودود
الله يعطيكم العاااافيه

 

[om . alzeen]

لا ماياثر مو شرط
انا زوجي شهادته ثنويه وانا جامعيه والحمدلله ماحسسني ولاحسيت بغيرته او حساسيته بهالشي
وهالشي يرجع للشخص نفسه بعد في ناس تتاثر وفي ناس عاقله وفاهمهه اكبر من هالسوالف

 

[sh_mashael]

الحين ماعنده ثانويه
جك بوم إلا مسجل بالجامعه و يكمل دراسته
وايد جذي

الله يوفقكم