بنات ابي رايكمـ؟؟

[واثقة بجمالها]

بنات شلونكم/ شخباركم؟؟


بنات ابي رايكم ابي افضل الكتب بكافه المجالات؟؟

بصرااحه صاير فيني هوس وشغف للقراءة بس ماني عارفه ابدى بشنوو؟؟

بنات نتظركم

 

[~q8ia~]

فيه عندج روايات علياء الكاظمي

فيه كتب شركة انجاز للنشر لكتب تطوير الذات

منهم بشير الرشيدي و طارق السويدان و خالد الديهان

عندج كتب بلاتينيوم بوك متنوعه

و اهم كتابهم عبدالوهاب السيد

فيه كتب الشاب الكويتي خالد النصر الله كتبه متنوعه و على شكل روايات و اكثر

و وااايد

 

[Little_Queen]

يعتمد حبيبتي
هل تبين تثقفين نفسج فعليا ؟

ولا تبين تضيعين وقت فقط ؟؟

هدفج يحدد نوعيه قراءاتج

مع ان انا جدا مؤيده لمقولة ماكو كتاب مو مفيد

لكن بما انج توج مبلشه فلازم لازم لازم تقرين شغلات تمهد أساس حلو لفكرج

امممممممممممممممممممم ..

جم عمرج و شنو تدرسين او تشتغلين ؟ و شنو طبيعه الاشياء اللي تحبينها ؟

 

[LA TROO7]

على حسب مودج شنوو تميلين له !!

عالعموم من الكتب اللي لازم تقرينهم

نسيان دوت كوم لاحلام مستغانمي

أيقظ قواك الخفيه ل انتوني روبنز

والقاائمه تطوووووووووووووووول

 

[واثقة بجمالها]

كويتيه << ثانكيوو
ليتل << عمري 22
ادرس ادب انجليزي واشتغل سكرتيره
والشغلات اللي احبها اللي تتعلق بالذات وتحقيق الاهداف والتفائل
واكيد ابي اثقف نفسي فعليا
انتظرج يا حلوة


لاتروح<< فديتج والله وسجلت اسماء الكتب وباخذهم باقرب وقت ان شاءالله



وانا الحين بلشت بكتاب( لا تحزن ) لعائض القرني بصراحه اسلوبه رووعه واحس نفسيتي تفاعلت مع كلامه



مشكورين بنوتات

 

[بمبة المفترسة]

القرني عنده اكثر من مؤلف فأبدئي فيهم
عندج نهج البلاغة لعلي بن ابي طالب حلوووو
رجال حول الرسول وكتاب ثاني نساء حول الرسووول
عندج كتاب الامام الشافعي حياته وشعره رووعة
عندج الامام عبدالله ابن المبارك ايضا حياته وشعره وهو استاذ الامام الشافعي
عندج الكتب التاريخية والشخصيات التاريخية شجر الدر / زنوبيا / قطز / الظاهر بيبرز
كتب عن الدولة الاموية والعباسية
عندج كتب تاريخ الكويت فيه وايد كتب عن تاريخ الكويت انا قريت اكثر من كتاب وكلهم روعة
فيه وايد كتب

 

[miss_math]

انصحج بـ

كتب سيرة الرسول صلى الله عليه وسلم :

روضة الأنوار في سيرة النبي المختار لـ صفي الرحمن المباركفوري ..

الرحيق المختوم لـ صفي الرحمن المباركفوري

كتب تنيمة الذات :

استمتع بحياتك لـ د. محمد العريفي ..

جدد حياتك لمحمد الغزالي..

كتب عن امهات المؤمنين رضي الله عنهن :

تراجم سيدات بيت النبوة لـ د. عائشة عبدالرحمن ..

صاحبة الحرير الأخضر لـ د. عبدالرحمن العشماوي ..

كتب منوعة :
من حديث النفس لـ للشيخ علي الطنطاوي

ابتسم لـ د. عائض القرني ..

لا تغضب لـ د. عبدالرحمن العشماوي ..


هكذا هزموا اليأس لـ سلوى العضيدان ...

شكرا أيها الأعداء لـ د. سلمان العودة ..

نهاية العالم لـ د. محمد العريفي ..

حقق حلمك في حفظ القرآن الكريم لـ د. عبدالله الملحم ..

 

[سويت غيرل]

إذا تحبين الروايات الاجتماعية عندج روايات الكاتبة المبدعة علياء الكاظمي روووعة كل كتاب أحلى من الثاني

و في روايات أغاثا كريستي البوليسية و كتب الكاتب المبدع عبد الوهاب السيد في علوم ما وراء الطبيعة قصص و لا في الخيااال

هذه أحلى مجموعة من الكتب مسلية و ممتعة و مفيييدة و كلها تلقينها بمكتبة جرير

 

[خليج***]

كتاب
اين قيم الجوزية
(الداء والدواء)

يتكلم عن علاج جميع المشاكل اللي ممكن تواجه الانسان تحديدا المشاكل الروحية والنفس..
واهوا يعتبر كتاب قديم من مئات السنين ويمكن اكثر
وكثير من دعاة المسلمين ياخون منه
مثل د.محمد العوضي
و
الداعية مشاري الخراز
وغيرهم

والكتاب متوفر بكثير من المكتبات

 

[خليج***]

وكتب د.مصطفى محمود

ممكن تحملين كتبه
http://www.ibtesama.com/vb/showthread-t_25657.html

 

[تاليا sody]

أنا أرشحلج كتب المبدعة علياء الكاظمي * * * * *

و روايات الكاتبة الرااائعة أغاثا كريستي إذا تحبين الروايات البوليسية

و كتب الكاتب عبد الوهاب السيد و الكاتبة الدكتورة : سهام السنعوسي كتاباتها روووعة و اسلوبها يهبل