بنات ابي شي ينبت شعر بناتي

[وحدة كويتية]

بنات ساعدوني شعر بناتي تقطع وطاح بسبه اخوهم كل ما يتهاوش معاهم علطول جر شعورهن والحين صلعوا بناتي الا شوي
تكفون ساعدوني تعرفون شي طبي يوقف التساقط ويساعد على انبات الشعر
بناتي اعمارهم وحده 5 سنوات ووحده 7 سنوات

 

[*ماي الورد*]

عليج بقص اطراف الشعر شهريا و الخلطات تحصلينها عند العطارين
و التغذية الزينة بعد تطلع الشعر و خصوصا الاغذيه اللي فيها الحديد مثل اللحوم الحمرا الجبدة الكرز و الفراولة وغيرها

 

[هيبة الطاووس]

سوي لهم خلطة زيوت مثل زيت زيتون انجليزي بالحواي ولوز حلو وزيت برشوت الأزرق قبل السباحه بنص ساعه
هذيل الزيوت بارده وحلوه لشعر وحطي عليهم قفشه محلب وايد حلو لشعر وراح ينبت وينعم الشعر
عن تجربه ولا تخلينه يجر شعورهم حرام يعور كل ما يجر شعورهم عاقبيه بشي حرميه من العابه ولا لما يكلمج
لا تردين عليه سوي روحج زعلانه

 

[sdoma]

عليج بدهن برشوت يهبل للشعر ولاتخلينه يجرشعورهم لا شنو ماسويتي مراح يفيدهم

 

[وحدة كويتية]

مشكورين بنات على الردود
عاد البرشوت كنت استخدمه لهم قبل فتره والحين استخدم لهم كيشور بس ما انتظمت عليه
بس ما ادري بنات حبيت اسألكم يصير استخدم بخاخ نيكسدول ٢ بالميه حقهم
لأني انا استخدمه روعه للشعر
بس ما ادري احس انهم صغار عليه

 

[ازرع وهم]

حرااااااااااااااااااااااااااااااااام عليج انتي من صجج؟



بناتج عايشين بمعتقل ؟ ليش جذي اخوهم يعاملهم ووين دورج


كأم؟ وجم عمره؟ وليش جذي عدواني؟


يعني الدهن يلوع جبد ولدج عن شعورهم او ينبت مافقدو من شعر

يبا بنااااااااااااتج فقدو الاماااااااااااان مو فقدو الشعر

اختي عالجي المشكلة طبياااا فعلا محتاجة تدخل دكتور نفسي

مو تدوين شي ينبت الشعر لان حتى اللي بينبت بشيله عدوهم قصدي اخوهم

استغفر الله وبس​

 

[وحدة كويتية]

حرااااااااااااااااااااااااااااااااام عليج انتي من صجج؟



بناتج عايشين بمعتقل ؟ ليش جذي اخوهم يعاملهم ووين دورج


كأم؟ وجم عمره؟ وليش جذي عدواني؟


يعني الدهن يلوع جبد ولدج عن شعورهم او ينبت مافقدو من شعر

يبا بنااااااااااااتج فقدو الاماااااااااااان مو فقدو الشعر

اختي عالجي المشكلة طبياااا فعلا محتاجة تدخل دكتور نفسي

مو تدوين شي ينبت الشعر لان حتى اللي بينبت بشيله عدوهم قصدي اخوهم

استغفر الله وبس​

حبيبتي رايج على عيني وراسي
بس ابي اسألج انتي عندج عيال؟
اذا عندج ابي منج حل لولدي لأن اكيد يكون عندج خبره طبعاً بالعيال
واذا ما عندج ماراح تقدرين تحكمين على العيال وانتي مو مجربه
ابقولج شغله
ولدي هذا جربت معاه كل انواع العقاب وما نفع معاه من ترهيب وترغيب

 

[ام عفاف الكويت]

حبيبتي الطق مو بمعني الكره
يهال ويكفخون بعض ياما شفنا
شوفي انا اقولج
كل نص الشهر الهجري اقص اطراف شعر بنتي في دبدوب اللى بالروضه احس ايدهم بركه بصراحه يطول الشعر عليها
وهمن احط لها من خلطه قراس تنعم شعرها وتطوله
ماتبين خلطات حريم شوفي زيوت بس مو ثقيله نفس الخروع وهالسوالف طقته لانه يهال
وليش ماتحنينهم الحين صيف ؟

 

[ازرع وهم]

جم عمر ولدج وانا اعطيج الحل

 

[وحدة كويتية]

عمره ٦ سنوات

 

[ازرع وهم]

الله يخلي لج ولدج ويصلحه

اختي اولا ابتعدي عن الضرب لان الضرب دمار ولا فيه ذرة اصلاح والضرب يسبب له ضغط نفسي ويزيد من تعقيد المشكلة

اولا خلج جاااااااااااااااااااااادة وصااااااااااااااااااااارمة

الترغيب باين من كلامج انج جربتي هالاسلوب ولا فاد معاج

واذا مافاد مع ولدج معناه انه طفل ماتهمة الماديات او ينسى او اسمحي لي يمكن يكون مدلل حتى لو من طرف واحد

والترغيب اسلوب بسيط انج تستغلين حب الطفل لشي معين علشان توصلين معاه الى سلوك معين مثلا اذا ولدج يحب الكورة قولي له اذا مر اليوم ماضربت خواتك اشتري لك كورة واهم شي تكونين على قد وعدج

واذا استمر ؟

خل عقابج صارم معه وقبل العقاب لازم يكون عارف انج بتعاقبينه تقولين اذا ضربت خواتك بكره ما اعطيك مصروف واكرر خلج جادة احرميه من مصروفه بالمدرسة ادري صعبة على قلبج وخاصة اذا ماكان يتريق عدل الصبح بس لابد يتعلم ولازم هالعقاب يجي بعد محاولتج بالترغيب وصدقيني والله ماراح يستمر اكثر من 3 ايام والله راح تشوفين نتيجته من اول يوم حرمان


بالنسبة لأسلوبي انا احب اخلط بين الترغيب والترهيب مثال لمن كان عمر بنتي 6 سنوات وكانت دايم تكذب اخذتها الى سنتربويت وقلت لها اختاري لعبة علشان نشتريها بعد اسبوع وخليتها تختار لعبة ولمن اختارتها طلعت وعطيتها قيمة اللعبة 10 دنانير وطبعا كانت على شكل دنانير مفرقة قلت لها كل ما كذبتي ينقص دينار واذا نقص دينار مانقدر نشتري اللعبة والحمد لله بهالطريقة قدرت اتغلب على مشكلة الكذب

والله يوفقج

 

[وحدة كويتية]

يعطيج العافيه اختي لو اقولج شغله ما تصدقين ولدي يحب الاي باد بشكل مو طبيعي وتخيلي قلتله اذا ما قعدت عاقل وهاوشت خواتك راح اخذه منك وما سمع الكلام واخذته منه مده يوم كامل ما لعب فيه والمصيبه الاكبر انه زاد بالعناد وطق خواته وحتى الخدامه طقها وهاوشته وما نفع معاه صراحه اختي تعبني معاه حيل وماني عارفه شسوي فيه شكلي ابسوي نفس طريقتج مع بنتج

 

[ام عفاف الكويت]

يابعد عمري عسى الله يهديه لج

 

[ازرع وهم]

الله يعينج

الايباد سهله تستغلينه فيها مثل خل يشوف العاب جديدة تو نازلة واذا حصلتي صور هالالعاب شي حلو علشان تذكرينه يوميا فيها وقولي بعد اسبوع انزلها لك اذا ماضايقت خواتك
وياريت تكتيب الايام على اوراق كل يوم تنقص ورقة نقرب صوب الالعاب الجديدة لكن اذا ضرب خواته اوضايقهم مددي يوم

وبإذن الله راح يهدى وماتحتاجين خلطات لبناتج

 

[وحدة كويتية]

جزاكم الله الف خير عاى الردود الطيبه

 

[غيابك حلم]

عليك بـ زيت الخروع خلال شهر راح تلاحظين
وبالنسبه لـ ولدك أدعيله فتره وتعدي
​