بنات احضر والا ماحضر

[روح الموز]

مرحبا بنات

شلونكم وشخباركم عساكم طيبين ان شاء الله





بنات انا اخت زوجي توفت قبل ست شهور الله يرحمها ويسكنها الجنه

اخته من امه وهي كبيره وبناتها متزوجات

وفيه عرس الاسبوع الجاي اخو زوج اختي وبنفس الوقت يقربلنا

وشرايكم احضر العرس والا فشله

ماادري متردده

 

[عتيبيه رزه]

رد : بنات احضر والا ماحضر

الله يرحمها
والله انا من رايي لا اتحضرين
يعني حماتج انتي فكري فيها بالعقل انتي اشرايج
يعني اخت ريلج وبتحضرين
يعني تبين رضى ريلج ولا رضى الناس
وانتي كييييفج
اهم شي بالموضوع انه ردي كله يعني
ههههههههههههههههههه

 

[حبيبتي إختي]

رد : بنات احضر والا ماحضر

الله يرحمها ويغفر لها .. يتراوالي مراعاة لمشاعر رجلج المفروض ما تروحين هذي اخته اللي متوفيه ..

 

[غصن الغلا]

تقديرا لزوجج وبنات اخته ماتروحين

 

[سكرة هانم]

رد : بنات احضر والا ماحضر

اممم لو أنا منج ما اروح لان العرس مو قريب قريب وعشان خاطر ريلي ما اروح

الله يرحمها

 

[ركاب الأصايل]

والله من رآيي تحضرين العرس لان الحزن ع الميت 3ايام بس,,

بعدين في فتره 6شهور مرت انا اقول لمحي لزوجج واذا ماعنده مانع توكلي على الله واحضري العرس,,​

 

[English.Teacher]

رد : بنات احضر والا ماحضر

استغفر الله

حبيبتي الحزن يجر الحزن

اساسا الحزن فوق الثلاث ايام مايجوز

هذي بدع الله يهدي هالناس صاروا يبتدعون بدع غريبة عجيبة

روحي حبيبتي ومحد يقدر يشره عليك

لو ايام العزا او نفس الاسبوع كان قلنا لاتحضرين بس ٦ شهووور شدعوة

اعرف بنات تزوجوا بعد ماطلعت امهم من الحداد والميت ابوهم

يعني بعد ٥ شهوووور وانتي تقولين حماتك ولها بعد ٦ شهور

 

[blue diamond]

انا من رايي انج تروحين حبوبه

 

[مسس غلوي]

رد : بنات احضر والا ماحضر

روحي شهالخرافات مشاعر ومدري شنو..
اذا ع المشاعر مو محدده بفتره معينه .. والحزن ع الميت بس 3 ايام ...

 

[Brounzi_girlly]

رد : بنات احضر والا ماحضر

آنا من راييي تحضرين اخذي راي زوجج وشوفي شيقول
مع التحية.............

 

[إستبرق]

عادي احضري الله يرحمها صارلها ٦ اشهر
وانتي شوفي راي زوجج
والله يهون عليهم

 

[وحي القوافي]

رد : بنات احضر والا ماحضر

للي تقول بدع وخرافات ومادري شنو
ماما انتي وياها ميزوا شوي وركزوا !! السالفة سالفة مشاعر وتقدير ولا مو مارين عليكم هالكلمتين؟
على طول بدعة وخرافات وكل وحدة تفتي من عندها الحمدالله والشكر
البنت مستحية من زوجها ومحتارة تروح ولا ما تروح !! فهمتوا؟
انا نفس حالتج خالتي توفت قبل جم شهر وعرس ولد عمي قرب
محتارة نفسج اروح ولا ما اروح
خالتي الله يرحمها عزيزة علي وايد وامي ما تبي تروح
نفسيا ما ودي اروح
وبنفس الوقت ولد عمي هذا اول واحد يزوجونه يعني صج شي يحير

 

[om al ghaleen]

..,,
آذا بخاطرج تروحين روحي لانه مرت فتره طويله
واذا شايفه آنه فشله ومتردده لاتروحين
"

\\

 

[شهرزاد الحكاية]

رد: رد : بنات احضر والا ماحضر

للي تقول بدع وخرافات ومادري شنو
ماما انتي وياها ميزوا شوي وركزوا !! السالفة سالفة مشاعر وتقدير ولا مو مارين عليكم هالكلمتين؟
على طول بدعة وخرافات وكل وحدة تفتي من عندها الحمدالله والشكر
البنت مستحية من زوجها ومحتارة تروح ولا ما تروح !! فهمتوا؟
انا نفس حالتج خالتي توفت قبل جم شهر وعرس ولد عمي قرب
محتارة نفسج اروح ولا ما اروح
خالتي الله يرحمها عزيزة علي وايد وامي ما تبي تروح
نفسيا ما ودي اروح
وبنفس الوقت ولد عمي هذا اول واحد يزوجونه يعني صج شي يحير

والله معاج حق هالشي له علاقة بالذوق والسنع ومراعاة مشاعر الناس انا عندي مو عدله مادري ​

 

[كراميلا مرة]

عادي روحي الحين مر 6 شهور
يعني عادي

 

[xprincessx]

رد : بنات احضر والا ماحضر

صارحي ريلج اذا شاف ما فيها شي روحي و ان حسيتيه متردد اشتري خاطره و قعدي

 

[ORKDI]

ما ادري

انا اقول علشان زوجج لا تروحين

او استذاني منه روحي باركي لهم واطلعي

 

[مـشي الـمها]

رد : بنات احضر والا ماحضر

هلا وغلا ..

الحمدلله بخير دامج بخير حبيبة قلبي .. انتي شلونج ؟

حبيبتي شوفي .. انتي استأذني من ريلج .. واذا سمح لج انج اتروحين روحي .. بس مو تطولين .. يعني ماتقعدين لي نهاية العرس .. روحي باركي لهم وقعدي شوي وطلعي .. يعني لاتتأخرين ..

موفقه

 

[*ريما*]

رد : بنات احضر والا ماحضر

روحي

 

[مزاااج]

رد : بنات احضر والا ماحضر

شوفي أنتي شنو تبين ومثل ماقالوا البنات من الافضل أنج تراعين شعور زوجج و"حمولتج"
بعدين موقريب حيل لو عرس أخوج مثلا جان عذرناج ع الحيره
بعدين والله مو من حلات العروس الحين عشان الواحد يتشفق عليها


ولج القرار النهاااائي