بنات اخيرا رحت موعدي عند عبدالله المطوع

[mi corazon]

بنات باركولي اخيرا رحت موعدي اللي حجزتله من شهر 12 عند عبد الله المطوع بالعوضي سنتر

وناسه باجر ببدي بالرجيم ( حدي خوارة اليوم مابديت)


ان شالله اكتب لكم النظام مع كلشي قال لي اياه

بس ادعولي استمر

 

[miss_lymoona]

انشالله تستمرين وناطرينج

بس ليش طول موعدج

 

[Eng_7asasa]

ابدي احسلج من اليوم

 

[M!$$.3NoNa]

موفقه ناطرينج حبوبه
يلا قووووو وانشاءلله تضعفين بصحه

 

[mi corazon]

قوه بنات

بنات اهو جذي مواعيده اطول وزحمه .. كنت راح اكشت بس قلت اجرب مو خسرانه

فتحت ملف عنده اب 10 وسولي فحص الدهون بخمستعش

لمن دشيت ( هالحجي كان يوم الثلاث اللي طاف هاذا) قال لي سوي تحليل كيفج هني ولا بالمستوصف ) .. قلتله آنا مسويه ( ابله راحت له قبلي وضعفت اششششششششكككككككككككثر ماتصدقون اهي قالت لي ارخصلج بالمستوصف ) شلكم بالطويله

قال خلاص ماقدر اسويلج شي بدون التحليل لازم اعرف شينفعلج وشنو ماينفعلج

اليوم عاد رحت لأنه ما يكون موجود الا ايام معينه

المهم طلعت نتيجة فحص الدهون

ومع تحليلي

قال لي عندج فقر دم حااااااااااااد .. تحسين بدوخه وتطيحين وشعرج يحت وخموله ؟؟ آنا من حجيه دخت والله استموتّ لول .. قتلا لا ماحس الا بإرهاق غالبا ونوم والفقر كان عندي من بعد ماياني نزيف الدورة الحاد ( طبعا ماقتله هالحجي هاهاهاا ياما فشله)

قال اوكي دام هالشي مو مأثر وايد راح ابدي وياج ( ابلات قالولي لو لقى فيج فقر دم ماهو مسويلج) اشوه سوالي

المهم قال لي العظم بجسمج ماخذ كتله كبيرة .. وهالشي مو عيب بالعكس ميزه انج عظامج ما تنكسر لمن اطيحين ( وده يقول ابتلشنا بهاليثله لول)

المهم وقال لي معدل حرق الدهون عندج سريع وهالشي حلو

وماعندي شي اسمه رجيم

عندي نظام اكل عادي تاكلين كلشي بحدود

المهم سألني شنو ماتحبين علطول قلت السلطه

قال انزين ولا خيارة او خسه تاكلينها بروحها عالماشي؟ قلت امبلى

قال اوكي ( كان ودي يسألني شنو تحبين علشان افضفض لول .. اموت عالباستا ماتدرون شكثر بنات)

المهم عطاني نظام اللي اهو عبارة عن:

الريوق:
- صمون حلوم من المطعم ( أو لبنة ) + عصير برتقال او اناناس
أو - 2 شريحة توست اسمررر + جبنة قليلة دسم او لبنة قليلة دسم + مرتديلا ( اختياري لأني نقزت وسالت ابي مرتديلا) + خضار ( خس طماط داخل التوسته) + كوب حليب خالي الدسم

الضحى : جاي حليب او نسكافي + فاكهة


الغدا:
( ملاحظه - عندي جفاف شديد بالماي فقال لي كل شوي شربي ماي كل ماتتذكرين وخلي البطل الماي بيدج)
1 ك ماء كبير
سلطة + 4 قفاش عيش مجبوس او اي نوع عيش (أو نص خبزة سمره) + بحجم نص كف اليد احد هالاشياء ( لحم او دياي او سمج) + بيبسي دايت \ ماي

بعد الغدا أشرب أعشاب اهو عطاني اياها .. قال مابي اعطيج ادوية . والاعشاب ابعشرة .. افوح ماي واحط الماي بقلاص وانقع فيها قفشة متوسطة اعشاب 5 دقايق واشربها بعد ماصفيها)


المغرب:
ككاو .. ( نص الكاكاو اللي ناكله مثلا نص سنيكرز او نص مارس او عود تويكس )
أو ( 3-4 تمرات) + فاكهة + شاي أو قهوه عربية او تركية او فرنسية مو نسكافييييه


بنات قال لي ليش اقول لج اكلي فاكهه علطول عقب الككاو؟ لأنج لمن تاكلين الككاو تحسين نفسج تبين بعد ولمن تاكلين فاكهه علطول توخر هالرغبه:gr4uu:


العشا:
ك ماي
- حليب خالي الدسم + خيار ( سلطة الخيار باللبن يعني - يقول هاذا احسن عشا وينزلج بسرعه) + تفاحه + برتقالة

أو
- نص خبزة سمره ( الخفيفة مو اليبرة) + (إما جبن قليل الدسم أو لبنة قليلة الدسم أو بيضة مقلية عادي أو مرتديلا ) + خضار + ك حليب او لبن خالي الدسم + فاكهة . ( شفتو الدلع؟؟ )

أو - ( هالخيار عندي اياه مرتين في الاسبوع - اقدر اخليه عشا الويكئند ) ---> صمون تشيز بيرجر + سلطة سيزر بالصلصة اللايت + بيبسي دايت

وعقب اشرب شاي الاعشاب

وسلامتكم:eh_s(2):

بنات تهقون بكمل؟ خايفه باجر اقعد من النوم ناسيه كلشي واغيّب عن الدنيا وآكل لول :rerrerek:


:botetoo:

 

[mi corazon]

اي نسيت ومو شرط رياضو ... وقال لي هالنظام مع الاتزام بينزلني من 3-5 كيلو وعطاني موعد يوم 31-5 :\

مو جنه جريب؟ حتن ماكو مجال اخورا لول

يالله ciao حبيبات قلبيييييييي :*

 

[el3aNoOoNa]

الرجيم واااااااااااااااااااااااايد وااااااااااااااااااااااااااااااااااايد حلو ويشبع وصحي مشالله
حرام عليج اذا مالتزمتي

 

[mi corazon]

افا علييييييييييييييييييييييييييييييييييييييج

انتي بس قولي يارب

لا صج هالمره من صجي

بعد اللي يذوق الضعف ماوده يمتن

بنات آنا كان لي تجربه مع الرجيم بس القاسي

كنت آكل نوعين فاكهه باليوم وامشي وآخذ حبوب بس هم شعري طاح وياتني انيميا

بس شنو

وزني كان 121 صار 64 بخمس او ست شهور تخيلوا

والحين الله يسلمكم صاروزني 101 واطمح إلى الــ 60 ( صج كنت جني مصاصه وراسي اكبر من جسمي .. بس هم له مميزاتها كافي ألبس من وين ما ابي مو الحين ترصص بهالهدوم ومختنقه

واحس أوادم نايمين يمي بالفراش لول وحركتي ثقيله يااااااااااااااو )

وسلامتكم :cxxxp:

 

[بنت الاجواد]

والله رجييمج حلو و يهبل حرام ما تمشين عليه

لو تشوفين رجيمي عند رجيم سنتر شتقولين مجاعه

 

[روح مغليهآ]

خوش رجيم وموقصر حاطلج كل الاكلات الحلوة

 

[mn.mn]

موفقة يا الغالية والله هالدكتور مبدددددددددددددددددع انا ما رحت له بس خذيت رجيماته من المنتدى وصج رووووووووووعة

لا تخربطين وسوي الرجيم وااااااايد حلو وأنا للحين نازلة على رجيماته 18 كيلو وما أفكر بغير رجيماته

ناطرين رجيميج كل مرة وان شاء الله راح نشجعج عشان تستمرين

 

[mi corazon]

حبايبي والله فديتكم

بس خلاص شجعتوني

جذي اوكيه آنا

تسلمون :*

 

[el3aNoOoNa]

يييييييييمى قلبي حرام عليج
يوم وصلتي 64 رديتي 102
لييييييييييييييييش حرام اشلون خليتي نفسج جذي !!

 

[lolwah]

ممكن اعرف جم طولج و وزنج ؟؟

 

[alfajr alb3eed]

موفقه شدي حيلك والله الله بالاراده

 

[مس يو]

موووووووووووفقه وهالله هالله بالالتزام مو تخورينها بعدين تقولين سويت ريجيم المطوع ما نزلت عليه

 

[mn.mn]

يمكن نزول الوزن برجيم المطوع يكون اقل من باجي الرجيمات بس انا احبه لانه حلو مافيه حرمان وما يملل

 

[mi corazon]

شفتي شلون ياحياتي ودنيتي؟؟؟ والله ضروف ونفسية والجامعة الزفت مابغو يخرجوني الا بالزور .. مشكلتي مع النفسيه ازيد

يعني تخيلو من اقل من شهر كان وزني 95 الحين صار 101 من موقف صارلي مع انسانه عزيزه خلاني آكل كلشي جدامي

لولوة قلبي طولي 172 ووزني الحالي 101 كتله كبيرة منه يمكن 30 كم عظم اهو الدكتور قال لي العظم ماخذ وايد منج

الفجر البعيد
مس يو

افا عليكم ببيض الويه لا تخافون

:s

يسلمو حبيباتي
تصبحون على خيييييييييييييير :*

 

[mi corazon]

اي صح منمن مافيه حرمان وايد

اختي يت معاي اليوم وسمعت الدكتور بذونها جان تقول والله دكتور انته مدلعهم ككاويات وعيوش

قال اي ماقدر احرم الجسم من اولها ما راح تتقبل

يسلمو ياقلبي

 

[mn.mn]

يلا بالتوفيق واهم شي التزمي وصج رجيمه عجيب والله انا شكثر ادعيله هالدكتور مع اني ما رحت له

بس مفكرة اروح له لما بثبت وزني عفية ميخالف تطرشيلي رقمه عالخاص لازم احجز من الحين