بنات ادعولي بالحمل"نفسيتي تعبت"

[F O O S H I A]

السلام عليكم

؟؟مشكلتي محتاره من عنده اراجع؟؟

انا حملت وطرحت وصار على زواجي سنه و6 اشهر وماني عارفه سبب تاخر حملي

مع العلم راجعت عند الهادي الدكتوره نجوى تقولي سليمه وانصحتني اخذ ابرة تفجيريه حيل خفت لانه انا سليمه وحتى

البويضات مافيني شي يمكن التاخير سببه تفكيري متى احمل!!!!!!!!!على العموم حبيت تنصحوني بدكتوره او دكتور زين

حيل نفسيتي تعبت كنت متوقعه بعد مااطرح احمل عادي بس الحمدالله على كل حال

وشرايكم باللي يدهنون يعني اجرب وحده تدهني ؟؟؟؟؟؟؟؟؟؟؟؟؟

ادعولي بنـــــــــــــات محتاجه لدعائكم وربي يبلغ كل وحده بالذريه الصالحه

وربي يسهل للكل....
وموفقيــــــــــــــــــــــــــــن

 

[Pettita]

حبيبتي شوفي الدكتوره خالده المجيبل وايد يمدحونها و مافيها شي ابره التفجير بس لازم دكتور شاطر يعطيج اياها . وايد من أهلنا خذوها وحده يابت توأم بنت وولد و وحده يابت نفسها و الثالثه يابت ولدين و بنت و طبعا أولا و أخيرا هذا بيد رب العالمين . الدكتوره تقرر اذا تحتاجين ابره أو برنامج معين و حبوب

عسى الله يقر عينج و يرزقج بالذريه الصالحه عاجل غير آجل يا أرحم الراحمين

 

[انادي]

الله يعطيج او يرزقج يارب والله حاسه فيج لانه انا جذيه عرفت اني حامل بعدها بعشرة ايام طرحت او لي يومج هذا صارلي من طارحه 7 اشهر

 

[bint_q8]

عسى الله يقر عينج و يرزقج بالذريه الصالحه عاجل غير آجل يا أرحم الراحمين ويرزق كل وحده محرومه ان شاءالله

حبيبتي يمدحوون الدكتوره ماجده اليتامي بدار البراء بالجابريه وايد زينه ونفسيتها وسلوبها حلووو

 

[F O O S H I A]

مشكورين بنات ماقصرتو على ردودكم الحلوه

واللي تريح وتخليني اتفائل.. الحمدالله على كل حال

انا طرحت شهر 10 ....والحين بيصير سنه وناطره

ودي لو اشيل الفكره وارتاح علشان اكون طبيعيه


واحمل من الله سبحانه..........

موفقيـــــــــــــــــــن

 

[newq8ia]

الله يرزقج
انا تميت سنه ونص وماحملت وكنت احاتي بعد اتكالج على الله روحي لدكتور عادل الزهير حتى من لندن وصوني عليه
اهو كان رئيس قسم النساء والولاده في مستشفى السلام
واستشاري وخبره
والحمدلله بدع معاي ولا ضايقني ولا ابر ولا شي بس قالي روحي ست اشهر اذا ما حملتي لي شهر ١٠ رجعيلي
طبعا قبل لا يقول جذيه سوالي عملية فتح انابيب كانو مسكرين فا روحي وايد رااااااااكد
وعندج فوزيه القطان

 

[m e m e]

عادي اخذي الابره التفجيريه دام تبويضج زين اخذيهه بس بدون كلوميد و لا ابر و الله يرزقج

تدرين عاد.. الشهر الوحيد اللي نسيت الموضوع و مافكرت حملت طبيعي بس الله ماكتب يتم
فلا تفكريييييييين

 

[قلب نواف]

الله يرزقنا كلنا الذرية الصالحة


وانا نفسج نفسيتي تعبت بس احاتي وزوجي مو راضي اراجع يقول الله بيرزقنا ان شاءالله

 

[كويتيه مذهله 87]

الحمدالله مدامج حملتي وسليمه راح تحملين بس هالشي بيدج أنسي وتحملين والله يرزقج

 

[وتلومني فيك يوم اغليك]

حبيبتي الله يرزقج ان شالله بذريه الصاحيه الصالحه اميييين اذ1 حملتي حطي ايدج على بطنج وقولي استغفرالله والله انه كلمه عجيبه تجلب الرزق وقومي الليل وصلي واطلبيه انه يثبت حملج

>>>> استغفروا ربكم انه كان غفارا يرسل الليكم السماء مدرارا ويمدكم بأموال وبنون ويجعل لكم جنات ويجعل لكم انهارا
<<< صدق الله العظيم(( سوره نوح)))

الله يسهل عليج مجربه مجربه مجربه مجربه مجربه

تقبلي مروري

 

[Emanova]

حبيبتي اهم شيء النفسيه لا تفكرين و عليج بالاستغفار و الله هو الرزاق

 

[Orchidah]

الله يسهل عليج ويرزقج ويرزقنا معاج ... والله البنات وايد يمدحون فوزية القطان

 

[بنت الكووووويت]

الله يرزقج ان شالله بالذريه الصالحه حبيبتي ودام انج سليمه قولي الحمدلله وكثري من الاستغفار وانسي سالفه الحمال وبتلقين روحج حامل لان التفكير بهالشي مو زين خليها على الله والله يرزقج بكل حمله توأم إن شالله

 

[Amory]

عليج بقراءة سورة البقرة والاستغفار

وريحي نفسيتج طلعي واستانسي و دام انه صار مره وحملتي ان شاء الله راح اتحملين مره ثانيه وثالثه ورابعه

ولا تروحين حق الحريم اللي يعالجون ما انصحج فيهم يعني ماراح يكونون اخبر من الدكاتره

والله يرزقج انشاء الله بالقريب العاجل قولي آمين

 

[F O O S H I A]

لله يريح قلبكم مثل ماريحتو قلبي بردودكم الحلوه

ومشكـــــــورين على تشجيعكم وربي يرزقنـــــا الذريه الصالحه

عاجلا غير اجلا يارب العالميـــــــــــــن

االحمدالله على كل حال

ربي يسهــــــــــــــل اموركم ويحفظكم من كل شر

حيل ارتاحت نفسيتي ولله الحمد ربي يخليكم لي بنات انتو عسل فديتكم...

ويسلمــــــــــــو للكـــــــــــــــــل ,,,

 

[بندوله مصدعه]

عسى الله يقر عينج و يرزقج بالذريه الصالحه عاجل غير آجل يا أرحم الراحمين

 

[&رعبوووبه&]

بعد عمري اسم الله عليج

هدي وادعي ربج كريم __ لا تفكرين وااايد __

يارب تحملين وتصيرين قطوة بكل بطن 6 عيال

فرفشي ضحكي لا تزعلين

 

[أغلى حبيبه]

الله يرزقج ويرزق كل محرومه الضنا الصالح المعافي ان شاءالله

والتفكير بعد له دووور بعدم الحمال

 

[F O O S H I A]

.. بعد عمري بنات فديتكم..ماانحرم منكم

الف شكـــــر على تفاعلكم وردودكم اللي تبرد القلب وتريح البال والحمدالله والشكر على الصحه والعافيه

وايــــــــد تشجيعكم ريحني وتفائلت والحمدالله بس تدرون اول مانزلت اكتئبت شوي لكن الحمدالله على كل حال


ودي اسئل ؟؟ شنو الشي اللي يخليني ماافكر بهسالفه موبيدي ودي انساهاااااااا شهر شهرين لكن بس تخلص اقول انشاءالله الشهر اللي بعده احمل!
...اللهــــــــم لا تذرني فردا وانت خير الوارثين .....

يارب يرزقكم ويسعــــــدكم ويسلمـــــــــوو للكل ..

 

[الحب والجمال]

استغفري علىطول خليه بلسانج واقري كل يوم سورة البقرة والنية الصافية ثقي تماما بالله ان الله بيرزقج ويرزقني معاج والله كريم وهذي ارزاق والرزق انشالله راح يجينا بس لازم نسعاله