بنات ارد خدامتي ولا لأ ابي تجاربكم وارائكم !!

[om al ghaleen]

السلام شلوونكم بنات

:

ببلش بالموضوع بسرعه

انا عندي خدامه فلبينيه كملت السنه اهي نظيفه ولا لها صوت كلش

وخصوصا تحب عيالي يعني ولامره احد اشتكى منها ...


المشكله اني كلمتها على شغل البيت واول مره اتناقش معاها يعني نرفزتني شوي

وكلمتها وانا معصبه وياليتني ماكلمتها

مااشوفها الا تحلطمت بالفلبيني وافتحت باب البيت وكان وقتها الساعه 11 بالليل وطلعت


انا الصراحه خفت حيل قفلت البيبان وماسألت لان تصرفها غلط

المهم لمن صار الصبح دق علينا المكتب قال الفلبينيه عندي !!!!


طبعا اهي اجرت تاكسي وراحت


ولمن سألت صاحب المكتب قالي انها كانت مضايقه لاني زفيتها وتقول برتاح يوم وارد لان حابه تشتغل عندي



من هالسالفه كلها اردها ولا لأ ... خصوصا انها امينه وطيبه مع عيالي

وولدي الصغير نفسيته مو شي مع اني مو معتمده عليها بس تعود على وجودها

محتاره لان وايد ماايدوني اردها كونها جريئه وحركتها قويه

والله حتى نفسيتي تعبانه :eh_s(2):

لاتقصرون بردودكم

 

[omajiad]

والله إذا هذي من كلام سوت جذيه باجر شنو اتسوي واللي تدل طريج التكاسي الله يستر منها

بس عندج الحين حل واحد تقدرين تكلمين صاحب المكتب وتقولين له يهددها إن إذا سوت هذي الحركة مرة ثانية ما راح يصير لها طيب

وصلي استخارة وان شاء خير

 

[blue ocean]

والله اختي مادري بس ترى حتى الخادمه لها نفسيتها
هم اهي انسانه تحمليها اختي شوي...
والا صلي صلاة استخاره وشوفي قلبج شيقولج
موفقه

 

[شوق ومها]

مثل ماقولوا صلي استخاره والله ماادري شنو اقولج

 

[kankona]

حبيبتي ما انصحج اتردينها اخاف اتسوي شي بعيالج الله يحفظهم

 

[الجوري74]

عليج بصلاة الاستخاره ....وامسكي مينونج لا ييج اين منه؟؟ بالعامي

 

[saroon_143]

انا اكره الفلبينيات
انا اقووول رديها احسن لج لا تسوي شي بعيالج
وحركتها حدها جريئة

 

[زيـنـه]

ما انصحج بردتها .. اللي طلعت بهاليل .. و شوفي وين لفت بليلتها ..و الاراحت لان ماكو مكاتب خدم هالحزه ..و جراتها زايده ..على شنو؟؟ لانج كلمتيها طلعت و راحت المكتب ؟
دام راحت بريلوها مالها رده .. و الله يعوضج احسن منها ..اهي اللي رفست النعمه .. و انتي مو واقفه عليها و الديره متروسه خدم .
الله يوفقج تلاقين اللي احسن منها .

 

[بتبوتااا]

لاتردينها نصيحه الي تسوي جذي ينخاف منها
يمكن ترد تنتقم الله لايقوله ولا شي
انا الخدامه الي تتحلطم ولاتنرفزني سيده المكتب واي بدالها عشر لانه انا
مو مقصره اهيا الي بتتحسف والله يسهل عليكم انشالله

 

[الكناري]

يا عبير يا حبيتي انبطت جبدي من موضوعك حتى ماكملت البنات شنو كاتبين لج
اخذيها مني نصيحه بما اني الاكبر هني ولي تجارب عديده مع الخدم
اللي تسوي جذيه تسوي ازيد
خدامه بدالها خدامه لكن اذا عيالك صارلهم شي او صحتك ما تتعوض لانهم طبعهم يحقد وتخشها لج ماراح تفوتها لج
ذلفيها وتحملي على نفسك شوي
نصيحه لاتردينها

 

[جروح تبتسم]

الحركه حدها جريييييييييئه لاتردينها ولاتنسين الفلبن مجرميييييييييين لاتنسين اشسوو في دلال
الله يخليلج اعيالج ويحفظهم .... يارب

 

[مكنتوشه]

لا والله - الدنيا فوضه - تبطل الباب وتطلع :eh_s(8):
وديها المكتب شلج فيها - واذا انتي حابتها عشان مالها صوت ترى يقول المثل : السكوتي لوتي . فديري باللج منها ...
واذا على نفسيت ولدج .. بس يبيلها جم وتتعدل انشالله :eh_s(17):
عيل انا خدامتي خلت السايق يشتري لها موبايل من وراي ولما دريت خذيته منها وقتلها لما اتسافرين اعطيج ايه - من ثاني يوم خذت المفتاح وبطلت الكبت وخذت تلفونها .. وبعد جم يوم قالتلي ماما انا يبي كرت عشان يبي يكلم بابا مال انا . شريت لها كرت . ورحت ادور الموبايل وما لقيته . لما قتلها وينه قالت لي عندي وكيفي هذا من فلوسي .
طبعا انا ما مسكت نفسي واعطيها ذاك الكف الي خلا ويها جذي :eh_s(3):
وفناكر فيها . ووديتها المكتب ( مع العلم ان عندي ولد عمره سنه ونص وبنت عمرها 4 شهور )

 

[@ الرسامة @]

خل اتولي


ولا تردينها


شهالمصاخة اليوم تبي اتريح نفسيتها باجر شتبي اتسوي ؟؟؟؟؟؟؟؟؟؟؟

 

[نطوووعه]

لا تردينها يما منها وحده و تخررررع

 

[همسات ليالي]

والله اللي جذي تسوى ما اردها ولا تدش بيتي اصلا

 

[q879]

نصيحه لا تردينه

 

[ام المزايين]

والله حاسه فيك الله
يعينك انك صج مشكله بس ما ادري اخاف على عيالك منها
الله يحميكم وان شاء الله الله بيعوض عليك بأحسن منها

 

[لوتس]

يا ربي يرحم حالج وحالنا من هالمجرمات

 

[*ستايل*]

نصيحتى لاتردينها

هاذى جريئه اللى طلعت بهالليل وما ردت على احد

وغيرها الف خدامه

 

[أورااااااد]

بصراحة صج حركة جريئة

وينخاف منها 00 وانا مع كلام خواتي كويتيات

صج قلبي عليج لما قلتي عيالي متعلقين فيها

بس انتي فكري لبعيد 00 اذا حست انج تقبلتي منها هذا الشي ورجعتيها

راح تتمادى المرات الياية 00 هذا من وجهة نظري 00 والباقي

عليج انتي 00 والله يهديج للي فيه خير وصالح



وبعدين اختي ماكنتوشة 00 بصراحة خدامتج صج جريئة وما تخاف

وزين سويتي فيها 00 بس عيالج صغار شسويتي لما وديتيها المكتب

اكيد تلعوزتي 000 الله يعينا على هالنوعيات من الخدم

ويتمم على اللي عندنا