بنات اشرايكم بجهاز المشي الكهرباءي

[الجوريات]

خواتي بغيت اخذ رايكم اناعندي جهاز المشي الكهرباءي بالبيت وامي دايما تهاوش تقول انه مضر انا عادي كنت امشي وماسبب لي شي انتوا اشرايكم له مضاعفات علي الركبه ولاعادي

 

[الجوريات]

بنات بليز الي عندها معلومات ياليت تفيديني

 

[Aryam30]

اللي انا اعرفه انه اذا كان سطحه بمستوى الارض مايضر لان تخيلي ثقل الجسم وانتي تمشين على الجهاز بيكون على الركبه فاذا كان مستواه مرتفع واحنا الله خير ماكو لياقه والوزن يحجي فما انصحج فيه بس اذا تبلشين فيه لازم بالتدريج حبيبتي واذا حسيتي بعوار بركبتج وقفي وعسى ربي يوفقج يارب وترتاحين عليه ..... عاد انا عندي جهاز مشي بس للاسف مشيت عليه شهر واحد بس والحين صار خوش شماعه حق لهدوم

 

[Beautiful soul]

انا عندي واحس عادي بس مادري يمكن الاوزان الضخمه تتاثر الركبه او شي مابي اتفلسف بس هذا هو برنامج الرابح الاكبر وش متنهم ويمشون عالجهاز بالعكس احسن شي المشي يضعف
بس اذا انتي موسوسه اسالي دكتور

 

[julianechatlos]

.When you're considering registering for an on the web learning application, you might first know the way it will work:

When you've researched and additionally found the most suitable and most effective accredited web based learning initiate, you must apply to just one of her degree software

 

[Miss sensitive]

انا بعد سمعت انه يضر الركب والاربتراكت احسن منه من هالناحيه
بس جربته
وجربت الاربتراكت
جهاز المشي اسهل ولا تعب ركبي لكن مفعوله بطيئ
الاربتراكت يبيله وقت عشان تزيدين السرعه وايضا ما عور ركبي لكن مفعوله اسرع حتى على 20 دقيقه باليوم كافي

 

[موزة ام فارس]

كان عندي واحد وطلعت عيونه
بصراحه حلووو ويفيد وايد ونفعني
خاصة بأوقات الرطوبة ماتقدرين تمشين بره بالممشى

من ناحية الاضرار ماشفت ضرر منه الحمدلله
بالعكس يعطيج حماس اكثر وانتي تمشين عليه


الله يوفقج

 

[Aryam30]

انا الجهاز اللي عندي ماعور ركبتي مثل ماقلت لانه مستوي مع الارض قصدي نفس مستوى الارض بس بنات في اجهزه لو تلاحظون تكون مرتفعه عن المستوى شوي وانتي تمشين عليه تحسين جنج تصعدين هذا اللي ممكن يأذي الركبه حق اللي من اول ملره تبلش فيه وبقوه من جذي اقول بلشي بالتدريج علشان ما اتعورين ركبج
ويالله عاد بلشي وقولي لي خل ابلش معاج ونشجع بعض