بنات اشلون تتصرفون اذا صار لكم هالموقف (بالجامعه )

[قماشه]

مرحبا كويتيات

اذا وحده جاتج وقالتلج ان فلان يسأل عنج

شتسوين

وهذا اللي يسأل ماشالله اخلاق وديانة وسمعه حلوة

ومع الايام لاحظتي عليه انه يخززززززز

شتسوين

 

[روح الدنيا]

اقلها اعطيها نظره و امشي ..


واقصاها بقول لها شسويله و شسويلج .. و امشي و اخليها

 

[بـــيـــشـــو]

لا تعطييينها ويه اذا يتلج مرا ثانيه
وعطيها خزه محترمه
واهم شئ تقولين حق الوالده عشان يكووون عندها علم بكل شئ
فرضا لاسمح الله يسوي شئ الا تكون امج عارفه من قبل بالموضوووع
واحلى شئ انج تقولين حق الوالدة لان اتوقع اهيا افضل من حكمنا احنا
والله يبعد عنج كل مكروووه

 

[$الـــحـــلاوه$]

رايي من راي بيشو بس من غير لا تعطينها خزه ههههههه

 

[dodowa el7elwa]

اقولها اشيبي؟؟ملقووفه:eh_s(3)::eh_s(3):

 

[Queen NOoori]

زفيها هذي وحدة ماتستحي واهيا شدراها اصلا انه يتكلم عنج ؟؟؟؟؟؟؟؟؟؟؟؟
عادي تكلم صبيان بالجامعة لا وتضبط لهم بعد!!!!!!!!!!!!!!!!!!!!!!!!!

 

[M!Ss Smart]

انا من رااي لاتعطينها مجال تاخذ وتعطي معاج واذا يتلج مره ثانيه زفيها لان يمكن نيتها مو زينه ولاتهتمين حق الصبي ولا تخزينه ولا شي سوي نفسج مو مهتمه لهم

 

[violet*q8]

اول شي محد من البنات رح يعرفون ليش يخز :eh_s(1):
انزين اذا سأل عنج شنو سأل يعني
وسؤالج لنا شنسوي---
مااسوي شي :dddds: لوووووول ماكو شي نسويه بهالموقف بس نقعد :ggdw:

 

[*قلب جابر*]

يبا طنشيها اذا جتج مرة ثانية .... او مثل ماقالوا عطيها خزة محترمه اتصرقع بعدها البنت """" و اعلمي الوالدة """"

 

[قطوه مكحله]

يمكن يسأل عنج يبي يخطبج ؟ لا تسيئون الظن بنات

 

[soseta]

:krkrkr::krkrkr:
مو قادره اتخيل اني بكليه التربيه ويصيرلي هالموقف :krkrkr:

لان محاضرتنا مو خلط :krkrkr:

شعرفه فيني , لا لا جد مو قادره اتخيل وماادري ليش مت من الضحك :krkrkr:



ماادري مو متخيله , لان احنا كليتنا مافيها هالخلط , فلو يصيرلي هالموقف يمكن اكسر الدنيا :krkrkr::krkrkr:

 

[رند]

لاتعطيها وجه واذا هو نيته شريفه يدل الباب

 

[tooota_]

من رايي اذا يت قالتلج يسال عنج قوليلها وشقلتي عني؟
انزين دام تكلمينه ويسولف وياج بعد ليش يسأل عني
وقوليلها صراحه خوش واحد لقفيه لايطير منج
خل تنجعم

 

[كاتبه حيرانه]

لا تعطينها فرصه حركاااااااااااااااااااااات شباب واضحه وانت شعرفج باخلاقه ماتدرين عنهم من تحت لي تحت ديري بالج حتى لو نيته صافيه اذا عطيتي ويه بترخصين من عينه
والله يحفظج ويرزقج بالريال الصالح

 

[بنت بابا جابر]

حقريها ولا تعطينها ويه

 

[الفراشة الجميلة]

بصراحة ودي أصير بهالموقف تدرين ليش لسببين لأني بالتربية الأساسية ومافي غير عتريس ومتولي وجوني إللي بالكوفي والحين شالوه ودكاترتنا الله الخلاف شيبان يجيبون الموت إللي مثلهم يحكونهم بالمتحف ((( ياولي على إللي في بالي وأشوفة بالمتحف بموت من الضحك )))
والسبب الثاني بكل غرور بطنشه هو وياها وأمشي ولا جني سمعت شي أنقال .

على فكرة وحدة من الخوات قالت يخطبج !!!! حياتي لويبي يخطب بسهوله يدل باب بيتهم وبيعرف منهم أهلها هذا لو يبي يعني يبي يخطب

 

[بنت الاجواد]

طاف ولا كنها قالت شي و ان شفتيه و لا كنه موجود

و ان كلمتج مره ثانيه قولي لو سمحتي ما عندي هالسوالف و امشي و خليها

 

[CUTE ENGINEER]

لا تأمنين حق أي بنت ماتدرين شييج من وراها
ديري بالج ولا تحطين الموضوع فبالج

 

[خاشووقه]

صراحه برد عليها وبقولها
شسوي له يعني ؟
وماراح ترد عليج

 

[* الجليلة *]

اهو واحد من اثنين
1/ يا نيته زينة ويبي يخطبخ.. والخز اختبار لج بيشوفج ثقيلة ومحترمة ولا لأ
طبعا اذا عطيتيه مجال ولو نظرة راح ياخذ فكرة مو زينة عنج غير انه ما يجوز

2/ يا نيته شينة...ومسوي نفسه محترم واخلاق ودين
ترى الاخلق والدين ما يخز بنات الناس

وهالبنت تحاشيها ولا تعطينها مجال كلش
واذا قالت لج سأل عنج مرة ثانية
قولي انا ما احب هالسوالف والخرابيط

والله يستر عليج حبيبتي