بنات اصابع رجولي تعورني لما امشي على السير شنو الحل؟

[تفديني روحه]

بسم الله الرحمن الرحيم

بنات شلونكم

انا من اسبوع بديت امشي على السير مشي سريع

لكن لاحظت اصابع رجولي و المنطقه الي وراها مباشرة تعورني و الالم زاد لين وصل لفخوذي

يعني احس بالالم بفخوذي و برجولي من تحت؟؟؟؟

هل فيه شي يبطن الاحذية مدري شيسمونها دواسات حشوات حمايات؟؟

ووين ينباع؟؟؟؟

و اذا عندكم حل لاتبخلون علي عزيزاتي
جوتيي ماركه مو رخيص عشان لاتظنون ان العيب منه

وبارك الله فيكم​

 

[فجر_الكويت]

الله يشافيج ويعافيج يارب من كل شر

ان شاء الله البنات يفيدونج اكثر

 

[تفديني روحه]

مشكوره فجر حبيبتي

 

[أحلى البشر]

نفس حالتي انا احس اظافر الاصابع تنغرس

 

[تفديني روحه]

رفع

 

[Noor AlQ8]

مادري غريبة مشكلتكم


بس يمكن الجوتي اللي تلبسونه وانتوا بكرامه مو رياضي او مو مريح للمشي

واذا تبين الحشوات انا كنت شايفتهم بصيدليات اتوقع ببوتس مو متذكره وين

وتأكدوا لما تمشون من ارتفاع جهاز المشي ما يكون مايل لي فوق لانه بيأثر على الركب يعني يصير جنج تصعدين درج لازم يكون ارتفاعه متساوي

 

[CUTIE-THUG]

اي لو ترفعين الانكلاين نزليه شوية و شوفيه شوز ثاني يمكن هذا ما يناسبج و لبسي دلاغات سميكة
و ان شاء الله تلقين حل​

 

[مستمعة كويتية]

آنا كنت أواجه نفس مشكلتج... أنصحج بالتالي:

1. أول شي حرصي إنج تختارين حذاء مخصوص للمشي و الأفضل يكون فيه وسائد هوائية تقلل من ضغط جسمج​
2. حاولي تشترين مقاس حذاء أكبر من مقاسج ولو بنص قياس​
3. إختاري دلاق سميك و جربي الحذاء مع الدلاق السميك قبل لا تشترن الحذاء​
4. حاولي إنج اترخين الخيوط في بداية الحذاء و تشدينهم في نهايته علشان ما تطلع ريلج منه​

أتمنى إني أكون فدتج بتجربتي​

 

[تفديني روحه]

بارك الله فيكم بنات

بس الوسائد الهوائية شلون اعرفها؟

 

[تفديني روحه]

رفع

 

[الرشاقه هدفي]

حبيبتي نزلي من سرعة الجهاز انا تألمني اصابع القدم لما ازيد السرعه ولما اخفف السرعه يروح الالم ان شاءالله اكون افدتك وادهنى القدم بزيت زيتون قبل لاتمشين عشان يرطب لك القدم ويخف الالم عليك الله يعافيك حبيبتي

 

[بعيون مغليك]

حبيبتي الرياضة تنقسم اقسام على حسب قوة تمارينج ونوع التمرين من خلال خبرتي والناس العادين ما يعرفون جواتي ترى يشترون على ابو انه ماركة ويمشون فيه


حبيبتي في جواتي للركض وفيه جواتي للمشي وفيه جواتي للدراجات وفيه جواتي للكره وفيه جواتي لحمل الاثقال


انتي لما تدخلين وتشترين قولي ابي جواتي للركض تلقين شكلها مرفوعه على شكل كعب مفرغ



نفس هذا تقريبا

ومقاس الجوتي لازم يكون اكبر منج برقم احسن لج


وعندج اثلاتس فوت محلاته بالمارينا والكوت

تحصلين عندهم فرشة للجواتي الرياضة فيها جل


فرشة للفلات فوت وفرشه عادية


شوفي نوع رجلج واخذيه


وسلالالالالالالامتج

 

[تفديني روحه]

مشكورين حبيباتي الي حاطه الصور فديتج و الله الله يريح
قلوبكم

 

[بسبوسة بالعسل]

أخاف من الجوتي
تقعي ريولج بماي حار

 

[تفديني روحه]

رفع

 

[LuLiTa]

حبيبتي الرياضة تنقسم اقسام على حسب قوة تمارينج ونوع التمرين من خلال خبرتي والناس العادين ما يعرفون جواتي ترى يشترون على ابو انه ماركة ويمشون فيه
حبيبتي في جواتي للركض وفيه جواتي للمشي وفيه جواتي للدراجات وفيه جواتي للكره وفيه جواتي لحمل الاثقال
انتي لما تدخلين وتشترين قولي ابي جواتي للركض تلقين شكلها مرفوعه على شكل كعب مفرغ
نفس هذا تقريبا

ومقاس الجوتي لازم يكون اكبر منج برقم احسن لج
وعندج اثلاتس فوت محلاته بالمارينا والكوت
تحصلين عندهم فرشة للجواتي الرياضة فيها جل
فرشة للفلات فوت وفرشه عادية
شوفي نوع رجلج واخذيه
وسلالالالالالالامتج

معاها :rerrerek: