بنات افيـــدوني عن لنــدن و أجورد رود تكفـــوت

[~شوق الغلا~]

السلام عليكم بناات ،، تكفون نبي شقق نظيفه وتكون اسعارها مناسبه للعائلات نبيها 3 غرف و 3 حمامات و صاله و صالون في اجورد رود امي ماتبي غير اجورد رود ،،، وين احسن مكتب بأجورد رود يودي رحلات داخليه مثل اسكتلندا ، بلاك بول ، برايتون ، وبغيت اسال اذا بغينا نروح نروح فرنسا عن طريق لندن شلون الطريقه عن طريق شنو قطار ولا شنو ،،؟؟؟ وشرايكم لقيت التذكره عالقطريه ب 240 أو 260 والله نسيت شرايكم زين سعرها ولا انطر يمكن الاقي ارخص

 

[مزيونة الهيلا]

دشي ع موقع بوكينج واختاري الفندق بالنسبة للرحلات بشارع اجوارد رود في مكاتب سياحية ,بالقطار تروحين باريس وتردين بنفس اليوم بس لازم مسوية شنجن ,طيران القطرية لايعلى عليه واذا بتنطرين مادري يمكن تحصلين ويمكن لا

انا سكنت بالهيلتون ميتربول موقعه روعة باخر شارع اجوارد رود ويم ستاربوكس وماكس &سبنسر

 

[BaiTotia]

ماأنصحج بشقة بأجوررود أصلا المكان حده لوعه وكله عرب زلمات وعراقيين

وبالنسبة للمكاتب هناك وايد فري عليهم وشوفي أسعارهم

وفرنسا تحتاج فيزا

 

[~شوق الغلا~]

تسلمون ماقصرتوا بناات فديتكم ،،، بس امي ماتبي غير اجورد رود ،، << مو بكيفي

 

[بسبوسه11]

في عمارات حمر ورا الهيلتون اللي بالاجوررود اسمها الويست اند كي وايد نظيفه ومرتبه شوفي المكاتب اللي هناك وشوفي اسعارهم

والله يوفقكم ويحفظلكم الوالده

 

[الدلال]

الاجورد روود اغلب مكاتبه نصب اسعار غاااليه خصوصا اذا كان صاحب المكتب عربي, يبالغوون باسعارهم حييييل

والشقق وين وووين تلاقين شي نظيف وامان الا اذا كنتوا تعرفون واحد ثقه يدبر لكم شقه بسعر مناسب ومكان امان ونظيفه

واذا ملزمه على شارع العرب الافضل تسكنين بفندق ومثل ماقالت الاخت في هيلتون متربول موجود بشاارع العرب

واذا خاطرج تروحين فرنسا من لندن اهم شي سوي فيزا الشنغن لا تنسين وتالي سهالات

وبالنسبه للحجز كل ماحجزتي امبجر كل ماكان ارخص لان كل ماقرب الصيف ارتفعت الاسعار

 

[اوركيدا نجديه]

تروحي وترجعي بالسلامه

 

[Tender Heart]

ماعندي خبره بالشقق ... انا سكنت تشرشل نظيف وحلو ... ايرلندا يبيلج 7 ساعات بالقطار تقدرين تروحين للمحطه وتقصين تكت للمناطق الي تبينها