بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <سكراب

[طنيخه]

بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <سكراب

قوووووووووة

بنات انا ما اقدر اسوي رنين مغناطيسي اهلي مو راضيين ..وما يحبون افتح معاهم هالموضوع

لان تعبوا وايد واهم يعوبلون فيني قبل وهم خايفين علي

والكل مخوفهم من الرنين انه موزين ..وبنفس الوقت

مايبوني اوسوس ومحتارين فيني وحتى انا محتاره بعمري


سويت تحاليل :

الدرقيه ..والسكر والدم والعضلات والعظام وكل شي سليم الحمدالله

وسويت فحص بالباطنية للاعصاب والعضلات هم سليم


فيني تنميل موطبيعي وتشنج باعصاب ايدي ومرات بريلي ويمكن 3 مرات تقريبا حسيته بويهي خلال سنتين يعني

مرات مااقدر امشي يا تنميل ياخدار قوي وثقل بالركبه

ومرات احس مثل كهربا بمفاصل اصابعي لما اشيل شي ثقيل او اذا مسكت قفشه مثلا وحاشت مفصل ايدي من داخل

<<موعارف اشرحها تطيح مني القفشه لان تصير مثل كهربه ووايد تكسرت مواعين مني بسبب هالشغله :\

جسمي غريب والله يعني مره تعورت على ايدي لي اليوم مااحس بالمنطقه اللي تعورت فيها فقدت الاحساس فيها!!

صارلي 5 شهور الحين

تعرفون بنج الاسنان هذا اللي احسه

زيدوا على هذا كله

اني دااااااااااااااايما بردانه وابرد اكثر من غيري وسبق وذكرت هالموضوع اهني

انا اللي يشوفني يشوف اني كسوله بس انا بسرعه احس ارهاق بجسمي .. الرياضه تفيدني بس اذا انجبرت عليها لكن انا كل يوم جسمي مرهق حيل ماقدر ابذل مجهود ..مادري ليش



انا اشك ان فيني خشونه واشك ان فيني تصلب عصبي..ومرات اقول كسل ومرات اقول سوء تغذيه ومرات اقول وسواس \\

والله ينيت مادري شسوي بعمري

:cxxxp:

الحمدالله على كل حال ..بس بنات انا توني صغيره اذا انا بهالعمر كل هذا فيني ..باجر لي كبرت اتوقع بس اوصل 40 انا منتهيه

ما ااقدر اقولكم مسكربه لاني من الحين سكربت


اخر شي صارلي امس

رحت سويت ليزر بريولي

انا عادة اسوي ليزر وارد البيت

هالمره رحت داومت ومشيت تقريبا مسافات طويله

رديت البيت ماقدرت امشي وتنميل قوي وركبي ثقلت حيييييييييل وصار المشي صعب ..اليوم خف الحمدالله بس هم التنميل ذبحني والثقل بعد (وعلى فمرة انا ضعيفه مو متينة ) هالحاله مايتلي من سنة تقريبا لاني تشافيت منها الحين رجعت وانا حيل خايفه والله مابي امرض نفس قبل لان اصير شبه مشلوله لمدة 3 ايام ومرات اسبوع على حسب

مابي ابين جدام اهلي اني تعبانه واتعبهم معاي

شتشخصون حالتي ..لاتقولون طبيب ..لان ماقدر اروح ...
تهقون الفيتامينات تعالجني؟ ونقصها يسبب هذا كله ؟؟
خذيت حديد وخذيت فيتامين سي ماكو فايده @@

 

[لبنه بالزعتر]

رد: بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <س

انا اختى فيها ام اس بس مو نفس اعراضج اخف منج بوايد
الله يشفيج ان شاء الله والعلاج هو قراءة سورة البقره كل يوم كامله
ولازم تيقنين ان الله الشافى ولازم تقرين لان الظاهر اللى فيج عين حسد
خل اهلج يودونج للقرايه وانت بعد اقرى على نفسج
والله يشفيج ويشفى كل مريض ان شاء الله

 

[طنيخه]

رد: بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <س

الله يشافيها يارب

ان شالله قاعده اقرا بس مابي ادش بدوامة العين لوول ..

مابي انتكس اكثر .. ذكرتيني بشغله ناسيتها ..اني كنت ارتاح لما ادهن بزيت زيتون مقري

اهو كلام الله فيه الشفا ان شالله

بس بشوف مشكلتي من الناحيه الطبيه ..

عشان اعرف تفسير طبيعي لحالتي

مشكوورة قلبي

 

[over love]

رد: بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <س

شلون مانقولج طبيب ؟ لازم تروحين ضرورى الصحه مولعبه حبيبتى أنتى
والرنين سهالات انا مسويته حق ظهرى مافيه شي وين الخطوره ؟
سويه حبيبتى عشان تتطمنين وتعرفين شفيج

وعسى ربي يرزقج الصحه والعافيه ويشفيج عاجلا غير أجلا وجميع مرضى المسلمين

 

[فجوره الحسن]

رد : بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <

الله يشفيج ان شاء الله

 

[طنيخه]

رد: بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <س

مادري اهو شي يحير اقدر اعيش معاه واتجاهله بس مرات يتعبني

انا فبيت اهلي فعادي الوضع لكن انا خايفه باجر عند زوجي يبين تعبي صح ويتضايق من كسلي

التنميل لي الحين مستمر معاي صارلي 3 يوم من سويت الليزر ..

over love

صعبه موراضين .. وانا الحين مريضة بشغله ويمكن بسويلها عمليه هالفتره فما ابي اتكلم عن موضوع ثاني

ابي احد يفهمني .. ..


شكرا بنات



بس سؤالي في وحده فيها ام اس وسوت ليزر

 

[بدلية]

رد: بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <س

انا ياتني اعراض غريبة تشنج ايدي اليسار وعقب اثر على ريلي اليسار وكانت حالتي الله يعلم فيها ومابقى شي ماسويته كل شي سليم من تحاليل وتخطيط مخ وكل شي

بس اخيرا يوم سويت اشعة مغناطيسية شافوا اكو مثل البقعة كبير شوي بالمخ < وهذي اعراض الام اس

بس عطوني حبوب والحين الحمدلله واااااااااااااااااااااايد تحسنت قبل تيني هالحالة من 20-30 مر باليوم الحين يمكن مرة كل 3 ايام

الف الحمدلله

سوي اشعة مغناطيسية والله لو ما اهي جان انا الحين الله يعلم بحالتي

 

[over love]

رد: بنات الام اس يدشون .. جربتوا الليزر؟ وشنو اسباب التنميل ولبروده وخشونة المفاصل <س

..

Over love

صعبه موراضين .. وانا الحين مريضة بشغله ويمكن بسويلها عمليه هالفتره فما ابي اتكلم عن موضوع ثاني

ابي احد يفهمني .. ..


شكرا بنات


[/color]

لازم تسوين تدرين ليش ؟ لأن البنج موزين لمرضى الأم أس وهالمعلومه متأكده منها 100% لهم وضع خاص وجرعه بنج خاصه وعنايه خاصه

شلون ماتسوين لحى عليهم

ياربي الله يشفيج ويهدى أهلج

وبخصوص الليزر أسألج عنه أعرف مريضه ام أس