والله مااعرفها ,, انا سجلت عند لميس البستان قالو لي هي احسن شي ..
شوفي دورت لج بموقع تقييم الدكاترة عنها
..
- المستوى: متوسط الصعوبة
- الشرح: شرح جيد جدا
- حصلت على: B
ننصح به
المـادة: تاريخ امريكا التاريخ: 2009-05-01
الطالب: MoOoN رقم التقييم: 17268
اللي يعرف هالدكتورة عن قرب عمره ماراح يندم انه اخذ عندها مقرر في الجامعة
في الكلاس تكون شديدة على التحضير والمشاركة والحضور وتحب تشوف الطالب او الطالبة يايين مستعدين للمحاضرة مو مايدرون وين الله قاطهم .. وخلال المناقشة اللي تصير في الكلاس تضيف معلومات وتشرح اشياء غير واضحة
قمة الاخلاق اذا عرفت ان اللي جدامها محترم وخلوق وطالب مجتهد .. دايما تشجع وبالنسبة لي حببتني بالادب .. بكل بساطة عن طريق تشجيعها لي للقراءة ... لان قبل كنت اعتمد على الدكتور في الشرح اما في محاضراتها .. نعتبر جنه احنا اللي قاعدين نشرح الدرس وهي تكون عون لنا ..
باختصار عند الدكتورة ايمان
تحضير+مشاركة+حضور+دراسة للامتحان= امتياز مع درجة الشرف
______
- المستوى: سهل
- الشرح: شرح جيد جدا
- حصلت على: A
ننصح به
المـادة: Intro. to Liter. & American Liter. التاريخ: 2009-04-27
الطالب: Lighting A Match رقم التقييم: 17181
الدكتور ايمان وايد حبوبه.. اسلوبها راقي..
انسانيه وايد.. يعني حلو التعامل وياها
خذيت عندها مادتين.. اسلوب شرحها يعتمد تماما على النقاش بين الطلبه.. وطبعا اهيا تشارك وترسم الاشياء الاساسيه..
متساهله الى حد ما.. وتعطي وايد فرص للتعويض..
من بريزنتشنات.. الى ريسبونسات.. و الفورم
بس عيبها انها تعتمد عليك وايد في البحث عن المعلومه.. يعني ما تعطيك اياها جاهزه..
تدخل الامتحان متوقع كل شي.. بس عاده امتحاناتها سهله ومناسبه
love her
____
- المستوى: متوسط الصعوبة
- الشرح: شرح ممتاز
- حصلت على: B
ننصح به
المـادة: intorduction to litreature التاريخ: 2008-06-29
الطالب: aro رقم التقييم: 14416
الدكتورة زينة و شينة اذا كان في احد يبي يتاسس خل ياخذ عنها لأنها علمتنا شلون نكتب critical response in MLA )style) و انا صراحة كنت ضعيفة في كتابة المقال و استفت منها واايد
اما طريقتا في الشرح فكانت تخلينا نقرا و تسالنا شنو فهمنا بعد اهيا تزيد على معلوماتنا و عندها فورم (منتدى) نشارك فيه و نزد معلومات على الي خذيناه و عليه درجات بس مو وايد بس 5
كل وحده سوت برزنتيشن على المواضيع الي ناخذه و كان عليه 5
و احلى شي انها كانت تعطينا مهلومات ثقافية و اجتماعية عن كل شي ناخذه و هذي المعلومات صعبة تلقاها يعني مثقفة و ما تنوم
كل الشغل الي سوناه كنا نحطا في فلاش ميموري( المقالات,بريزنتيشن,الي كتبناه في الفوورم)
اما امتحاناتها كانت زينة المشكله كانت في المدتيرم كان مستواه صعب لانا ما كنا نعرف طريقة الاسئلة بس الفاينل كان صدمه!! كان حده سهل وااايد بنات الي زفتوا من قبل في المدتيرم و ما شاركوا في الفورم و مقالاتهم نص نص يابو B_ وانا منهم بس صارت لي ظروف في الفاينل و ما قدمت زين و كان مجموعي C و لكن عطتنا كيرف و صرت B- و منو قالي ما تعطي كيرف!!
انا صراحه ما كنت ابي اخذ عندها لاني سمعت كلام مو شي عنها مثل انها ما تعطي درجات و ما ترفع الخ...
بس كنت مضطرة اخذ عندها لان شعبتها الشعبة الوحيدة الي كانت مفتوحه و ما كان لي خاق اروح حق باي فورس
و خذيت عنها و الحمدالله على كل شي
___
- المستوى: صعب
- الشرح: شرح ضعيف
- حصلت على: C
لا ننصح به
المـادة: مقدمة في الأدب170 التاريخ: 2008-06-10
الطالب: artist-eng رقم التقييم: 14071
الدكتورة إيمان محترمة جدا و راقية في تعاملها ،طبيعة محاضراتها إنها تعتمد في الشرح على الطلبة ومع أن هذا الأسلوب مفيد في تطوير مهارة التحدث ولكنه ذو أثر سلبي جدا من ناحية الامتحانات،لأن كمية المعلومات التي تطرح في المحاضرة كبيرة جدا و هي غير موجودة في الكتاب،و بالتالي من الصعب استيعابها كلها وحفظها وهذا يؤثر طبعا على الدرجة النهائية.
____
- المستوى: صعب جدا
- الشرح: شرح ضعيف
- حصلت على: B
لا ننصح به
المـادة: intro. to literature التاريخ: 2008-02-16
الطالب: FOSFOS رقم التقييم: 13356
يعني تعاملها معانا وايد زين
بس ما تشرح شي لازم احنا انتكلم ماكو شرح و الاامتحان اسئلته مادري من وين مو من الي درستاه لأ اشياء من بره تتعلق بلي درسناه
و تصليحها دقيييييييييييييق جدا جدا
____
- المستوى: صعب
- الشرح: شرح ضعيف
- حصلت على: C
لا ننصح به
المـادة: ادب و لوايه التاريخ: 2007-07-10
الطالب: mini رقم التقييم: 10821
** ***** ..... ما انصح احد ياخذ عندها إلا الفاضي اللي ما عنده حياة اجتماعية لأنها تكدش حيل حيل حيل
**** ** ***** **** ****
_____
- المستوى: صعب
- الشرح: شرح غير مفهوم
- حصلت على: C
لا ننصح به
المـادة: مقدمة أدب التاريخ: 2006-05-10
الطالب: style رقم التقييم: 4125
حبوبه في التعامل لكن تعتمد في الشرح على الطلبة يعني اتخلي الطلب يشرحون و بالتالي انلاقي صعوبة في فهم المعلومة و الشغل وايد عندها يعني اذكر انس سويت
two presentations + final paper + alot of reader responses
دراجتها معقولة بس المشكله انه ما انكون فاهمين شي من قبل الامتحان ... خذيت عندها سي بلس و كنت متوقعه اقل لان صج دشيت الامتحان و احس وايد اشياء مو فاهمتها و هذا مو بس كلامي كلام كل الي معاي ..
انصح اذا شفتو دكتور غيرها تاخذون عنده
______
- المستوى: سهل
- الشرح: شرح ممتاز
- حصلت على: A
ننصح به
المـادة: Fiction التاريخ: 2005-12-14
الطالب: TaRaLLaLLee رقم التقييم: 1587
ذكرتها في أحد تعليقاتي من قبل ..
محترمة .. وحبوبة .. و متفهمة جدا وتراعي الطلبة .. وأحسن دكتورة كانت على أيامي ...
الله يوفقها دوم إن شاء الله ..
_____________
وموفقين انشالله
