السلام عليكم
بنات أنا لي رفيجه بالتطبيقي بكلية الدراسات التكنولوجيه
اهيه بدون وابوها عسكري وامها بعد بدون
شافت أن في بنات مثل حالتها ياخذون إعانه
وراحت أسألت مكتب الأرشاد والتوجيه عن الأعانه لمثل حالتها
وقالوا لها أن في أعانه للطلبه البدون بس مايستقبلون طلبات لأن صندوق الطالب ما أعطى الأمر بإستقبال الطلبات
بس شلون في بنات ياخذونها فلما اسالت ناس تعرفهم من الاتحاد قالوا لها واسطه
واهيه بنت وايد محتاجه تدرون كتب وبحوث وتقارير ومراجعات
هذا غير اللبس والمواصلات لأن اهيه سكنها بعيد عن الكليه
وأنا دايما أحاول أساعدها
بس تدرون تاخذ اعانه احسن من ان تمد ايدها للناس
وحبيت أسأل الزكاة تعطيها مكافآت لو تروح لهم؟
ياليت تساعدونها بردودكم
ويجزاكم الله ألف خير ويوفقكم بدراستكم وإن شاء الله تتخرجون بتفوق
