بنات الجامعة تكفون لحقوا علي راح أنطرد !

[جامعية قهر]

السلام عليكم والرحمــة ؛؛




































بنات أرجوكم تساعدوني أنا أشتركت خصيصا للــ الحاجة هذي .. بنات السالفة ومافيهآ أن معدلي الحين :_

1.76 ومعدل التخصص 1.81 وطبعا نازل لي إنذارين بالمعدل العام وأنذار واحد بالتخصص يعني ثلاثة إنذارات


أنا مدري شلون أشرح لكم أسباب وضعي الدراسي .. لكن ما علينا من ألي راح وأنا بحاول أجتهد وأتلاحق على نفسي

قبل لا أنطرد ؛ الحين انا مخلصة 75 وحدة مع اني ثااالث سنة وبدخل بالرابعة تخيلوا !!

والله قلبي يحترق على حالي واحيانا افكر اخلي الدراسة واقعد بالبيت

ألي أبيه بإختصار أماانة أمااانة أنصحوني شسوي ؟؟!!

كم مادة أخذ للكورس الجديد أقعد على اربعة عشان ما اخاطر في معدلي ولا لا ؟

واخذهم كلهم تخصص ولا شلون بالضبط ؟

أحس اني تايهة وضايعة وانتو أخر أمل لي لانه التوجيه والارشاد الله بالخيررر ونفوسهم بخشومهم :eh_s(1):

بنات انا بكلية التربية فيه مادة عامة ممكن أخذها عند دكتور معين واضمن الـ a عشان يرتفع معدلي ؟

الله يخليكم ولا وحدة تطلع من غير رد ان شالله لو بدعوة لي المهم ساعدوني !

 

[مطيريه زوغه]

الله يساعدج ان شاءالله والله ماعندي فكره حبوبه انا نفسج بكلية العلوم ومتأخره حدي ياريت الاقي احد ثقه وينصحني ضعت بسبب نصايح البنات كل وحده لها نصيحه الله يوفقج ان شاءالله ويسهل علي وعليج

 

[الحلآآآ]

الله يسهل عليج يوووفقج

 

[مطيريه زوغه]

اي نسيت اقولج حاولي تاخذين مواد اعاده ورفعي معدلج بعدين ضغطي على نفسج واخذي مواد وايد هذي نصيحتي بس مادري شوفي ناس وايد وسئلي احسن وحاولي بالارشاد تحملي نفوسهم الخايسه عشان مستقبلج حبوبه تقبلي مروري

 

[ريح الخزامى]

عيدي المواد الي يابه فيها اقل من c و اخذي مواد اختياريه سهلة
عندكم بالتربيه مبادئ تربية بيئه و رياض مادة سهلة و دكاترتها رووووعه
و تعليم اساليب التفكير عند علي الهولي
و مبادئ التربيه عند المطوع

في وااااايد مواد سهله تيبين فيها ايزي a بس انتي تلاحقي على نفسج و شدي حيلج
شنو تخلين جامعتج و تقعدين بالبيت !!!!! انت دخلتي الجامعه بمجهودج و مكانج اكثر من الف وحده تتمناه شدي على نفسج و خلصي و اقبضي معاشج بدال قعدتج بالبيت و لا تخلين نفسج تحتاجين فلوس من احد
الحين البنت حلاتها بشهادتها و محد يبي البنت الي قاعده بالبيت تطالع بالطوف و من مسلسل لمسلسل, هذي حياتج انتي حافظي عليها و محد له شغل فيج اذا نجحتي فعلشان نفسج و اذا سقطتي فعلشان نفسج


كلامي ممكن قاسي بس هذي الحقيقه و لازم تشوفينها علشان ماتتحسفين بعدين و تقولين ياااااااااريت .

 

[ATOoOMA]

حبوبة لو انا مكانج اعيد المواد الي امزفته فيهم قبل لا انتقل لمادة ثانية عشان اضمن انه معدلي لا يتتخسبق

وشنو هل حجي انج تفكرين تقعدين في البيت جد هل زمن سلاح الانسان شهادته والناس تحترم الي عنده شهادة وتحسبله الف احساب وانتي تقولي مودري شنو @@.. وحتى اذا انشالله تخرجتي راح تلقين الريايل الزينين الي يطقون باب بيتكم لانج جامعية وبعد مدرسة ..
وحالي تشدين على نفسج قبل لا تتحسفين على عمرج..
موفقة خيتوو وعسى ربي ينجحج يوفقج ويوفقنا كلنا

 

[noo7a]

وي لا تحاتين
نفس الحاله بالضبط
وانا اخس بروح رابعه و توني فرقه ثانيه
المهم
شوفي لاتاخذين مواد تخصص اخذي مواد ترفع معدلج العام
لان اهم شي المعدل العام اهو الي يصير فيه لا سمح الله فصل
اما معدل التخصص عادي حتى لو صار لا سمح الله 6 انذارات تخصص مو مشكله
على الكورس الاول اخذي مواد رفعي فيهم معدلج العام و على الكورس الثاني بلشي تشيلين مال التخصص

 

[sindrella]

صح حبووبه مثل ما قالو البنات عيدي المواد اللي ماخذه فيهم أقل من c- مع مواد إختياريه


و شدي حيلج و شوووفي شلون يرتفع معدلج


و بالتوفييق يا رب

 

[layan 23]

الله يعينج حبوووبه

بس شوفي المواد اللي ماخذه فيهم d ويكونون من المواد العامه ضروري تعيدهم لأن معدلج بيرتفع اذا تعدل تقديرج

ولاتحاتين كل ماهونتيها تهون لاتصعبينها وتصعب

بعدين على قولتج انتي رايحه سنه رابعه
يعني ان شاءالله باقي لج من 3 لي 4 كورسات وتخرجين فحراااام تضيعين نفسج وتقعدين بالبيت
اهم شي للبنت شهادتها مونافعج إلا شهادتج
وانا مافي احد كثر ظروفي وكثر اللي مريت فيه وانا بالجامعه تخيلي انا دفعة 2005
ومفروض الحين متخرجه لكن ظروفي ماسمحت لي وللحين ادرس بالجامعه وباقيلي تقريبا سنتين وكورس مع الصيفي طبعا بهالسنتين
هذا وانا سنه رابعه خلاص وشوفي للحين عندي اراده وعزيمتي قويه اني اواصل ومعدلي من ثاني كورس لي بالجامعه كان 3نقاط وشوي ومن ثاني كورس لي بالجامعه انخفس لي نقطه و67 وعطوني انذار عام وبعدها الحمدلله كل ماله ويرتفع شوفي ما يأست ولاشي بالعكس شديت حيلي وبستمر لا واللي ضيق خلقي ان كلرفيجاتي تخرجوا إلا انا ومع هذا مازال عندي مثابره وقاعده اكمل واواصل

انا قلت قصة حياتي بس بعطيج دافع انج تسوين المستحيل عشان هالشهاده وماتفرطين فيها
والله يوفقج يارب

 

[مطيريه ميه ميه_]

الله يعينج ويوفقج يارب انا نفس حالتج تقريبا سالفة هالانذارات تتعب

اهم شي اخذي مواد اعاده بينرفع المعدل بسهوله وحق الكورس الجاي اخذي الماده الي ضامنه فيها الايه اكيد حبيبتي ما يبيلها سؤال اذا بترفع معدلج ليش ما تاخذينها ومو مشكلة الوحدات اهم شي تضمنين ما تنطردين

بس الي اعرفه ماتقدرين تسجلين اكثر من 13 وحده لانج مو متفوقه ولا خريجه ( هذي الاستثناءات عن 13 وحده)
يعني راح تاخذين اربع مواد ماتقدرين تزيدين وبعد احسن لج عشان تركزين فيهم وتجيبين قريد

الله يعوضج خير يااااااااااااااااااااااااااارب

 

[ATOoOMA]

نصيحة حبوبة من اخت
اخذي بالكورس الواحد بس 4 مواد لا تزيديييين عشان تركزين فيهم عدل مدل ما تتشتتين شنو تدرسين وشنو تخلين
واخذي صيفيييييييي مادة تكون صعبة ومادة سهلة عشان تركزين فيها عدل

لان في بنت اعرفها متفوقه مشالله بالجامعة سئلتها اشلون جذي محافظة على تفوقج قالت اخذ بالكورس الواحد 4 مواد (مادة صعبة ومادتين سهلين ومادة اختياري) والصيفي تاخذ مادة صعبة عشان تقدر اتركز عليها ابروحها وبس جذي يكون معدلها قوي

موفقة خيتوو

 

[فديتـ♥ترابـ♥الكويتـ]

كل البنـــات ما قصرووو
وخصوصا عجبني كلام ريح الخزاامي و الحب عذاب

انا الله يسلمج ما تخصصت رياض اطفال الا بصيفي ثالث سنه وتوني خلصت اول سنة تخصص اللي هي كانت 4 سنه لي بالجامعه

وكنت مفكره اخذ سنه كامله +صيفي +كورس من السنه اللي بعدهم يعني اتخرج بــ خمس سنين ونص
بس وحده من رفيجاتي جزااهااا خير انصحتني انه اضغط على نفسي واتخرج بسنه وتكتكتها معاها والله يكتب اتخرج هالسنه مع الصيفي بس والقى المواد اللي ابيهم

^^
فيلم هندي ادري :krkrkr:
المهم لاتحاتيين ..ابي اعرف شنو بتخصصين !!؟
زين
ونصيحتي اما تاخذين 3 مواد او 4 ترفعين فيهم معدلج
دخلت موقع حساب المعدل وحسبت لج

اذا اخذتي ثلاث مواد لازم تشدين على نفسج وتاخذين فيهم اي و اي واي ماينس
عشان يصير معدلج 2.00
اما اذا اخذتي اربع مواد
لازم تاخذين اي وبي بلس وبي بلس و بي
يعني لازم وحده اي او اي ماينس والباقي بحدود البي مايقل
واذا على قولتهم عدتي ماده كنتي ماخذه فيها سي ودي واف او اف اي بيرتفع اكــــــــــــثرررررررررر

ولاتقولين بقعد بالبيت بتندمين قد شعر رااااسج ..الكل فكر بهالشي.. لكن بالاخير نعقل ونرد لدراستنا
وفكري انتي سنه ثالثه يعني قطعتي اغلب المشوااار لا تياسيين ادعي ربج يوفقج ..

موفقه ان شاءالله​

 

[S0 WHat]

حبيبتي اول شي انتي تبع اي كلية ..؟!!


ثاني شي عليج باعااادة المواااااااااااااااااااااد


يعني المواد اللي يايبة فيهم اف ودي وسي-

ردي عيديهم لا تاخذين مواد يديدة لان مهما يبتي فيهم كلهم أ

راح يرتفع شوي معدلج لان انتي وحداتج فوق الـ 60 يعني راح يصير رفع المعدل صعب

طيعيني وسمعي نصييحتي وردي عيدي بهالموواااد

وكلمي الدكاترة وقولي انج عاايدة المادة عشان الحاجة بس وعشان تشيلين الانذاار ومن هالحجي

والله يووفقج ياااربي

وتبشرينا بان االانذارات الثلاثة بحححححححح

 

[جامعية قهر]

فديتكم بنات نك نك ويالله عسى بنهار رمضان هذا انه يستجيب دعوتي ويوفقكم جميع

وتتسهل دراستكم .. ويحقق لكم كل ما تمنيتوا أميــــــــــــن


أنا في كلية التربية وتخصصي عربي .. ان شالله بسمع نصايحكم وأعيد المواد الي ماخذة فيهم

أقل من سي ودي .. وسالفة اقعد بالبيت والله من حر ما بقلبي اقولها لانه الخلل فيني وصايرة ما اطيق الدراسة

الله يعين وتكفون ادعولي بنات يرتفع معدلي عالأقل ودي اذوق حلاوة مكافآة التخصص

الي كل من خذاها ما عداي انا .. والقهر لامن شفت الناس تتخرج بثلاث سنين ونص لانهم حاسبينها صح

مو مثلي مالت علي ! :0bee2e8d89:

المهم مشكوورين بنات وجزاكم الله ألف خيرر ..

 

[بنوته دلوعه]

الله يوفقج وييسر دربج ويصير اللي ببالج وتتخرجين بسرعه وتفتكين وتتوظفين احلى وظيفه وترفعين راس اهلج وتذووووقين حلاوة معاااشج

 

[جامعية قهر]

أمييين فديت قلبج ^_^

ولج بمثلهــآآآآآآ وجزاج الله خير وجعلها في ميزان حسناتج مضاعفة ^_^

 

[MiSS_RJ]

البنات كفو و وفو بس تنويه صغير حق نوحا وحق اللي مايدرون بهالشغلة الا وهي انه انذار معدل التخصص ياثر والمعلومة هذي انا متاكدة منها وكنت موجودة قبل جم يوم عند استاذة منى بالارشاد والتوجيه انا ورفيجاتي وكنا نسالها عن انذار معدل التخصص قالت لنا اذا مر الكورس الاخير من السنة الخامسة لج من دخولج الجامعة وخلص الكورس ولا زال عندج انذار معدل تخصص راح تنفصلين على طول ... تخيلووووووووووو انا انصدمت لان ماكنت عارفة هالمعلومة من قبل وفي شغلات مانعرفها الا اذا سالنا الشخص المختص يعني لا تقولون شي انتو مو متاكدين منه عشان لا تضيعون غيركم من غير قصد طبعاً واللي شاك بكلامي او حاب يتطمن اكثر يروح بنفسه حق الارشاد والتوجيه ويسال عن موضوع انذار معدل التخصص واتمنى اكون فدتكم

واخت جامعية قهر الله ييسر لج امورج ويفتح نفسج عالدراسة ويحببج فيها آمين وانتي شدي حيلج ولا تياسين هذا اهم شي و دوم ادعي ربج ييسر لج امورج

 

[ALSHD]

الله يوفقج ويسهل امرج وان شالله يرتفع معدلج وتتخرجين بسرررعه

انتي شدي حيلج وتوكلي على الله ياقلبي

 

[R.M]

موفقه يا رب

 

[عيونك اخر آمآلي]

اللـه يوفقج البنات ماقصروا بس لازم تعيدين المواد اللي ماخذه فيهم سي ماينس وآقل وصدقيني المعدل راح يطيييييييييييييير


خلي الكورس الجاي كله اعاده يعني 4 مواد عااادي المهم يرتفع المعدل ​