بنات الحقوني امي تكرهني وانا منهاره

[هيا349]

السلام عليكم

بنات انا من جد منهاره

احس اني وحيده كل واحد او وحده بيتنا مهتمه بنفسها بس

امي كل ما كلمتها بموضوع حولته بطريقه اخرا

يعني

مرره كنت اسولف عن الفنانات وانا اتكلم ورية امي صوره فنانه
او شي زي كذا وعصبت وقالت انتي محاسبه مع العلم امي عااديه

يعني قبل كانت ما تقول شي وتتقبل اما الحين يا ساتر

مع العلم ان باقي البيت تعاملهم عادي وانا نفسهم بس تبيني اسمعها وماتبي تسمعني
وقبل كانت غييييير
بنات انا متحطمه تعرفت على وحده من زمان بل انترنت وكانت زي اختي تشكي واشكي لها هموم بعض وفئجه تركتني
وصديقتي تزوجت وعايشه حياتها
وبنات خالتي صرت اشوفهم مره بل اسبوعين

بنات احس اني وصلت مرحله صار كل شي متساوي عندي مو قادره
اكتب لكم وانا احس ان جسمي زي النار
وعيوني دمع وش اسوي تكفون

 

[^LILY^]

تعوذي من آبليس
وهدي نفسج هذا كله نتيجه ضغووط
حاولي تركزين على دراستج اذا كنت طالبه
وآمج آنسانه يعني آكييد بتعصب وبتستآنس
عدي لها مثل ما عدتلج وانتي يآهل
وقربي لها عشآن تكونين قريبه لهآ
وآحتسبي الآجر

آتمنى مآتزعلين مني بس آنا قاعده آنصحج كآخت

 

[ياغفور اغفر لي]

انتي ماشفتي الامهات سنو يسووون في بناتهم حمدي ربج ياهيا ع امج وصدقيني من خوفها عليج
انا اختي مراهقه لما توريني صور فنانات ازفها اقول اهتمي بدروسج شلج بهالاشيا


ومافي ام تكره بنتها كبري عقلج واهتمي بالامور السنعه اللي تزيدج ادب وثقافه مو فنانات وزوارة

 

[هيا349]

بس مليت من الدراسه والتعب ودي اغير و اول ما ابي اغير جو

تقول وش تبين بهل اشيا ومن هل كلام وتشوف مواضيعي تافها ؟؟؟؟

 

[تحت ظلك]

حالي أصعب وأنا اختج احمدي ربج

 

[منقار نمله]

دام القررب منهم يهمك ويريحك ويعيد لك نفسيتك

تقربي منهم وسسوي اللي يحبونه ولا تتصرفين بششي هم م يتقبلونه او يكرهونه صدقيني ب يحبونكك ..

 

[طيش سكر]

وسعي صدرج وعيشي حياتج لنفسج . .

اللي راح الله معه .. وامج طلعي وياها تقربي منها

هم هي عندها ضغوطات ولاتجيبين سيرة تنرفزها

 

[Tom ♥ Jerry]

,


آعتقد الفراغ وايد مأثر عليج !
خصوصا عقب مآ آبتعدوآ عنج رفيجآتج و مآ عندج آحد تقعدين وياه

حبيبتي اشتركي نوآدي دورات ، عمل تطوعي
منهآ تتعلمين شي يديد و شي حلو و مفيد و يسلي و يطوف الوقت بشي مفيد
+ تتعرفين على بنات يدد و تقضين وقتج وياهم و تفضفضينلهم !

 

[لمى الهاجري]

عندنا وعندج خير انا ماعندي صديقات ولا شي ولا خوات يالله الحمد لله

 

[حلا كلي غلا]

ياقلبي هذي امك إذا ماتحملتيها مين لها غيرك انتي واخوااااتك

ومافيييييه ام ماتحب بنتهااااااا

ويمكن امك كاااانت في ضغوط نفسيييييه

الله يسعدك يااختي مهما سوت امك لاتزعلي بالعكس دوري رضاها لو انتي الغلط

وتقبلي مرووووووري ​

 

[شوق95]

الله يهديهاا لج

 

[ليمونه بارده]

الله يعينج حبيبتي

 

[am faisal]

حبيبتى هذى عيوب امك فقط وقولها النصيحة دمر نفسيتك تحمدى ربك على النعمة لوتشوفين بعض الامهات شيسوون الوالدين من حظ الانسان ويجب ان نقبلهم ونحبهم بعيوبهم حتى نرضى اللة

 

[عروق نجد ksa]

حبيبتي ترى الشكوى لغير الله مذله


اشكي لربك وصلي ركعتين وتعوذي من ابليس والله يهدي امك ويخليه لك

 

[نثية زوجها]

انا اكبر منج باربع سنين امي كانت شي موطبيعي لدرجه اني كنت صغيره ب ال16لما يتقدملي احد اكون موافقه بس اهلي طبعا يصكون الموضوع قبل لا يبدا ويوم تقدملي زوجي تزوجت وانا صغيره توني داشه ال18كان كل تفكيري الوناسه والطلعات وحكرة امي اللي ماتخليني اطلع وتخاف علي من اي سبب وكنت حيل اتضايق وابجي بس يوم تزوجت وجبت اول بيبي حسيت بمعنى الامومه وليش امي كانت تخاف علي وتشوفيني حيل متعلقه ابيتي وبزوجي وبنتي ماحب اطلع الا معاهم صارو هم حياتي اللي كنت فاقدتها عند اهلي ولي يومج لما ازور اهلي احس اني كنت مظلومه وماعشت حياتي ابيت ابوي نفس البنات وما ابي الزوارات بالاسبوعين والثلاثه غير اذا زعلانه بالشهر وكانت كل الافكار السلبيه تجيني بس تدرين كنت غلطانه بعنادي قبل لان عرفت ان العناد مايجيب شي وبنات خالتي كانو نفسي بس شنو كانو يسوون كانو يجارون امهم بكل شي ودايم عندنا ويهايطون عليها لدرجه انه تخليهم يطلعون مع رفيجاتهم بروحهم لي 12عادي وانا اللي كنت اخسر بعنادي اللي ابيج تعرفينه امج اذا شافتج تعاندين ماراح تستفيدين شي فخلي طبعج نفس الطبع اللي تحبه امج عشان تستانس وتاخذين منها كل اللي تبين

 

[غداً القاك]

امك لو ماتحبك ماربتك وتعبت عليك
مافيه شي اسمه ام ماتحب بنتها انتي ضناها
بس العمر له دور الامراض اللي فيهن الله يطولن لنا باعمارهن لها دور
يعني معروف الكبار بالسن يضيقون بسرعه يحبون ينتقدون يبون كل شي على رايهم على اللي يشوفون ويحبون ومايبون احد يعاندهم
واكيد لهم نظره ثانيه للأمور بعيده عنا وغير عنا بس مو معناتها مايحبونا
جربي تجارينها وتستخدمين معها اسلوب زين بالتعامل وتطيعينها وبتتغير
اقولك هالكلام لمصلحتك ياقلبي لاتخلين هالفكره براسك ولو تعرفتي على الف وحده الام مافيها مثلها هذي الحنووووووونه القلب الكبير

 

[nany_82]

لا توجد في العالم وسادة أنعم من حضن الام ، و لا وردة أجمل من ثغرها

 

[salwa tawfiq]

حبيبتي انا ام وعندي بنات ماشالله خمس تبارك الرحمن وكلهم متفاهمه معاهم ومقربين مني عندي الي قبل الخيره بس تصرفاتها وطريقة كلامها تنرفزني وماتسمع الكلام واحس انها تسوي اشياء من وراي وموعاجبيني صديقاتها ولاتعاملها مع اخوانها وخواتها وماتدرس عدل المهم تنرفزني بكل تصرفاتها وتطالع الممثلين وايد وهي تحس اني انا غير معاها بس موقادرة اصير حنونه عليها لانها منرفزه وياما كلموها ولاكن ماكو فايدة وعلى العموم انا مطنشتها يمكن تعقل
وانا اقولج دوري شنو بخوانج امج تحبه وسويه وشوفي اخوانج شلون يتصرفون وتصرفي ولما تقول لج امج شي سويه من غير مناقشه وانتي مبتسمه وفرحانه واحتسبي الاجر ودايما خليج علي رايها لاتراددينها وانتي سعيدة ياليت القي احد يقول لبنتي هل الكلام

 

[منال 1986]

؟؟؟؟؟؟؟؟؟؟