بنات الخبر .. ساعدوني

[Patcholli]

قوه

بنات دايما اشوف العرايس يجهزون من الخبر وانا رايحه للخبر جم مره بس مادشيت غير راشد والظهران ..

المهم سمعت بعد ان الساعات والمجوهرات عندكم ارخص صج ولا بس حجي ..؟؟

والفرق كبير ولا شي بسيط ومايسوى ؟؟

ووين احصل هالسوالف ؟؟

 

[T R F]

هلا حبوبه ... فيه موضوع مثبت بقسم السياحه للدول العربيه ... عن اسواق الخبر ... راح تستفيدين كثيييييييييييير

 

[بنت العقربيه]

مجمع فينيسيا مول عندهم محلات روعه للملابس والتنانير والبلايز مو موجودة الا في هالمجمع
وفعلا الساعات ارخص بكثير من الكويت بفرق كبير في كل المجمعات
عندك السويكت عندهم خياطين عجيبين اذا حابة تفصلين اي فستان ومن عندهم القماش بعد

 

[Patcholli]

مشكوره ترف بطلع عالموضوع ان شاء الله

بنت العقربيه فديتج ماقصرتي كفيتي ووفيتي ..

 

[عزوتي خمس صقور]

محلات الساعات الحميضي وسواتش وان تايم وايد فيه
وعندنا ارخص من عندكم ولنفانيف عندنا بفنيسيا مول مقابل الراشد
وايد عندنا محلات وسويكت للاقمشه​

 

[Patcholli]

مشكورين حبيبات قلبي ماقصرتو فديتكم

 

[مدام رنوشا]

هلاحبيبتي

كل شي حلو تلقينه عندناا
عندك الظهران والراشد وفينيسيا
محلات متفرقه ع الكورنيش
فيه قرية القصيبي مقابل المريديان فيه عدة ماركات

فيه محل لمسات طيبه ع الكورنيش وفيه السويكت عبايات اشكال والوان
فينيسيا فيه محلات شنط وجزم وانتي بكراامه تدوخين من كثرهاا

فيه سوق الحب هذا للاقمشه وللاشياء الشعبيه والتقليد

فيه مصمات واتيليهاات كثير عندنا تقدرين تزورينهم وتشوفين تصاميمهم

فيه عندك بالراشد تقريبا كل الماركات تلقينها سواء ساعات او الماسات
بالنسبه للاسعار ماعندي فكره عن اسعاركم ياقلبي والا ودي افيدك

وحياك الله بتنورين الخبر والسعوديه كلها ياقمر