بنات السوني .. شكو ماكو ؟؟؟

[Kawaii GiяL]

الــــســــلامـــ عــــلــــيــــكـــمــ

بنات شلونكم شخباركم انشالله تمام ..





:aha:




حبايبي ,, بغيت اسالكم انا صارلي فترة طويله قاطعه عن السوني .. و تبون الصراحه حدي حدي زهقت من النوكيا
و البلاكبيري السيرفس فيه حده اي شي و ما يسوى من غير خدمه و الخدمه مليت منها ..

و مشتاااقه حق السوني ,, بس ما ادري شنو افضل الموبايلات الحين ,,
و لا تقولون دشي على موقعهم و اقري المواصفات ..
اللي ينكتب شئ لكن تلقون وقت الاستخدام مو شي يعني مثلا مكتوب 5 ميغا بيكسل بس مو حلو تصويره
او يعلق الجهاز وايد .. فاهميني

فا ابي رايكم شنو احسن سوني مر عليكم .. و ليش شنو المميزات اللي شدتكم فيه ..

و يفضل يكون شكله ناعم ,, بنات من اهتمامتي ,, ان وضوح الالوان بالشاشه تكون قويه و بارزه لاني اهتم بالثيمات واايد .. و الصوت يكون عالي .. و الكامرة تكون حلوة .. :rerrerek:

 

[Kawaii GiяL]

اي صج .. ما احب التج .. لا تقولولي ساتيو

 

[NoNy aLM]

^
تـــوني بــقول لووول
بــس ترى حــلو مايطوف انا مـــحتاره بينه او بــــين
Aino
هــم حـلو فييه touch مو وايد او مواالي تستعملينه كل يـــوم هم مــدحووه

او هم xperia x10
هــم هــذا حــلو

الابيــض عــاجبني

 

[Kawaii GiяL]

لووول ,, عاد انا غرامي الموبايل يكون يا ابيض يا وردي ,, بس افضل الابيض عشان يمشي معاه كل الثيمات ..

التج مو عملي و انا نوعي وايد اكتب مسجات ,, ما ينفعلي التج ,, كان عندي ايفون و عطيته حق عمي و الايفون ماكو عليه
بس لانه تج مليت ,,

ال aino حلووو و فكرت فيه و خاصه انه لونه ابيض.. و فيه هذيلي الbubbles الملونه تتحرك تهبل و تشوق حدها ,,, بس خلقولج ليش صرفت النظر عنه
أ- لاحظي تصميمه .. الكيبورد عنونو و الشاشه شكبرها يعني راح يصير ثقل و انا اكتب المسجات ,, احس الكتابه فيه مو مريحه و ثقيله على الايد
ب- دشيت على مواقع الثيمات مثل zedge و ownskin ما لقيت له ثيمات .. و انا اهتم بالثيمات حيل ,, لاني من النوع بسرعه امل من الموبايل بظرف 2 - 3 شهور فا الثيمات و التجديد بالشكل اهي اللي تخلي الموبايل يقعد عندي فتره اطول
ج- الشي الاخير ,, انا عندي قاعده ,, كل ما مطوو بالشاشه كل ما كان رسلوشنها اقل !!

مـــشــكورة عمري على المساعده ,, عسى ربي يسعدج و يوفقج حبوبه ,,

 

[Kawaii GiяL]

بــحــطـ لــكــمــ صــورة موبايلات من سوني عاجبتني ,,

1- سوني اريكسون جالو التركواز ,, بالصور ما عجبني بالطبيعه عنونو يهبل ,,
بس ما مدحولياه يقولون شاشته واايد صغيرة زياده عن اللزوم و مافيه مواصفات زود ..

2- سوني اريكسون ياري .. الوردي .. او الاحمر بس الوردي عاجبني اكثر حده زووغه
و قريت عنه ريفيووس واااااااااااااااايد يمدحوونه ,, مالقيت احد يذمه ,, يعني كامرة حلوة و صوت عالي و قوي و فيه ميغا بيز
عجيب حده بس ناقصه الوايرليس هذا عيبه

3- عجبني شكل w205 بس يذمون بطاريته و مافيه اي ميزة تذكر,, و شفت سعره بالجريده 24 دينار @@ رخيص حده

4- حتا لو مواصفاته موذاك الزود ,, بس ميته و احصله T707

5- سوني C905 صج قديم ,, و ماخذ عرض متين شوي شكله مو ذاك الزود عاجبني ,,
بس واايد يمدحووونه ,, من جميع النواحي كامره و صوت و ثيمات قالتلي رفيجتي فيه ثيم يونس بنت بالشاشه لمن تمشين تمشي معاج لوووول حبيته من المواصفات بس شكله يعني و فيه ميزة حلوة الوايرليس فا احسه كمواصفات يكفي و يوفي و متكامل لوما الشكل بس

 

[{ PiNk }]

عندي c905 من سنه واكثر
3 مرات يخرب علي
مره السماعه خربت .. مره الشاشه .. والحين الدقم
بس بصراحه خووش تلفون يهبل بس انا ماكان لي حظ فيه
ومايعلق ..وغير كامرته القويه

انصحج فيه حيل حلوو وترى حتى شكله ذرب مو نفس w995
الي يشابهه بالمواصفات ماعدى ان تصوير الـ c905 اقوى بشوي عن الـ w995
وصوت الـ w995 أقـووى عن الـ c905

الحين انا عندي الساتيو موشي نظامه سمبيان تبع النوكيا
أحلى شي بالسوني نظامها الجافا السهل



T707
عندي تلفوني الـ w805 يشابهه حيل !
هالتلفون حيل حلو وعملي حييييل انا مخليته حق خطي الثاني
وشكل الـ T707 أكشخ وأحلى
بس المشكله بمواصفاته واهمها الوايرلس


والياري بصراحه حلووو ومثل ما قلتي عيبه الوايرلس


والـ آينو بالنسبه لثيماته .. لان نظامه الجافا الجديد
فـ يبي له وقت على ما يسوون له ثيمات .. يعني اتوقع بعد جم شهر بتحصلين له ثيمات


وانا اقول اذا بتشترين اشتري لج شي جديد توه نازل أحسن مثل الياري او الآينو

 

[قَلبيْ صُويبكْ !]

,


w995 , C905 , T707

من أروع آلتلفونآت إللي مرت علي وشفتهآ عند كذآ شخص وتأكدت بـ مميزآتهآ

 

[وصيّه جــــابر]

هَلا صبّحج الله بالخير ..

انا سونيْ نآديتيني

ان وضوح الالوان بالشاشه تكون قويه و بارزه لاني اهتم بالثيمات واايد .. و الصوت يكون عالي .. و الكامرة تكون حلوة ..

هذي الموآصفآت بفوووووووني w910 ..
هذي صورته .. انا عندي الاحمر صارلي جريب سنتين شاريته وللحين تام معاي يكرف.. بس التصوير صج يطلع بس الالوان الاضاءه مو شيء
مايطلع الالوان حيل ..
بس القهر ان ااغلب مستلزمات السوني مو متوفرة الا بشركة أو يمكن بالمطار
المهم هذي صوورته . فيه منه بُني واسود ..

مواصفاته اقتبست لج من موقع

عام
وصف الجهاز w918c هذا الجهاز للصين
w910i الشبكة HSDPA 850-900-1800-1900
الجيل الثاني 2G: GSM 850 - GSM 900 - GSM 1800 - GSM 1900
الجيل الثالث 3G: اصدار 2.0 مع A2DP
الإعلان عنه يونيو 2007
سعر الجهاز? SR 690

الحجم
أبعاد الجهاز 99 × 50 × 12.5 مم
الوزن 86 جرام

الشاشة
نوع الشاشة شاشة TFT ـ 256 الف لون
مقاسات الشاشة 240 × 320 بكسل
مزايا - 2.4 بوصه

النغمات
نوع النغمات Polyphonic 72 ch, MP3, AAC
إضافة نغمات يمكن اضافة نغمات
هزاز يوجد

التخزين
دليل الهاتف يوجد
سجل المكالمات اخر 30 مكالمة صادرة - 30 واردة - 30 لم يرد عليها
بطاقة إضافية (Memory Stick Micro (M2
ذاكرة داخلية 40 ميجا بايت

نقل البيانات
GPRS اصدار 10 بسرعة 32-48 ك/ث
HSCSD لا يوجد
EDGE يوجد
3G HSDPA, 3.6 Mbps (لجهاز w910i فقط)
Wireless
Bluetooth HSDPA 2100
Infrared Port لا يوجد
USB اصدار 2.0

الكاميرا
دقة الكاميرا 2 ميجا بكسل نقاء 1600 × 1200 بكسل
تسجيل فيديو QVGA
تسجيل فيديو 15 لقطه فى الثانيه
كاميرا امامية
امكانية اجراء محادثات فيديو

مواصفات آخرى
نظام التشغيل
الرسائل SMS, EMS, MMS, Email, Instant Messaging
متصفح ويب WAP 2.0/xHTML, HTML(NetFront), RSS reader
العاب يوجد مع امكانية تحميل العاب
الوان الجهاز أحمر، أسود، برونزي، أبيض
مزايا اضافية قاموس T9
معالج صور
عارض صور
مؤلف نغمات
Screen Saver
**** MIDP 2.0
خلفيات للشاشة
راديو FM مع RDS
عرض صورة المتصل
Walkman 3.0 player
اورجنيزر ( منسق مواعيد )
TrackID music recognition
مذكرات صوتية Voice memo
مدمج به سماعة للتحدث الحر Handsfree

البطارية
نوع البطارية (Standard battery, Li-Po 930 mAh (BST-39
تشغيل مستمر حتى 400 ساعة
تحدث مستمر حتى 9 ساعات

 

[شيطووونه]

واي امبيه انتي نفسي الحين قاعده ادور على سونيا اركسوون يكون شكله ذرب واهم شي صوته قوي وكامرته حلوو

بس مايكووون تش ماااااااحبه لازم اتابع الموضوع وبلييز اذا شريتي تلفوون قوليلينا شنو خذيتي لاني مطوله عالشهر الياي بشتري انشالله

 

[Kawaii GiяL]

{ PiNk } عمري يعطيج الصحه و العافيه يا قلبو .. ربي يخليلج غالينج و يخليج لهم .. ما قصرتي
w995 مو عاجبني شكله جنه n95 مادري ما احب هالستايل القزم و العريض ..

لا حرام عليج اخوي عنده موبايل w805 ,, مو نفس T707 كافي فيه خاصيه wave to silent هذي بروحها تشدج للجهاز
و 707 شكله احلى بوااايد من غير مقارنه ,, w805 لو بتغيرين بالكفرات .. بس اللي جدام اللي ورا يتم رمادي فا حسيت شنو هذا ترقيع ..



عنـــ المهـا ــق ,, حبيبتي w995 ما يعجبني شكله بس مواصفاته حلوة انا معاج ...
و c905 شكله لا باس مقبوول ,, و من اختياراتي

بس بسألج غلاتي .. t707 وين شفتيييييييييهته .. انا اتصلت على البراك قالو ماراح ينزل للشرق الاوسط .. انتي وين لقيتيه .. يريت تردين علي اخاف متلخبطه ببينه و بين z750

ترى في فرق بينهم حبيبتي ,, يليت تردين علي بأسرع وقت ,,

وصيّه جــــابر صبحج الله بالنور عمري .. لووول هلا فيج
اي حبيبتي قريت عنه و شفته بالطبيعه الابيض كان عاجبني واايد حلو شكله .. بس يمكن انتي حظج فيه حلو ,, لان ما يمدحونه ذاك الزود و السوني معروف كد و مد مو نفس النوكيا فديتج

شيطووونه ... انشالله يا عمري .. و لا يهمج ..
انا خاطري الصراحه من اللي حطيتهم .. بس حذفي الجالو .. شلته من راسي ..

شوفي انا من الحين انصحج ب yari والله حده عجيب ,, لو اهوو ابيض بابيض جان خذيته و انا مغمضه ,, بس لان داخل فيه احمر و وردي فا الثيمات راح تكون محصورة بهالالوان و هذا اللي مخليني اصبر يمكن القى احسن ..

 

[Kawaii GiяL]

بنات اللي تعرف موبايل سوني فيه ,, gesture control نقولي ؟.

 

[Kawaii GiяL]

خلاص بنات ثانكس .. شريتلي موبايل يديد ^_^

 

[أم حمادين]

انا تليفوني g900احبه حيييل

 

[آلسحرآلحلال]

كاااواااي شنو شريتي نبي نقلدج لووول

 

[شيطووونه]

شيطووونه ... انشالله يا عمري .. و لا يهمج ..
انا خاطري الصراحه من اللي حطيتهم .. بس حذفي الجالو .. شلته من راسي ..

شوفي انا من الحين انصحج ب yari والله حده عجيب ,, لو اهوو ابيض بابيض جان خذيته و انا مغمضه ,, بس لان داخل فيه احمر و وردي فا الثيمات راح تكون محصورة بهالالوان و هذا اللي مخليني اصبر يمكن القى احسن ..

[/B][/COLOR][/QUOTE]

اي والله ياااري يهبببل شكله وايد ذرب بالذات الوردي ومبررووووووووووووك عالفووون اليديد :happybday::lolo:

بشرررريي شنووو خذيتي وشرايج فيه وجم سعره << حدددددددددددها أذيه:016:

 

[Kawaii GiяL]

سحووورة ,, شريت c903 و مابيه ببيعه صوته حيل عادي البلاكبيري اعلى منه !!

شيطوونه لوووووول شكو هابي بيرذداي بالموضوع لوووووول

مثل ما قلت سي 903 ابيض شكله حلو بس يعيبه الصوت .. شكلي راح اخذ e72 و اتوكل على الله .. مالي غير جذي

 

[شيطووونه]

شيطوونه لوووووول شكو هابي بيرذداي بالموضوع لوووووول

color]

هههههههههههههههههههههههههههه عادي طوووفي لووووووول عاد يمدحووون w995 يقولون صوته حلوو مادري عاد

انا بعد اسبوووع بروح احوس عند المحلات يقولون فيه ميزت الواك مان شوون اهيه ما ادري لووووول بس يمدحونها

وعاجبني السلفر شكله يشووق ياريت الي عندها فكره عن هالجهاز تفيدنا بصوته كاميرته بس اهم شي الصووت << تموت على الموسيقى لوووووووول


شكرااااااااااااااا :d

 

[رووز q8]

انا عندي w995

يمه كيكه فديته مجكنم اصلا يضيع بين يديني

كان تلفوني قبله n95 ماحسيت في فرق بالصوت نفس الشي اصواتهم عاليه وعلى حسب الاغنيه نفسها

وتصويره حلو انا مايهمني بالتلفون الا صوته وجهازي فيه هالميزه وشيطونه انا عندي السلفر يهبل ماظل احد ماسألني عنه

بس الي ماعجبني فيه شغله وحده بسس انه ماكو قفل ولا كله تمام

 

[C'est La Vie]

هاي بنات
انا محتارة بين c903 و c905
انا اهم شي عندي المسجات وكاميرا قوية وصوت زين وشكل حلو خفيف
شرايكم؟
c905 لقيته بس وين الاقي c903؟

 

[جوري الفيلجاوي]

انا مفكره بino بس المشكله خطي فيفا وسامعه ان السوني والفيفا فيه مشاكل اللي عندها تفيدني