*truth_love*
New member
كيف الحال... عساكم بخير ان شاء الله..وش علومكم..كل شي تمااام..
نجي للمهم الحين..
اخواتي ..في ظاهره انتشرت مؤخرا عندنا بالمجتمع السعودي..ماادري اذا انتشرت عندكم او لا..وهي ظاهره بنات { الأينو }
الأينو بالمختصر..بنات مدري وش يبون بالضبط..لهم تصرفات غريبه..ماقد شفناها من قبل..اللهم لك الحمد والشكر
بصراحه الموضوع عجبني مرررره..جاني من وحده من صديقاتي عبر الايميل..
قلت انزله بمنتدانا..نقراه..ونتناقش سوا بخصوص هالموضوع..خل البنات يتداركون نفسهم ماله داعي نتوهق بنمونات كبيره
من هالامراض << بنظري مرض..
(( الموضـــوع ))
هــاااااااي ...
كيييفكوم ..?
يارب تكونون كويسسسييين مره مره مره ...
ممممممممممممممممممممم .. مره أي ميس يووو .. :eh_s(22):
طبعاً ادري انو مقدمتي مدري وش تبي ... بس المقدمه الي كتبتها .. هي عنوان موضوعي ..
بنات الـ { إينو } وما ادراك ما الـ {إينو } ..
راح اتكلم عن البنات الي مرره يااي ومره كول وطال عمري ( والله يحييني ) ..
أنتشر في الأونه الأخيره
نظام الدلع عندنا .. البنت الي مو دلوعه غصب بتصير دلوعه .. حتى الخالات صارو مرره ياربيه .. ما لاحظتوا بالله؟
من متى ؟!
وش صار بالدنيا ؟!
من متى بناتنا يمططون حكيهم ؟؟
انا اقول والله اعلم هذولي تربيه الشغالات .. الناني على قولهم ....
لما تسألينها .. كيفوك (يعني كيفك) ؟؟ تقول كويّــســه !! وش كويّسه ذي !! انا اخبر الشغالات الي يقولونها !!
وش بيضرك لو قلتي الحمد لله ؟ هاااااااه وش بيضرك بس قولي؟؟
لالا وازيدكم من الشعر بيت .. اذا قلتي كيف الحال .. ؟ تقووول وش ذا يااااي مره لو كلالالاس ..
لازم تقولون { كيفووك} <<< مع رز البرطم العلوي ... بمصاله ودلع ماصخ
ولا اذا جو يسلمون على بعض يمه يمه يمه تسمع صراخهم من على بعد عشر كيلوات
كأن احد ميت لهم وقسم ان صراخهم يروع .. كنهم ما شافو بعض من سنيييين .. وهم امس شايفين بعض
بس هذا لزوم الدلع يعني المخرج عاوز كده ...
ومن ناحيه نظامهم .. انا اقول لكم وش نظامهم في السلام ..
1- اذا شافوا بعض من بعيد صارخوا صراخ قوي مع كلمه يااااااي ( وحطوا يدينهم على خدودهم ) وطيروا حواجبهم شوي {
يا حماره يا كلبه .. الخ مرررررررررررررررره وحشتيتي } <<< هذا
الاسلوب بنظرهم هاي كلاس
2- يركضون ركضه النااقه الي بشووويش ...
3- ما يصافحون بعض أبد. يعني نظام على طول بوسه على الخد
ملاحظه: ( الي بتمد يدها ترا بتتفشل)
4- يوقفون قدام بعض ..ويطالعون بعض .. بعدين فجأه يصرخووون
5- يحضنوون بعض ويجلسون ساااااااااعه .. يبربرون في أذنين بعض
6- بعدين يبعدون.. بس يصيرون ماسكين يدين بعض..
7- كل وحده تريش بالثانيه .. وأول شي يقولونه ( ياااااي مره نحفتي , ياااااي مره التان خطير عليك )
نجي الحين الستايل .. وهو أهم شي
الشعر .. لازم يكون على جنب ويفضل يكون {ويفي} ولونه بني فاااتح خااايس..
وروج احمر عشان البرطم وكذا ..
والنظاره وهي أهم شي .. عشان تغطي البلاوي الزرقاء..
هذا غير نظرات الأستحقار الي تطالعك فيها اذا كنتي مو من مستوها ...
لما تجتمع مع صاحباتها .. كل سواليفهم .. يوووه شوفي مره نحفت .. يوووه مرره سمنت
واااااااااااااااو لونها روعه .. شوفي نفخت شفيفها .. لا لا سوت تجميل بخشمها .. لا ترا نافخه خدودها .. شنطتها تقليد ..
جزمتها مااركه ياااي ..
ولا السوالف حقتهم .. نص حكيهم { إينو }
{إينو} أنا مررره تفشانه .. و{إينو} ماما .. مره معصبه مني عشان أنا .. ما عطيتها بوسه الصباح
وإينو أحنا .. كل صيف في باغيس ..<<<< اشوى انها الخرخير وضواحيها
و دادي يقول لي خذي الفيزا حقتي واشتري الي في خاطرك <<<< ومن هناك لاعن جدهاااا
واينو ايحنا راح نعمل سربرايز لصاحبتنا عشان البيرثدي تبعها
وراح تعمل وراح نعمل <<< ترا مايقولون نسوي يقولون نعمل
وقسم سوالفهم تجيب لي المرررض .. ما استحملهم . ويحبون يحكون عن نفسهم مررره..
وياليت كل حكيهم صدق .. نصه هياط في هياط
انا اعرف بنااات .. مع اهلهم غير .. ومع صاحباتهم { إينو} ما ادري وشو هل هو انفصام في الشخصيه ولا ايش بالضبط :080402ask_prv:
ترا انا اسميهم بنات { إينو و كيفوك }
ولما تسألونهم ايش اكثر حيوان يحبونه .. هنا بتجيك المصاله
ياااااااااااااااااااااااااااااااااي مررررره احب الـ Dog ( تسلب اكرمكم الله )
زماااان كان عندي بوبي .. يااااااااااي مره وحشني <<< بتسوي نفسها مره حزينه ..
بس يا حرااااااااام مات .. لأنو المربيه ما اعطته اكل ..
ولما تقول لها شي عن القطوه .. بتقول ييييييييع مرره مقرفه .. بس شعرها يتييييح ويوسسخ الأرض <<<< مع مية رمشه
بعيونها .. ورزه هاالبرطم
لالالالالالالالالالا وابشركم .. فيه حيوان جديد صاير موضه ويحبونه .. تعرفون وشو ؟؟
الهامستر .. الفار الأبيض زي الي مع نانسي عجرم في فيديو كليب (ياسلام) عرفتوه؟
مااااره كيووووت وماااره بريئ .. وماااره ياي يخقق .. احس انو البيبي حقي <<<<< وقسم ما استحمل بصيييح
ما اقول الا يا صبر الأرض بسس ...:denya:
نجي لنظامهم في الصباح ..
لما تسألونهم ايش فطوركم ؟؟ طبعاً معروووف كلهم زي بعض سبحان الله
تقول لك (كروسان+ كلوب ساندوتش+كورن فليكس+كوفي + اومليت <<<< ترا قروي الي يقول بيض )
لاكن لو جينا للصدق .. خبز صامولي وجبن كرافت.. وعصير ربيع .. <<<< ويخب بعد
بس لازم عشان برستيجها ما يخرب الله يحييها ..
ولا لما تزعل وعووووووه انواع البثاره ..
كل صاحباتها الـ { أينوات}
يجتمعون حولها .. وش فيك حبيبتي .. ليه انتي مرره Sad .. مين مضايقك علميني بس وأنا اروح أأدبه <<< بس
حتسي فاضي ولا هي من جنبها اصلن
ويسوون افلام وقصص .. وصياح ونياح
واخر شي يطلع السبب .. الـ بااااااااااااااااااااااااايخ
اعطيكم مثال :
مره وحده الله يذكرها بالخير.. شفتها مرررره زعلانه وحزينه وضايق صدرها.. كأن احد ميت لها .. جيت سألتها وش فيك ..
سوت لي قصه .. واجتمعوا حزب الـ {إينو} علينا .. وخمخمه وشي الله لا يوركم .. انا ما عطيتهم جوهم ابد ..
جيت جنب البنت الحزينه وسألتها .. طبعاً سااااااااعه تتشكى وتبكي .. ومدري ايش ..
اخر شي قلت لها طيب الزبده الله لا يهينتس وش تونسين؟
.. وش تتوقعون طلعت زعلانه منه ؟؟؟!!!!
زعلانه عشان أعز صاحبتها .. ما كلمتها امس .. من بعد ما وعدتها انها تكلمها
<<<< يقططططططع أوم المرض الي كذا .. انا بغيت اصفقهاااااااااااا
قلت لها من جدك ولا تمزحين ؟؟
قالت لا أينو هيااا وعدتني .. وانا ما احب كيذااا .. تخيلي ما نمت استناها .. يااااااااااي مره تعبت امس جايه مواصله
<<<< انا هنا طقت طبولي .. وقمت ادخن من القهر :eh_s(14):
هو اني اسفهها وامشي ولا اقتلها و لا ولا .... :eh_s(13):
يعني من جد ما ادري وش يحسون فيه بالضبط ؟
ايه نسيت اقول لكم شي : نص حكيهم English واذا جينا للجد .. ما يفقهون شيئاً فيه هههههههههههههه
بقول لكم سالفة وحده بعد الله يذكرها بالخير ..
هي من نوع { الله يحييني }..<< يعني من سلالة { الأينو }
كنا قاعدين انا و بنات خالي المصون .. نستنى السواق بالجامعه .. واحنا كنا ناوين نطلع من الجامعه ونروح نتغدى ..
وكانت هذي الشخصه واقفه تبربر علينا .. المهم قالت وحده من بنات خالي .. يافلانه تعالي تغدي معنا !! قالت لا والله انا
مااااررررررررررررره تعبانه <<<< شدو على الراء شوي
ما أقدر بروح لبيتي اريح .. <<<< ياليييل
قالت بنت خالي وهي تمزح يعني : اجل وصلينا للمطعم على طريقك .
قالت : اسكتي بس والله سيارتي مررره ضيقه حتى ما أقدر امد رجولي من الضيق ..
انا جا في بالي قلت وش معها ذي.؟
سياره درّج ؟ ولا صندوق؟ ولا وشو بالضبط
المهم سلكنا لها .. ومشينا ..
جا سواقنا وجا سواقها .. وطلعنا مع بعض .. أحنا ركبنا في السياره وكان زحمه كنا 4 بنات
وهي لحالها
المهم مشينا ..الا قالت بنت خالي نوره شوفي هذي سيارة فلانه الي تقول ضيقه
واطالع ..وانا الي اقول وش تببببببببي ذي هذي الله يصلحها.... ؟
تبي سياره بحوش الله يحيها ! ولا سياره نظام فلّه ؟
طلعت سيارتها ( بانوراما)
ما اقول الا بس يارب لا تسخط علينا <<<< وربي بصيح
والله لو اقعد احكي عن ذا الـ { أينو } من هنا لين بكره ما خلصت ..
ما يستفاد من الموضوع :
1- بنات الجامعه بس هم الي بيعرفون اي نوعيه أقصد
2- أنا ما اقول كل البنات تسذا لأه بس الأغلبيه
3- أن كل ساقط وله لاقط <<< اشتهيت اقولها :tomato2:
4- أن البنات ما كانو تسذا من أول
5- إذا حسيتي بألم في الراس وثقل في اللسان ترى احتمال كبير تطلعين من بنات { أينو}
6- الموضوع لي وابن اموه يلطشوه ..آسفه لطشته لانه بصراحه جدير بالمناقشه.. اكرر اعتذاري
7- باقي المستفاد طلعوه انتو
تحياتي
نوره الي مو { إينو } <<<
مثل ما قلت لكم خواتي هذي ظاهره طلعت عندنا بالسعوديه ... ومن ابرز حركاتهم .. انهم يصبغون أظافرهم بالمانكير
الاسود ... ويلونون يدينهم باللون الاسود .. هذا غير الحركات اللي يتفننون فيها ... هدفهم لفت الانظار..وليته على سنع
وسبحان الله .. احنا ما نخلص من مشكله البويه الا وتطلع لنا مشكله جديده ... والله يستر من القادم من الحالات الغريبه ...
شنو تتوقعون الحل بالنسبه لهلأشكال من البنات اللي يشتكون من هذا المرض الله لا يبلانا ....وشنو اللي خلاهم جذي
يصيرون..هل هو: ضعف الوازع الديني ام قلة بالتربيه..او ضغوط نفسيه..ولا دلع زائد..
التعديل الأخير:
فجاة الرد سبحان الله حطم بفؤاد البنت وقالت لاء لاء لاء شوي شوي علي انا دلــــــــــوعه
