بنات انا عمري 23 عندي مشكلة اني انعزالية وما اكون علاقات بسرعة يعني صداقة وجي بمكان العمل ماعرف كيف اتقرب من البنات ودي يكون عندي صديقات نساعد بعض ونخاف على بعض السؤال كيف اصير اجتماعية والكل يعرفني مو شرط زيارات وعلاقة قوية على الاقل تكون علاقة سطحية واي في موضوع شاغل بالي التفكير الايجابي كيف اكون ايجابية بحياتي
بنات الكلية شلون اتقرب منهم
- بادئ الموضوع قطرية كشخة
- تاريخ البدء
*ريــان*
New member
شوفي شي بالكليه او بموادج وتكلمي فيها مع وحده بروحها قاعده موقروب بنات
واخذي وعطي معاها بالكلام يعني السلام بالاول وبعدين عرفي بنفسج وسأليها
جم باقيلها وتتخرج وشنو تخصصها وتكلمني بتخصصج و
شنو ناويه تتخصصين وشوي شوي عطيها رقم
تلفونج وانتي سيفي رقمها وكلميها واتساب يعني نسيتي شي او موعارفه شي بالمواد وجذي
والايجابيه مهمه بحياتنا عشان ننجح باي شي مو شرط الدراسه
حطيلج هدف قدام عيونج ورددي انا لازم احققه ولا ايأس لازم اكون نفسي وابرز شخصيتي
للمجتمع وان ما تحقق هالشي عيدي وكرريه لين توصلين لهدفج واهم شي تتقربين من ربج بكل شي عشان
تتوفقين بكل شي
واخذي وعطي معاها بالكلام يعني السلام بالاول وبعدين عرفي بنفسج وسأليها
جم باقيلها وتتخرج وشنو تخصصها وتكلمني بتخصصج و
شنو ناويه تتخصصين وشوي شوي عطيها رقم
تلفونج وانتي سيفي رقمها وكلميها واتساب يعني نسيتي شي او موعارفه شي بالمواد وجذي
والايجابيه مهمه بحياتنا عشان ننجح باي شي مو شرط الدراسه
حطيلج هدف قدام عيونج ورددي انا لازم احققه ولا ايأس لازم اكون نفسي وابرز شخصيتي
للمجتمع وان ما تحقق هالشي عيدي وكرريه لين توصلين لهدفج واهم شي تتقربين من ربج بكل شي عشان
تتوفقين بكل شي
جوفي إنتي لازم تغيرين هالشيء فيج إنطوائيتج و عزلتج لأن الناس ما راح تتكلم مع وحدة كله يالسه بروحها و ما تكلم بيحسبون انج ما تبين تتكلمين وياهم فهم ما يريدون يحسون انهم نشبة، فعشان جذي روحي انتي بروحج تكلمي ويا البنات كيف؟
- اول شيء خليج واثقة من نفسج و اضحكي و ابتسمي فويهم عشان تقربينهم منج دائما ابتسمي فويه الناس بس مو ع كل شيء عشان ما تكونين هبلة .
- تكلمي ويا البنات او القروب اللي وياج فالمواضيع اللي تعيبهم مثل الميك اب الطلعات الافلام و جذي ...
- حاولي تكونين دايما اللي تفتح المواضيع يمكن اول المرات بيكون صعب عليج بس عقب البنات بيتيمعون عندج عشان يسمعونج ...
- انتي قلتي عادي لو علاقة سطحية انزين ترى لما ترافجين قروب اكيد علاقتج فيهم ماراح تكون قوية لأن توكم تكلمون بعض .... بعدين عادي تقدرين تتكلمين و تسولفين ويا ناس علاقتج فيهم مو قوية
- جوفي ترى الاسلوب الحلو هو اللي يخلي الناس تتقرب منج
- الناس تكره الجديين في اسلوبهم بس يحبون اللي يحترمون نفسهم و في فرق بين الجدية و احترام النفس بينهم اشعرة
- حاولي تستخدمين التويتر و البي بي ام و الواتس عساس ان هالأشياء بتخليج مع الناس اكثر و ترى الانسان كثر ما كان ويا الناس كثر ما زادت ايجابيته اللمة حلوة وبتبعد الوحدة عنج.
كيف تكونين إيجابية؟
- حبي نفسج.
- حفزي نفسج بنفسج لا تنطرين حد يقولج شيء.
- خليج مع ناس إيجابية فكليتج و هذا بيكون إذا طبقتي النقاط اللي قبل.
- ضحكي استانسي عيشي حياتج لا تفكرين باللي مضى جوفي قدام و ترى الواحد يتغير ما يتم ع حاله.
- من تجوفينه قدوة لج تعيبج تصرفاته تحسينه ايجابي قوي يعيش حياته مثل ما يريد و كوني نفسه.
- لا تخلين كلام الناس يأثر فيج لأن سواء ارضيتيهم ولا لأ بينتقدونج يعني بينتقدونج و هالفئة وايده فسوي اللي يعيبج إنتي.
