بنات الكويت الفزعه باسواقكم ياحلوات

[*ستار*]

انا ضيفه من السعوديه راح ازوركم يومين ان شاء الله فياريت تساعدوني

1-ابي اعرف وين تنباع ربطات الشعر اللي مثل الطوق بس على شكل فيونكه اللي ساده او ترتر قماشها

2-برضه ابي ملابس حلوه وفخمه وسعرها رخيص

3-ياريت اعرف وين اسواق الملابس الجمله

4-ابي افضل سوق للفساتين والبلايز الكويتيه اللي تكون شغل الكويت

5-مره شفت على واحده بلوزه طويله كلها قطع قماش مرقعه قلت لها من وين قال خياط مشهور

جنب جمعيه السالميه ياريت توصفونه لي وتقولون لي اسمه

او وين ممكن احصل مثل اللي وصفتها البلوزه في مكان ثاني

6- ابي حجابات حلوه ومميزه وغريبه وابيها جمله يعني اسعار حلوه وودي اعرف وش الهبه

بالحجابات اللحين عندكم

7- ودي اعرف فيه بازار او معارض للمصممات بتاريخ 28-2 او بعدها بيوم يومين وياريت

الوصف برضه

7-الطلب الاخير ابي المحلات المميزه بسوق الحمراء والنقره الشمالي والجنوبي عشان انصاهم

لان ماعندي وقت كلها يومين مادري شالحق عليه

اي محل حلو والا شي غريب والا هبه هابين فيها ياريت تقولون لي عنها واكون لكم شاكره

مشكورين وماقصرتوا يااحلى كويتيات

 

[ياناسينا]

هلا وغلا في ديرتج الثانية الكويت
بالنسبة لربطات مادري تبين حق كبار ولا بنات صغار؟
اذا تبين بدلات حلوة وسعرها زين روحي ستي سنتر السالمية تلقين بدل وبناطيل وتايورات على كيف كيفج وبسعر مناسب
واذا عندج وقت في بالفروانية مجمع الحمرامول والعربيد بلازا يم بعض فيهم بدل سهرة كشخة وحلوة
خياط السالمية ماعرفه
بالنسبة للملابس اللي صناعة كويتية تلقينهم بالستي سنتر وبالمباركية اذا تبين جملة
حجابات حلوة ورخيصة عندج سوق المعلم
بالنسبة للبازار او المعرض اي اكيد في عندج معرض افكاري بالري وعندج معرض الروضان بالمنقف في عدد كبير من المشاغل الكويتية
واي استفسار حاااااضرين

 

[*ستار*]

ياناسينا مشكوره ياقلبي على مساعدتك والله يوفقك ويسعدك يارب

الربطات ابي للكبار والصغار

سيتي ينتر السالميه تقصدين السوق الاحمر على قولتهم والا واحد ثاني ياريت وصفه

سوق المعلم اللي اعرفه جنب السوق الاحمر وكله مواعين هذا اللي تقصدين والا ثاني وياريت تذكرين المحلات اللي تبيع الحجابات الحلوه

الملابس الجمله اللي في المباركيه وين صايره لان المباركيه كبيره ياريت توصفين لي المحلات حقت ملابس الجمله وبرضه الله يعافيك ابي وصف دقيق لمعرض الروضان اللي بالمنقف ومعرض افكاري اللي في الري

الله يحقق لك ماتتمنين ومشكوره على الفزعه جعلها في ميزان حسناتك يارب

 

[فاقده حنان ابوه]

بالنسبه للمجمعات عندج الافنيوز وشرق والفنار والمهلب والمرينا تحصلين فيه جيمبوري للاطفال الفرع الوحيد بالكويت وعندج ستي سنتر وعندج العثمان تحصلين فيه والبيرق وعندج حوالينه اسواق فاتحه يديده عندج مكه مول واس اي ام جنه اسمه جذي و عندج رد تاغ وستي ستار والنصر وعندج المعلم

بالنسبه لربطات تحصلينهم بكسوسورايز

والملابس الشعبيه المباركيه



وبالنسبه للخياط ما ادله بس روحي البلوكات شغلهم حلو

والنفانيف السهره عندج الرايه وليلي غلري

وبالنسبه للمعارض عندج افكاري وعندج 25 دقريز



وحياج الله بتنورينااا