بنات الكويت الكشيخات

[الحُور العين]

حبايبي بنات الكويت انا من الامارات و ابغي اسافر الكويت سياحة و بمر و اكييييييييييد بمر على السوق وين تنصحوني اسير ؟؟؟؟؟؟؟؟؟؟؟؟؟؟؟؟؟؟؟ يقولون سوقكم خلو و اسعاره روعة
يعني اسواق الجلابيات و بلايز ؟؟؟؟؟؟؟؟؟؟؟؟؟؟؟؟؟؟؟ و الاشياء المميزة في الكويت و مو موجودة بدبي ؟؟؟؟؟
و بعد اكشخ محلات الاواني المنزلية ............... للسفرة
اسمحوا لي ثجلت عليكم و سلامتكم
:bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu::bbbiu:

 

[manoooram]

حبيبتي يا هلا فيج بديرتج الثانيه .. بذكر لج اللي حاليا يحضرني
بس طبعا مو شي غريب عن دبي بس اللي عندنا بذكره لج

بالنسبة لأحلى المجمعات بالكويت
الأفنيوز بالفيز 1 تلقين العملي وكل شي فيه من جناط و جواتي وملابس وعطور وميك اب
بالفيز 2 أغلبه ماركات مع ملابس للاستقبالات والحفلات
الثريا - الصالحيه كله ماركات
مريم التجاري - زهره - ليلى جاليري أغلبه للحفلات والاستقبالات همن العملي تحصلين عندهم
أولمبيا كل شي فيه عالبحر
الرايه شامل كل شي ماركات وملابس نفس مجمع أولمبيا ومحل للأواني المنزليه وااايد حلو ماخذه منه حقي وحق أمي عجيب
المارينا مول - الفنار نفس المستوى حلوين كل شي فيهم

الدراعات
تلقينها بمجمع الأوقاف
عندنا بالكويت بنات كويتيات يصممون بال 52 degrees تلقين تصاميمهم
بيت كريزما وبيت ديفا يم مستشفى الأميري


محلات الأواني المنزلية
المبرور للتجهيزات الفندقيه وااايد أحبه
لوفيلاج بمجمع الفنار
مجمع جاليريا 2000 بالميزانين فيه محل حلو
ايكيا
the one بالمارينا مول وبالأفنيوز موجود
اذا تبين سوالف المغرب وشغلاتهم الحلوة عندج البيت المغربي و بعد في محل ثاني يبيع هالسوالف تلقينهم بالأفنيوز
هوم سنتر

 

[reem alflla]

والله manooorm كتبت لج احـــسن شي واحلى شــي بذمه وضمير قالت ماقصرت :**


انا بس بحطلج شرح بسيط عن اماكنهم عشان تقدرين تروحين حق بعضهم بنفس اليوم وتستغلين الوقت

الثريا الفنار مرينا مركز مريم جاليريا 2000 ليلى جالري مجمع زهره كلهم بنفس المنطقه بسالميه


واولمبيا هم بعد بسالميه بس يصير اول البحر على البلاجات

الصالحيه والرايه وعندج بعد السحاب الحمره هم بنفس المنطقه قراب يم بعض بديره وكله ماركات


والافنيوز بروح هذا يبيله يوم كامل بحاله وموجود فيه ايكيا وذا ون


و360 مول هم ماركات واشياء عمليه حلوو حق طلعه وهم هذا مكان بروح


و52 دقريز يمه قررريب قررريب مجمع التلال هم في محل دراعات اسمه مهره بس لازم تحجزين قبلها عشان يبطلونه لج


وهم بعد بتلال اكو محلات اثاث زقرت


وبيت كريزما وديفا يصيرون يم مستشفى الاميري بالضبط قبال سوق شرق هذيلا مصممات كويتيات ينزلون فيهم دايما بس عاد انتي وحظج بالمصمات الي نازلين هالفتره


واي سؤال احنى بالخدمه تنورين :**

 

[PuPa^^SWeeT]

هلاا والله ببنت دبي



عاد نفسي صج ازوور دبي انشالله



رفيجتي توها اتقولي انه شغل دبي واايد افضل من الل بديرتنا



بس بقووولج شغلة


الافضل انج اتروحيين حق المصممات الكويتيات



لأنه اخنا اللي يميزنا الشغل الكويتي



عندج 52 دجريز بمجمع التلال بالشويخ


اولمبيا عنده سوالف بعد



360 في محل بوب اب فييه شغل تصاميم كويتيات



الصالحية كله ماركات و الثريا بعد


عندج البستان في محلات لمصممات كويتيات

 

[manoooram]

reem alflla
فديت ذوقج مشكورة يا قلبي

وبال 360 مول مثل ما قالت reem حلو شامل الماركات والبراندز الغالين لمن الوسط والرخاص
اذا تبين شي مميز pop up خذيت منه سوالف الكل من يسألني عنهم كاضافات على اللبس وتلقين عندهم دراريع وماركات بعد
مولانج بالميزانين عندهم اكسسورارت ccsky وحزم حتى ملابس حلوين يعجبني
واذا تبين أواني منزلية كشخه و حلوة villeroy & boch
واي نسيت في معرض العروس قريبا بيكون بال 360 mall


وان شالله ما قصرت معاج

 

[الحُور العين]

كلكن ذو و مشكورات و ما قصرتن