بنات الكويت النشميات الفزعه

[*ستار*]

السلام عليكم ورحمه الله وبركاته


حبيباتي انا حابه ازوركم خلال شهر فبراير لكن عندي كم استفسار


1- متى يكون عندكم معارض للتاجرات بمشرف وهل فيه معارض ثانيه لان يقولون عندهم اشياء حلوه

2-شفت على واحده فستان او بلوزه طويله كلها قطع اقمشه مختلفه وطوله ميدي تقريبا عجبني سالتها قالت من خياط

عند جمعيه السالميه ابي وصف الخياط اذا تعرفونه لانها تقول اسالي اي احد يعرفه لانه مشهور

3- ابي قطع غريبه وحلوه وفخمه وين احصلها ابي شغل الكويت مو جاهز

4- متى وقت التخفيضات بالكويت

5- ودي بميني جلابيه تكون حلوه وغريبه وين احصلها وابي كميه يعني ابي اسعار حلوووه

6- ابغى الربطات الفيونكه اللي تكون ترتر وين احصلها بارخص سعر وكم سعرها تقريبا

7- اخيرا حابه اسال عن فساتين مثل فساتين هدى حسين ابي اشياء تكون مثل هالستايل وين احصلها بارخص سعر

بنات ابي فزعتكم ومساعدتكم الله يعافيكم لان زيارتي بتكون ويك اند فمافي وقت ابدا ابي اروح للمحل سيدا ومالكم الاحلى دعوه من القلب:eh_s(7):
*

 

[ام الدرر]

السلام عليكم ورحمه الله وبركاته

وعليكم السلام ورحمة الله

حبيباتي انا حابه ازوركم خلال شهر فبراير لكن عندي كم استفسار
حياج الله حبيبتي في ديرتج وراح اجاوب على اللي اعرفه

1- متى يكون عندكم معارض للتاجرات بمشرف وهل فيه معارض ثانيه لان يقولون عندهم اشياء حلوه
معرض التاجرات بمشرف في اعلان فوق بالمنتدى عنه راح يكوت شهر 5 بالصيف
معارض ثانية افكاري مفتوح طول السنة وعرضهم من الساعة 4 وفيه شغل بنات مو محلات يعني بموجود بمنطقة الري خلف سنتر بوينت واذا حابة معارض ثانية اذا وصلتي الكويت تصفحي الجرايد اليومية تحصلين اعلانات بالمعارض المفتوحه

2-شفت على واحده فستان او بلوزه طويله كلها قطع اقمشه مختلفه وطوله ميدي تقريبا عجبني سالتها قالت من خياط

عند جمعيه السالميه ابي وصف الخياط اذا تعرفونه لانها تقول اسالي اي احد يعرفه لانه مشهور
يمكن تقصد خياطين مجمع المبرور اللي فيه مطعم قيصر
اما بجمعية السالمية ماعندي فكرة



3- ابي قطع غريبه وحلوه وفخمه وين احصلها ابي شغل الكويت مو جاهز
المعارض اللي ذكرتهم فوق يكون فيهم شغل بنات الكويت

4- متى وقت التخفيضات بالكويت
فبراير راح يكون فيه تخفيضات

5- ودي بميني جلابيه تكون حلوه وغريبه وين احصلها وابي كميه يعني ابي اسعار حلوووه
اغلب المجمعات فيهم
مجمع المهلب -مجمعين النقرة الشمالي والجنوبي- مجمع العثمان- مجمع السندس - ومجمع الايوب
هذول كلهم بمنطقة وحدة وهي حولي

6- ابغى الربطات الفيونكه اللي تكون ترتر وين احصلها بارخص سعر وكم سعرها تقريبا
انا شايفة عند محلات الشايع للعطور من فترة
وممكن تحصلينهم بسوق السالمية الاحمر اللي فيه سنتر بوينت

7- اخيرا حابه اسال عن فساتين مثل فساتين هدى حسين ابي اشياء تكون مثل هالستايل وين احصلها بارخص سعر
قصدج الميني دراعة والقمصان الطويلة نفس ما ذكرت بالمجمعات واذا تبين شي راقي وشوي غالي شغل البنات بالمعارض
وحياج الله بالكويت

 

[*ستار*]

ام الدرر الله يوفقك ويسعدك ويحقق لك ماتتمنين يارب دايم اول واحده تفزع وتساعد جعلها بميزان حسناتك يارب



باقي الكويتايات وينكم ياريت تساعدوني باللي تعرفونه