يا هلا ومرحبا فيج
ما عندي فكرة عن الفنادق لكن قريت ان اكثر شي يصلح لعوايل بودل بالسالمية
المجمعات طبعا الافنيوز وفيه مطاعم وكافيهات شككككثثثثثر اختاري اللي يعجبج والسالمية فيها مجمعات وايد: البستان والفنار والثريا بس عاديين
عندج مجمع 360 اغلبه ماركات وفيه مطاعم بعد. الفحيحيل فيها مجمع الكوت مشهور بس محلاته مو شي كلش بس القعده هناك حلوة وفي فندق ومجمع المنشر ونفس الشي المحلات مو شي فيهم وكلها مكررة
عندج مجمع اجيال بالفحيحيل فيه محلات عطور اجمل والقرشي وامل الكويت والفودري وبرا مجمع اجيال في محل اسمه الحسناء عندده بجايم حلوة وستوكات ماركات والبجامه ما تعدا 6 دنانير
المباركية لا تطوفينها نهاااائيا والله ونيسة وجوها حلو
هناك محلات عطورات المرشود والعبدالمحسن وسرداب الشايع اللي فيه المكياج اللي تسمونه الكويتي بس لا يقصون عليكم ترا رافعين اسعارهم، كاسرييهم احسن. وفي بعد واحد هناك مقابل محل باناسونيك يبيع افلام بسطة
افلامه حلوة ومترجمة وواضحه
المطاعم حلوة هناك وارشح لج ملك الصاج ويمدحون دلق سهيل بس ما عجبني لان كل ما رحت له الاكل يتاخر ويوصل بارد
عندج سوق السلاح يبيعون منظمات للجناط وجناط سفر وجناط للشاي والقهوة
اي وبعد محل الجميع عند محلات العطور اللي قلت لج عنهم، حلو وعنده bra ماركة bramoda رووعه هالماركة ونفس ترايمف بس ارخص البرا ب 7 دنانير وعندهم ملابس داخليه وبجامات حلوة.
في عند الجميع سرداب اسالي عنه للعبايات كله عبي بس شغلهم عادي وما يستاهل العنوة بس حلوين ورخاص ما يتعدون 20
في االبلوكات للخياطين (سوق الصفاه) قريب من المباركية وما انصحج تجينه لان اسعارهم نار وخياطهم غالي
في الفروانية مجمع العربيد للخياطين كله دراريع واسعارهم على 15 في تفصال وفي جاهز
دراريعهم عادية بس اذا عندكم وقت القي نظرة عليه
