بنات الكويت "بليز"

[ريمي74]

يعطيكم العافية صبايا
اخواتي ان شاء الله الاسبوع الجاي بسافر الكويت زيارة وتغيير جو
لمدة اربعة ايام انا وزوجي
فياليت تفيدوني عن الاماكن الحلوه بالكويت واللي تسحق الزيارة فعلا
هذي اول زيارة لنا وان شاء الله ماتكون الاخيره
واكون ممنونه لو تسون لي جدول عن كل يوم من الثلاثاء الى الجمعه
واهم شئ طبعا الشوبنج(ملابس - جزم )ويعني حركات غريبة مانزلت الخليج
وعن السكن سمعت عن "روتان المنشر "انه فندق وايد حلو شرايكم ​

 

[بسمه الم]

هلا والله وحياج الله بديرتج
شوفي ياقلبي الاسوقه عندج المجمعات ( الافنيووز , الرايه , الصالحيه , الفنار , المرينا , شرق , الكوت و اكوو وااايد بس هذووولي ايدد شي وكل شي موجود فيهم )
عندج (الديره ) اكو شغلات حلووه حيييل ..
اممم النقره الشمالي والجنوبي تلاقين شغلات بس من زمان مورايحتلهم .. وهم عندج سوق السالميه تلاقين شغلاااات وبعد شنوو بالفحيحيل اكو شغلااات بس ابعيده اشويووونه ..
المطاعم عندج مرينا كريسنت بشارع الخليج مجابل مجمع المرينا و شارع الخليج كله مطاعم بمطاعم و هم الافنيوووز اكو فيه مطااعم سنعه ..
روووحي يوووم المركز العلمي , الشعب , الترفيهيه اممم شنوو بعد .. اااااه ولهاااانه عالديره ورررربي قلبي يعورني ^^
وحياج الله ياقلبي

 

[أم حسون]

مجمعات عندج(الفنار،البستان،ليلى جاليري،الافنيوز،المرينا،الصالحيه،الرايه،ماكس،سيتي سنتر،الكوت)
مطاعم(فرايديز،جيليز،ابل بيز،فش ماركت،واسابي ،جوكلت بار،لينوتر يصلح حق ريووق لان بوفيه عجيب،ميجانا بالكوت)
فنادق(ميريديان،هلتون المنقف،ساس،شيراتون،روتانا المنشر)
وعندج بعد سوق المباركيه كله شغلات حلوه وشعبيه ورخيصه وسوق المعلم بحولي هم رخيص وحلو ومجمع البحر في محلات حلوه

 

[ريمي74]

تسلمون ياقلبي
بس ماقلتوا لي عن غندق" المنشر روتانا "
احجز عندهم والااغير
انا ابي مكان راقي وبنفس الوقت يكون قريب من اغلب المجمعات والاماكن الترفيهية..

 

[84 Miss Chocolate]

فندق المنشر وايييييييييد بعيد عن الديره العاصمه لأنه اب بو حليفه مادري الفحيحيل
عندج فندق مارينا خووش فندقو و كل شي قريب و يمج .. حياج الله بالكويت