بنات الكويت حبيباتي جايه الكويت ومحتاجه اجوبه على اسئلتي

[الهنوف قطر]

بسم الله الرحمن الرحيم

مرحبا خواتي ..

أنا بعد ثلاث اسابيع إن شاءالله بجي الكويت 3 ايام

وبصراحه موب جايه اتمشى ابي تقولون لي عن محلات تفصيل جلابيات للقرقيعان للكبار وللبنات الصغار ودراريع كشخه للعيد

وابي محلات حلوه يبيعون شغلات لحفلات الاطفال مثل شخصية تنكربل

وإذا فيه محلات في الكويت ماتنفوت وفيها فناتك ياليت تقولون لي فديتكم

ومشكورين مقدماً

 

[M!SS.LOBY]

حياج الله بديرتج الثانية

عندج اسواق الفحيحيل للجلابيات

وعندج مجمعات بالسالمية

 

[الهنوف قطر]

الله يحييج حبيبتي
ومشكوررره وايد

 

[الهنوف قطر]

افاا وينكم يابنات الكويت ؟؟

وحبيت اسأل بعد شنو احسن شقق فندقيه واسعاره معقوله؟؟؟

 

[الهنوف قطر]

وحبيت اسألكم بعد عن شنو المعارض اللي بتكون بشهر 6 من تاريخ 10 وورا

 

[ام خالد33]

يامرحبتين فيج بديرتج الثانيه اما الدراريع عندج معارض الروضان / المنقف / الرقعي
واذا تبين محلات للدراريع عندج مصممين نجوي الفضلي مشغل الانفال بحطين وحراير اللي بحولي وانسام الخلف وبنت الروضان بالسالميه
واذا تبين دراريع بيت العربيد بالفروانيه والاوقاف
والقرقيعان والله انا مااسوي لعيالي بس ماادري اذا في بنات عندهم خبره
وعندج عالاساس لاانسي مجمع البستان عند علي مااظن عاليه السهيم بدل فخمه
وسامحني علي القصور حاولت افيدج

 

[الهنوف قطر]

أم خالد 33
مشكوره فديتج ماقصرتي

 

[نادين العتيبي]

ما عندي خلفيه عنها

 

[M!SS.LOBY]

منورة يالهنوف

 

[كويتية%]

ياهلا ومرحباا فيج بتنورينا
بالنسبه للجلابيات عندج ١/ العربيد ٢/ البلوكات ٣/ معرض الروضان
اما للبس القرقيعان فيه شغلات الحريم بالمعارض بس للحين ماسمعت عن معرض قريب
والبس التنكري تلقينه عند ١/ بروي الافنوز ٢/ محلات ١٠١ للالعاب ٣/ سنتر بويت
وشقق فدقيه عندج بودل بشارع المطاعم
وحياج الله

 

[شـوق@]

عندج فندق سفيرر رمادا يعرضون دراريع تهبل واسعارهم مقعوله

 

[الهنوف قطر]

مشكورين فديتكم
بس البلوكات وين ومعرض الروضان وين وفندق سفير رمادا بعد وين بلقاه ياليت تقولون لي وين حبيباتي

 

[مجنونة ولدها99]

ياهلا والله ومليون مرحبآ بريحة قطر ....
بحاول احطلج المهم والمختصر وأسويلج جدول لأن إجازتج قصيره ولازم تستغلين كل ساعه من وقتج....
من ناحية الدراريع لاااااااازم تمرين مجمع العربيد للدراريع عند سوق الذهب بالفروانيه يفتج فترتين من الساعه 9 وشي الصبح إلى 1 الظهر ومن ال5 العصر إلى ال10 بالليل تقريبآ...
والقريب منه معرض فندق رمادا الرقعي فيه آخر هبات الدراريع وأسعارهم معقوله نوعآ ما ويفتح بس فترة بعد العصر إلى الساعه 10 ...
وقريب منهم بالري ورى سنتر بوينت في معرض أفكاري مهم جدآ تمرينهم لأن عندهم للقرقيعان بخيارات متنوعه وحلوه وغريبه
وروحيلهم فترة العصر احسن لأن مكانهم بصراحه يخرعني وبعد العصر يكون متروس من الحريم .....
يعني نصيحتي الصبح روحي الفروانيه للعربيد تبع الدراريع مو العربيد بلازا انتبهي والعصر خليه بين رمادا الرقعي ومعرض أفكاري ....
الرقعي والري والفروانيه قريب من بعض ....
وعلى فكره دراريع البلوكات نفس العربيد الفرق الوحيد ان يوسف الجسمي بالبلوكات .... (البلوكات الأرضي خامات وكلف والدور الأول دراريع وخياطين )
وعندج معرض 52 ديقري مجمع التلال بالشويخ إذا ماني غلطانه بس أسعاره تحرق حرق ومبالغ فيها بدرجه رهيبه بس صج في خامات وموديلات روووووعه وراقيه جدآ ....
هذا إللي طرى علي ألحين وحدي نعست بنام وباجر بسأل خواتي وأردلج خبر وان شاء الله ما أنسى لأن النسيان واصل فيني درجه مرعبه وتفشلني حيل والسموحه مقدمآ إذا نسيت ...
ويشرفنا وجودج بالكويت يا الغاليه ...

 

[الهنوف قطر]

مجنونة ولدها 99

فديتج والله ماقصرتي والله يعطيج العافيه حبيبتي
وفديت الكويت واهلها حبايبي

 

[جوري الصالح]

فنـــــدق سفـير رمادا
عنـــدهم مــــــــعارض
تعــــجبج إن شـــاءالله

 

[bambena]

انصحج روحي معرض في مول 360 للدراريع احسن شي

وعندج محل ببونه في مجمع المثنى دراريع كبار وصغار ممتاز

اي شي تبين كلميني خاص

 

[bambena]

واحسن المحلات تلاقينها في الافنيوز

خاصة في قسم السوق القديم فورتشن كوكي وهالسوالف

 

[الهنوف قطر]

جوري الصالح مشكوره فديتج


bambena

مشكوره فديتج الله يعطيج العافيه ومشاركاتي ماتسمح اني اكلمج خاص

 

[نـعـومـه]

حسافه تاريخ قديم اكيد رحتي

 

[نـعـومـه]

في معرض مشرف بأرض المعارض

لحقي عليه اعتقد السبت هذا اخر يوم