بنات الكويت ساعدوني كيف تتغطون

[عاشقة النوم]

بسم الله الرحمن الرحيم

بنات كيفكم

اشوف بنات الكويت بالشرقيه و بالكويت يلبسون النقاب هذا اللي تسمونه ابو سير

شكله حلو و مرتب و النقاب العادي عندنا اللي انتو تسمونه برقع يعور راسي و فتحته تضايق عيوني و حقكم شكله اريح


بس المشكله وشلون البسه انا بقولكم طريقتي و انتو علموني و ين الغلط

اول شي البس القبعه (انطه)
بعدين النقاب
و الف الشيله عادي

المشكله :
بسرعه ينفك
النقاب من قدام ما يصير مرتب لانه و انا الف الشيله يسكر على اطرافه و لما اطلعه ما يطلع مرتب


تكفووووون علموني

 

[۩۩ الجـــــود ۩۩]

حاولى ليى تتدربين وتعرفين ما يبيله شرح

 

[سالم الروح]

للأسف مااعرف شي!


اب

 

[am_kshaa]

انشالله البنات المنقبات يفيدونج بس تلبسين الامطه وفوقها النقاب بس يكون السير ضيج واللفه علشان تثبت احنا نحط جلاب بس شلون مع النقاب مادرى

 

[عاشقة النوم]

رد : رد: بنات الكويت ساعدوني كيف تتغطون

انشالله البنات المنقبات يفيدونج بس تلبسين الامطه وفوقها النقاب بس يكون السير ضيج واللفه علشان تثبت احنا نحط جلاب بس شلون مع النقاب مادرى

هو السير كبير و اذا لبست النقاب يطيح توقت انه الامطه تمسكه


شكلي ما اعرف شي علموني

 

[مربى و قيمر]

رد : بنات الكويت ساعدوني كيف تتغطون

شوفى اختى اول شى تلمين شعرج وتحطين شباصه الى تجمع الشعر بعدين تلبسين الامطه وبعدين تلبسين النقاب وترفعينه على خشمج وتحطين السير تحت اذونج وترفعين السير فوق الشباصه علشات مايطييح وتلبسين الشيله وانشاء الله انج فهمتينى

 

[عيووونه]

البسي النقاب اول شي قيل الامطه

لان اللي يثبت النقاب لا يطيح هو الاذن من جدام فاذا لبسي الامطه بتكونين غطيتي اذووونج

وورا يثبته الشبااصه


مره رحت السوق ويا زوجي وبسرعه بسرعه لبسته فووووق الامطه مو قبلها عاد كل شوي يزلق وانا امسكه بيدي لاعات جبدي منننننه


اخرتها كسرت خاطره و الا يقولي السووق فاضي يبا قطيييه خخخخخ

انا ما صدقت على الله للحين مالبسته هههه


ولبسي جباصه ام ورده مو سير خفيف لان الشباصه ام ورده تقضبب السير عدل


ومو شرط اكس اكس اكس لارج لو صغيره تكفييي


ويمكن المشكله بالنقاب نفسه صغري السير ربطيه ربطه صغيره


وبث*

 

[ذبحني صمتي]

نفس طريقه عيوووونه ...


اهم شي النقاب قبل الامطه ..

 

[لورا آشلي]

طريقتج صح بس لازم تحطين سير النقاب فوق الشباصه عشان مايطيح

 

[عاشقة النوم]

رد : بنات الكويت ساعدوني كيف تتغطون

طيب بنات من قدام على الاطراف مو مرتب وش اسوي ؟!

 

[حرمه المصون]

انا نفس مشكلتج الشيله كلها ماتثبت

 

[~وريثة الملوكـ~]

بما ان سير نقاابج كبيير
ثبتيه بكماااشة شعرج
او كماااشه صغيره للنقااب​

 

[عاشقة النوم]

رد : بنات الكويت ساعدوني كيف تتغطون

طيب بنات شوفو حليت مشكلة الثبات الحين من قدام لما الف الشيله يطلع النقاب مو مرتب

يعني وشولون اقولكم يسكر الحجاب على النقاب و اطلعه و يطلع محيوس

فهمتوا علي ؟!

 

[رجـــاوي .. }]

شوفي حطي كماشه ورده لو صغير عادي ولبسي النقاب السير تحت الاذون والي ورى فوق الكماشه اذا حسيتي النقاب رخو ربطي السير الي ورى لين يثبت ولبسي الامطه والشيله من جدام طبقتين دخلي نصها داخل ولفيها عادي النقاب نزليه من الاطراف بس مو حيل تكفى لاطيح بس شوي

 

[همتها عالية]

رد : بنات الكويت ساعدوني كيف تتغطون

ياحبيلك ياعاشقة النوم مسويه سالفه

شوفي حبيبتي أنا نقابي سير بس لما تشوفين شكله

تحسبينه نقاب عادي طبعا نقاب مو برقع بس إنه ينربط من وراء مثل البرقع والسير مخيط في المجبهه حقت النقاب مريح مررره

يعني 2 في 1 خخخخخ

صراحه أريح من اللويه ذي وأحلى بعد بالشكل

تلقينه بالشرقيه عندنا كثير في سوق الحريم


إن شاءالله فهمتي علي شرحي أحسه مش ولا بد