مرحبا حبيبتي, اللي يقول هالحجي منقهر طبعا تخيلي اهلهم صاكيين عليهم و ودهم يقطون العبايه و مو قادرين يحطون حرتهم بمنو؟؟ بالكويتيات تاج روسهم انا هالشي شايفته بعيني محد قالي السعوديات قبل ما يدخلون الطياره عبايه و غطوه قبل لا تطير الطياره تدش الحمام عزكم الله و تقط عباتها و غطوتها و اللبس استغفر الله كلمة فاضح شويه عليه و غيره و غيره من بنات الخليج اللي ميتيين قهر منا و من الحريه اللي اهلنا معطينا ياها .... لا تحرين نفسج و ترفعي على هالاشكال و قوليلهم ايطاليا تقولكم موووووووووووووووووووووووتو حره و للغيره سبايب
هذا صار مستوى النقاش ؟ رمي التهم ؟
اللي قطت عبايتها وتفصخت - بغض النظر عن جنسيتها - فهذي تمثل نفسها هي بس ولا احد غيرها
الخوات يقولون " حنا أحسن من غيرنا بالطيارة يقطون عبيهم " والمقصد واضح .. لكن هل كل السعوديات جذي ؟ للأسف انتوا تزعلون لما " يعمون " يقولون الكويتيات يلبسون قصير ويتبرجون ويسوون ويسوون وهذا كلام مو صحيح يعني إذا فيه اميه ولا ميتين بنت من هالنوع في اضعافهم مستترات ومحترمات أنفسهم .. بنفس الوقت تقعون بنفس المحظور " وتعممون " على حالات فردية
تقولون شفتوا سعوديات قاطين عبيهم برا .. طيب في نسبة كبيرة العكس وكلنا شفنا وانا اولكم ياما شفت بنات سعوديات باوروبا والله ما يبين منها شي مشالله عليهم الله يثبتهم
بنات مو معقول اللي قاعد يصير
الكويت والسعودية واحد .. والكلام اللي تقولونه غلط انتوا وقعتوا بنفس المحظور اللي تنهون عنه .. ويقول الشاعر " لا تنهى عن خلق وتأتي مثله .. عار ٌ عليك إن فعلت عظيم "
" تصحيح الفكرة " يجي بالإقناع مو تبادل التهم .. لانكم الحين انتوا تمثلون بنات الكويت فلو يقرا اي احد كلامكم بياخذ فكرة عن الكويتيات
بعدين لا تلتفتون للأمور السخيفة اللي تصير بالنت من سب وتهم انا جد أتنرفز لما أدش اليوتيوب واشوف الكويتي يسب السعودي والعكس .. ترا أغلبهم ورعان والبعض منهم ينتسب لدولة مو لها بس عشان يشعل الفتن
الحل مثل ما قلت " بتصحيح " الفكرة مو بأسلوب الهجوم
ترا كلامي مو موجه بس للأخت اللي اقتبست كلامها بس لاني لمست نوع من " التلميح " بردود البنات
وللعلم أنا كويتيه بس مارضى هذا الإسلوب ترا الكويتيات مو " ملائكة " ولا يفرقنا عن باقي بنات العالم شي . .استغرب لما أقرا ردودكم
خلوا نفسكم قدوة ومثال وبلاش مدح وترفيع " وهياط "
وسوري على صراحتي الزايدة
