بنات الكويت صايعات!!!!!!

[بشتخته]

الخير يخص والشر يعم

لا تحرين روحج حبيبتي

 

[brettey]

عاد هالدول الي يتكلمون عن الكويتيات من زين بناتهم
حسبي الله عليهم

 

[مينوونـه]

من القهر يقولون جذيه
لاتحرين عمرج ولا تنقهرين هذول يبون يطلعون اشاعات على بناتنا ومايشوفون بناتهم
حمدلله والشكر بسسسس كل هذا كره ؟؟

ومشكوره على هالموضوع

 

[lolocati]

من زمآآآآآآآآآآآآن آلكويت مثل آلعومه مآكوله ومذمومه يهدون عيآلهم وآهلهم وشتغلون بآلديره ويآكلون من خيرهآ ويترسون بطوونهم وتآلي يكتبون ويخربطون ويقولون آلكويت فيهآ وفيهآ من آلوآهي وآلحره وآلحسد آللي فيهم
وهآللي نشووفهم مفآصيخ ويقلدون آلممثلات وآلعمقريز بلبسسسهم وطريقتهم ومصآختهم لووبتقعدين تطلعين آصلهآ وفصلهآ بتلقينهآ موكويتيه آصيله ولاهي كويتيه بدون ولاهي كويتيه آصلا بنشوفهآ مهجنه وتآيوآن ويآكثرهم بآلديره قطيعه تقطعهم يمآلهم آلدقم


آوجه رسآلتي حق كل وحده ودهآ تعرف آلكويتيه عن قرب تروح مجآلس آلذكر وآلدروس وتشووف آلكويتيه وتروح تشوف بنآتنآ بآلوزآرآت مآسكين آحلي آلآدآرآت وتشوف خريجآت آلجآمعآت وآلتطبيقي وتشووف كل بنت محتشمه وسنعه بآلسوق وبكل مكآن عآم وتشووف رزة وسنع آلكويتيه بره آلديره وتشوف كل جآنب آيجآبي بآلكويتيه وتشوف آشلون آلكويتيه وصلت مجلس آلآمه وتشوف آلكويتيه آلصج يوم آلانتخآبآت تهبببببببببببببببببببببببببببببل كلهآ سنع

فديت آلكويت وبنآت آلكويت وكل من فيه ريحة آلكويت من صغير وجبير وسلامتكم وتعيشووووووووون

على رااااااااااااااسي يالغاليه..................:ggdw:

 

[pretty sarona]

وييييييه ما عليج منهم ,, على الأقل بنات الكويتيات لين تحجبوا يتحجبون بالكويت و برى ,, مو يقطون حجاباتهم بالمطارات ,, ولا يطلعون اقذل بملافعهم .. يعني شوفي حجابات بنات الخليج و شوفي الكويتيات وحجابهم ,, شي طبيعي ان الديره مستويات بكل شي حتى الحجاب ,, بس انا لما رحت دبي و شفت الغربه و لبسهم و بنات ما ادري شنو اصلهم و كله تنانير قصار و حفر و حاله حاله حتى المايوهات يلبسون ما قلت ان هذول اماراتيات لاني أقلها اعرف أتكلم و نعرف الاصول والأصل مو عايله و قبيله !

 

[زكرتيية]

اللي مايطول العنب يقول عنه حاااااااااااااامض .. مافي لا بسنع ونظافة وثقافة الكويتية
ومن الحره ... لأنه احنا مرغوب فينا .. والكل يتمنى قرب الكويتية !
وهم ميتين انهم تاحذ كويتي عشان تعيش بديرة العز والخير .. وتصير كويتيه

وبعدين أنا ملاحظة بعض المنتديات .. مواضيعها اذا فيها مراكز جمال أو أناقة أو أو أو
تكون هي ( طبعا اكيد عارفين قصدي أي أصل ) انه هم ماخذات المراكز الأولى بالجمال
والله مداااح نفسه يبيله ....؟ وش الثاني لأنه فيهم نقص فيعوضونه بالحجي!

 

[white dress]

هوني على نفسك .. وقولي حسبي الله ونعم الوكيل اي انسان مايرضى احد ينتقص اهل بلده

او يجيب سييرتهم بالغلط .. واللي يقول هالكلام عن بلد بعيينه ماله حق ..
ولا تتكدرين حبيبتي ترى احنا بالسعوديه

يقولون ( اطهر ارض وانجس خلق ) ويقولون انو مخبين بهدومنا وتحت السواهي دواهي

كل مكان فيه الزين وفيه اللي ماينذكر بالخير

مو بس على نطاق الدول والأماكن حتى بني آدم كلهم .. تلاقين

اختين ومن بيت واحد متربين نفس التربيه ونفس الظروف لكن كل وحده غييييييييييير

انا ما أحب الدفاع الجماعي عن الأمور فعلاً مجتمعاتنا فيها من كل شكل ولون حتى اللي يقلدون أهل البلد

نماذج صغيره وبسيطه لكن شوفي الأغلبيه كل بنت في الدنيا تحب تلبس وتكشخ مثل ماتقولونها بالكويتي

مو كل اللي تلبس عباه نظيفه ومو كل اللي ترميها مو نظيفه

لكن صدقيني في اللي تحب تلفت نظر وفي اللي ودها ومستحيه بعباه او بدونها خلينا نكون صريحين ..

اللي تلبس قصير وحفر وكت بالسوق لا والبنطلونات اللي مقطع واللي مبقع واللي مصبوب على الجسم صب

وحتى بعض المحجبات الله يهدينا ويهديهم .. عندنا وعندكم خير .. يعني حجاب وماكياج صارخ لابعد الحدود

وانتي تمشين من بعيد تلمحين بياض من النوع ( الدقيقي : نسبه إلى الدقيق ) وأحمر شفاه صارخ
وعيون يالكاد تشوفين لون البؤبؤ وقرنيه العين من كثر الألوان واللي كأن زوجها مكفخفها من كثر أحمر الخدود

سؤال اطرحيه بينك وبين نفسك هذا هو اللي الله امرك فيه..


لو صدق تخافين من الله يكون كل أمر امرك فيه مالك فيه اختيار

حبيباتي لاننسى انو الحجاب ( فرض ) وانا كثييير سمعت يقولون حتى

من بنات بلدي انو الحجاب حريه شخصيه لازم تفرقون بين الإثنين انا مره سمعت من احدى صديقاتي انو دكتوره

في جامعه كويتيه ( ع . ش ) ما أدري لو يسمح لي أصرح بالإسم قالت الحجاب حريه شخصيه ..

لا تغترون في هالكلام ..

لاتخلين الدنيا تأخذك بعيد حتى تخسرين كل شي سمعتك ورضا الله في الدنيا وما تكسبين إلا سخطه عليك

مسأله الحجاب فيها الكثير من الإختلافات ولكن قلب المؤمن دليله انتي اسألي نفسك هل الله راضي عني وأنا

بها المنظر .. الشباب اللي يطالع صدرك واللي عيونك واللي يتحقق من مفاتنك بياكلك بعيونه

اتمنى انو اكون مازعلت احد مني والله اوقات تمر الواحد يكره فيها نفسه من الكلام ..

 

[سمبوسة]

هوني على نفسك .. وقولي حسبي الله ونعم الوكيل اي انسان مايرضى احد ينتقص اهل بلده
ولا تتكدرين حبيبتي ترى احنا بالسعوديه

يقولون ( اطهر ارض وانجس خلق ) ويقولون انو مخبين بهدومنا وتحت السواهي دواهي
.

ما عاش اللي يقول هالكلام .... محشومين يا أختي ومحد يرضى ينقال هالكلام على السعودية أو الخليج عامة احنا أهل

وكل بلد فيه الزين والشين ولا تلومون الناس المسلسلات مو مقصرة والناس ما لها الا الظاهر

لا تردون على أحد تدرون ان الكلام ما يفيد وبيشعل فتنة

احنا عارفين نفسنا وشنو بناتنا من غير ما نغلط على أحد

الله يحفظ الكويت والخليج من شر الحساد

 

[Q8ia_100%]

ما شافوا بناتهم بديارهم ولا بره بالسفر شيسوون
حتى المشروب يشربونه

مير احناما غربل سمعتنا الا اللفو الله يقلعهم ويخفف علينا بديرتنا

 

[قهوه وشاهي]

تذكري حبيبتي ان الخير يخص والشر يعم
انا لاطلعت بالمسا بحدى هالمجمعات الكبيره
نقدت على بنات ديرتي لانه شي صار يفوق الوصف
لكن لاننكر ان في بنات ينحطون على الراس ويشرفون
بنات ديرتهم عسى الله يهدي الجميع

 

[Flower20]

الله يهدي الكل يا بنات

وكل بلد فيه الزين وفيه الشين وكل واحد يمثل نفسه فقط بأفعاله

سلامي

 

[كريستال ليدي]

واااي رفعتي ضغطي ... بس والله الكويتات ما عليهم قاصر و من احسن البنات بس مثل ما قلتي يشوفون هالخمة ( وانتوا بكرامة) اللي تارسين المجمعات و الشوارع حسبالهم كويتيات لا يبا الكويتية تبين بسنعها و كشختها و رزتها سواء متحجبة او مو متحجبة

 

[Vampira]

ترى مو كل اللي بالكويت كويتياااااااااااات !!! شدعوه كل ديره فيها جذي مو شي شاذ عندنا وماعند غيرنا واللي يتعمد يقول جذي هذا محترررررررررررررر او بقلبه مرض والله المستعان

 

[الأميــرة]

اكيد فيه بنات كويتيات يهبلووون دين وأخلاق وسنع ..

بس للأسف بنات الأسواق والشوارع يخربون عليهم .. وحتى الممثلاث يعطون فكرة سيئة جدا عن الكويتيات

حتى اعرف شباب يقولون احنا مانبي نتزوج كويتية من اللي يشوفونه بره

والصراحة .. هالأيام اشوف حتى من الأسر المحافظة .. يتساهلون مع بناتهم بالحجاب الكامل وبالطلعات ..

واكيد مع كثرة الطلعات البنت تخرب ..

الأب مشغول .. والأم تدور رضا بنتها حتى لو أغضبت خالقها ..

والله الأمر محزن ..

والمسؤولية على الأهل .. اكيد في ناس قاموا يرجعون للدين والستر لكن في ناس قاموا يتحررون

يعني والله بعض المرات اطلع للسوق أنغث .. من انعدام الحياء .. يعني حتى فيه متغطيات مايستحون

احنا نبي رضا الخالق بالحجاب الكامل والحياء والاخلاق .. مانبي ناخذ شي ونخلي شي

والله يهدي بناتنا ويستر عليهم ..

وانتبهوا ياأمهات ونبهوا الآباء ولاتشغلكم الدنيا عن بناتكم

اقعدوا معاهم .. اعرفوا مشاكلهم .. وأنا بنت تحت العشرين اعرف نفسي واعرف بنات كبري

يبون الزواج .. انا الحمدلله تزوجت .. لكن في بنات يبون يعيشون أسرة .. تبي واحد يحبها

لكن أهلهم يقولون صغار ولازم يدرسون ومايزوجونهم .. وهذا اكبر الغلط لأن بعض البنات اذا مالقوا الحلال يروحون بالحرام ..

اكيد هذا مو عذر لهم لكن لازم ناخذ بإيدهم ..​

 

[الفيحاء]

مثل ماقلتوا كل ديره فيها الزين والشين
وكل دوله من دولنا الخليجيه متروسه من غير اهلها وهذيلا الي مايحتك فيهم ويعرفهم اكيد بيقول
مواطنين مواجانب وبذات اللي عاشوا عندنا من زمان
وبعضهم معاه جنسية الدوله بس عاداته ماتغيرت هي هي
وانا قريت مره عن اللي مثل ماقلتوا يقطون كل شي ويفصخون الحياء بالطياره

هم هذيلا بنات محسوبين بالجنسيه فقط وانتم اكيد شفت ولكم اهل في هالدوله وتعرفون
عاداتهم وتقاليدهم
وترا الغلط موجود مثل ماالصح موجود
بس مانبي نعمم الغلط وانه هو الواقع وغصب علينا نفذه

 

[ღلولي الحسآويهღ]

بصراحه مسلسلات فجر السعيد تشوه سمعة المجتمعات الخليجيه عامةً ..
وبالاخص الكويت
الكل يصدق ان الكويت فيها هالبلاوي
وكثرة الشكاوووي في المجمعات واللبس
وأهم شي انه المفروض يمنعون البنات السفور الي بدون حجاب
احنا عندنا بالسعوديه ممنوع السفور ولها عقاب الي ماتتحجب
وكم مره اسمع عن الشكاوي في الكويت الي تصير بلبس البنات
حتى الحجاب صارت له موضه هذي الي يسمونها ( بوتفخه)
ولا انشوف وحده متحجبه وتارسه وجهها مكياج
وين القيم والمبادئ ؟؟
حتى بالسعوديه فيها الزين والشين لكن مستحيل تشوفين وحده سفور بدون حجاب !!
لان السفور راح يجر لاشياااء في المجتمع خصوصا التفصخ باللبس والله عيب !!

انا ماأعمم على الكويتيات كللهم لكن من كثر ماأسمع الشيوخ الي بالكويت يشتكون عن هذي الاشياء اكيد راح نصدق ..

بالعكس بعض البنات ملتزمين وخصوصا يوم اشتركت في المنتدى عرفت ان الاغلبيه ملتزمين الحمد لله

يعني صج عرفت وشهدت على هذا المنتدى واكثر من موضووع ان مو عاجبهم الي قاعد يصير
وانا فرحانه حيل اني انضميت معاكم :eh_s(8):
,,,

 

[gazl~q8]

هلااااااااااااا فيكم بنات نورتوا كلكم..

كلااااااااااااامكم على العين والراس..

وحسواية حبيبتي السعودية على راسنا بس ترا صج ان ممنوع عندكم السفور بس بره شي 2 انا مااتكلم على بنات السعودية كلهم اتكلم عن البعض,,,


ونورتوا...............

 

[shai5at al3arab]

والله عدل كلامج أختي شي صج يحر ، مو بس البنات الشعب الكويتي كله مخربين سمعته ، ذيج المرة يقول لي اخوي واحد اول مرة ايي الكويت من دولة عربية يقول : كنت خاايف من الشعب من كثر ما سمعت !!! شدعوة عااد .


والله الكويتين طول عمرهم طيبين وحليوين وايدهم كريمة وسخية ، والحمد لله الدولة فيها خيييير خييير ، ولكوني أعمل في أماكن التحفيظ يقولون لي محفظين القرآن أنه الكل قاعد يسافر الكويت عشان يختم القرآن ويقرأ على مشايخ معينين قاعدين ييون لنا من مصر والبحرين والسعودية واليمن بس عشان يحفظون ,

وكل شي في مجال الخير الكويت سباقة فيه ، ومشاريع الخير كلها بدت بالكويت . الحمد لله .

وحتى بناتنا الحمد لله أكيد كلكم شفتوا معاي بالمجمعات من يأذن والله شوفت عيني تنترس المصليات من كل الفئات والأعمار ، وما يقولون مو متوضين بنصلي بالبيت لا تارسين المغاسل يتوضون ، منظر عجييب واللي مو متحجبات يلبسون أثواب .


وانا اشوف باللجان الخيرية بنات الديرة والله يتبرعون بمبالغ مو هينة حق غزة وأي دولة محتاجة شوفت عيني ، ذيج المرة بنت كويتية صغيرة بالجامعة ياية وحدة من اللجان تتبرع بس حق غزة ب 500 دينار .


شي يفرح القلب ، وفي لجنة تحفظ قرآن يقعدون البنات يحفظون من الساعة 8 الصبح لما 2 الظهر وبهالشمس والحر البنات يلتزمون وكل يوم يداومون وعندهم همة ورغبة بحفظ القرآن وبعضهم عندهم التزامات وعيال وبعضهم والله مو متحجبات يايين عندهم رغبة قوية يحفظون القرآن ويبون يتعلمون .

هذيله بنات الكويت ربي يحفظهم ويخليهم .

أما اللي تشوفونهم بالمسلسلات ترى بس يتقنون اللهجة الكويتية لكن اهم مو كويتين مع احترامي للجميع .

 

[بنت المدينه المنوره]

ماعليكم منهم مافي اكثر من حقدهم وكلامهم على بنات السعوديه

حسبي الله ونعم الوكيل في كل من تكلم ويشوه سمعت الناس

 

[<<love>>]

كل بلد فيه الزين و الشين