بنات الكويت

[مياو مغروره]

صباح الخير يا بنات الكويت انا من قطر

واول مره ازور الكويت وان شاءالله ماتكون الاخيره.... وابي اعرف اذا فيه اوت ليت او اماكن تبيع الماركات طبعاًالاصليه بأسعار رخيصه من ملابس وشنط الخ .. وعن الاماكن اللي تصلح للاطفال . وين الاسواق الشعبيه عندكم وجزاكم الله خير

 

[ام الحوراء زينب]

هلا والله حبيبتي نورتي الديره
الماركات اللي عندنا ما اضمنهم انهم اصليه لووووول لان جم مرا قالو انه تقليد
والاماكن حق الاطفال عندج حديقه الشعب _ المدينه الترفيهيه_ حولي بارك _ ما اعرف اسمه بالصباحيه _ وكارتون نيتوورك بجمعية شرق

الاسواق الشعبيه كل مكان بالكويت موجودين وخصوصا المنطقه العاشره وايد حلوين
وان تذكرت ارجع اكتبلج

 

[وردة النرجس]

ماعندنا أوت لت للأسف حبيبتي

وحياج الله بديرتج الثانيه الكويت

وإنشالله ماتكون أخر مره

وأماكن الأطفال أظيف على أختي شركة طفل المستقبل في المجمعات تلافينها

وعندج ماجيك بلانت بالأفينوز مع بروي

وبالنسبه للأسواق الشعبيه تقدرين تنزلين سوق الكويت بالديره فيه محلات شعبيه وكل شي رخيص

 

[توته وااااااااو]

حياج الله عندج للاطفال الشعب وماجيك بلانت بالافنيوز وطفل المستقبل واذا تبين الماركات عندج الصالحيه ومجمع زهره بس انا اذا تبين الصراحه ما اخذ شي من الديره كلا من برا

 

[اروى77]

ما شاء الله عليكم يالكويتيات مسويين خوش دعايه للديره...
الحين خليتو الكويت كلها تقليد ونصب..ومافيها بضاعة اصليه؟!!!!!!!!
حبيبتي مياو
والله العظيم اغلب جناطي الماركه من الكويت وماعليك من اللي يقول عنها تقليد
سوقنا يهبل وكل شي فيه
بس للاسف مافيه اوت لت
وبالنسبه للاماكن الترفيهيه اغلب المولات تقريبا فيها اماكن لعب للاطفال
والمدينه الترفيهيه لاتطوفكم.... اليهال والكبار يحبونها
حياكم الله بالديره وعساها زيارة سعيده

 

[n3oOomah_18]

حياج اللة بديرتنا
الاسواق عندج ستي سنتر والافنيوز ومارينا مول والشرق الاسواق الشعبية روحي المباركية
والاماكن اللي تصلح الاطفال بعد حتى الكبار عندج المدينة الترفهية و دسكفري والمول فيه بعد ماجك بلانت في الافنيوز وانصحج تروحين الافنيوز فيه كل شي سينما ومطاعم ومحلات الماركة وروحي ابراج الكويت
اتمنى لج اقامة سعيدة بديرتنا الحبيبة

 

[انا خطر]

حق اليهال مجمع دسكفري و الافنيوز

و عندج سوق المباركيه << حق الاماكن الشعبيه

و حياج الله بديرتج الثانية

 

[tolay]

ما شاء الله عليكم يالكويتيات مسويين خوش دعايه للديره...
الحين خليتو الكويت كلها تقليد ونصب..ومافيها بضاعة اصليه؟!!!!!!!!
حبيبتي مياو
والله العظيم اغلب جناطي الماركه من الكويت وماعليك من اللي يقول عنها تقليد
سوقنا يهبل وكل شي فيه
بس للاسف مافيه اوت لت
وبالنسبه للاماكن الترفيهيه اغلب المولات تقريبا فيها اماكن لعب للاطفال
والمدينه الترفيهيه لاتطوفكم.... اليهال والكبار يحبونها
حياكم الله بالديره وعساها زيارة سعيده

معاج

كل مجمع فيه ماركات

والتقليد عند الهنود بالسوقه الشعبيه

ومحلاتنا الماركات اهيه نفسها المحلات اللي في دبي والسعوديه والبحرين وغيرها

محل ماركات روحي مجمع 360 جنوب السره

الافنيوز منطقة شويخ

سوق شرق منطقه شرق


العاب اليهال روحي حديقة الشعب بمنطقة الشعب قريب من السالمية

روحي حولي بارك منطقة حولي

روحي بعد المركز العلمي منطقة السالمية

اسواق شعبيه روحي سوق المباركية بمدينة الكويت


وحياااااااااااااج

 

[أغلى الأثمان]

الكويت دولة فيها كل شيء ................. وكل اللي يطري على بالج

في مجلة بالمجان عند جمعية النزهة اسمها zoom على ما اعتقد فيها كل شيء عن الاماكن السياحية وعن كل شيء

وانشاء الله يفيدونج البنات

مع تحياتي ..........

 

[FJ style]

اضيف على البنات
للأطفال غير اللي اذكروه طبعا

مرح لاند بالصباحية
حديقة الحيوان بالعمرية
بروي بمجمع الافنيوز على الدائري الخامس وبعد بمجمع ديسكفري ( في بروي تقدرين تخلين الاطفال مع خادمتهم اذا صغار او بروحهم في هالمكان مقابل مبلغ معقول وتروحين لمطعم مع زوجج وتتسوقين او تروحين سينما وترجعين لهم ) ورقمج عندهم اذا صار شي لا سمح الله
حولي بارك روعة في حولي
الاكواريوم(حوض الاسماك الكبير) وسينما الآي ماكس بالمركز العلمي ضروووري زيارته

هذا غير اللي انذكر

الماركات الصراحة انا مو راعيتها لكن عندج فيلامودا بالمنطقة الحرة والفنار - الصالحية بالديرة -الراية بالديرة - مول360 بجنوب السرة )

حيااااااااااااااج الله