اول شي حياج الله بالكويت وبتنور الديره
ثاني شي
الاماكن السياحيه:
1- المباركيه وقريبه منكم اهيا مكان تاريخي و فيها مطاعم وقهاوي وسوق
المطاعم عندج دلق سهيل (شعبي) ويمه هم اهما سطرت مطاعم كلهم (شعبين)
عندج تكا ولومي - تيستي منئوشه - حليب وهيل هذول هم بالمباركيه بس بمجمع الصقران بس انا انصح كأكل تكا ولومي واذا تبين حق تطمش بس اكل جدا عادي الباجي
السوق نزلي سرداب الشايع عند سوق البشوت عندهم الميك اب و اصباغ الاظافر وهالسوالف وهم في اكسسوارات وشغلات ثانيه
وفي محل وايد عجيب تلاقينه صغير بس طوالي لي داخل عنهم حمر عجيبه على نص دينار
وفي محلات عطور - اكل شعبي (انصحج بالوطن) - مواعين و غيره يبيله تقضون فيه نص يوم
مثلا تروحون الصبح مبجر وتتريقون في تكا و لومي وتتسوقون لظهر لان يسكرون الساعه 1 اعتقد وبعدها تتقهون وتروحون مكان ثاني
2- جزيره فيلكا
بس ماعندي معلومات وايده لان من زمان زايرتها بس تقدرون تستفسرون على هالرقم 25742664
3- الابراج (تشوفون الكويت من فوق وفي كافيه ومطعم)
Welcome To Kuwait Towers
22444021 - 22444038
4- منتجع صحارى بس حلاته الضحى او العصر (مازرته بس يمدحونه)
SAHARA KUWAIT RESORT
5- المركز العلمي ( فيه اكواريوم وسينما آي ماكس افلام وثائقيه وحلو التمشي بليل هناك)
The Scientific Center, Kuwait
رقمهم: 1848888
6- بيت السدو (مازرته بس يمدحون القعده هناك واعتقد فيه كافيه) رقمهم 22432395
يفتح بيت السدو أبوابه للزائرين من يوم السبت إلى يوم الخميس من الساعة 08.00 صباحا وحتى الـ 01.00 مساءً , وفي فترة المساء من الساعة 05:00 مساء وحتى 07:00 مساء
7- في متحف اول مره اسمع عنه اسمه متحف طارق رجب فيه اثار اسلاميه
رقمهم 25317358
الموقع:
Tareq Rajab Museum
8- المدينه الترفيهيه (ملاهي) بمنطقه الدوحه
9- حديقه الشعب (ملاهي)
الاسواق:
الماركات ( الصالحيه - الثريا - الرايه - الحمرا - 360 - الافينيو (برستيج))
المحلات العاديه ( سوق شرق - الفنار - الافينيو - 360 - سوق شرق - المهلب - سنتر بويت (له كذا فرع) )
المحلات الرخيصه ( ماكو في بالي الا النقره الشمالي و الجنوبي وموجود في حولي) و في هم اشياء اسعارها عاديه بس اهوا صناعه كويتيه فما تلاقين نفس الموديلات عندكم وهم جنب المشاتل بمنطقه الري على الدائري الرابع عندج سطره محلات ماكس و رد تاغ وسرداب سيي ستارز او المحاميد ماذكر بس اهوا سوق شعبي هم كل شي فيه
ونسيت اقولج عن سوق الجمعه مفتوح الجمعه والسبت فيه خرابيط حلو تمرونه موقع خلف المشاتل جنب المستشفى البيطري
ملابس السهره ( مجمع مريم - مجمع زهره - الصالحيه - الثريا - الافينيو خلف دين اند ديلوكا في جم محل وعند كافيه الشيراتون في جم محل)
الحين انيي حق عشقي لول المطاعم والكافيهات
بالنسبه للاكل كلش ما انصحج تاكلين في مطاعم مول الحمرا
عندج الافينيو التوسعه اليديده (غراند افينيو) هذي كلها مطاعم ( مطاعم الشيراتون تلاقينها كلها هناك - تشيز كيك فاكتوري - آي هوب - رد لوبستري - اوليف غاردن - وغيرها
عندج الصالحيه بره المجمع في مطاعم حلوه وانصحج تروحين gathering و كافيه someday
هذول احدث شي فاتحين ويمدحونهم حييل ضروري يعني تروحين لهم
هم قريب من الصالحيه في برج اسمه الجوهره في مطعمين يدد
اوشي سوشي و مطعم تراينجل هم تراينجل ضروري تروحين يمدحووونه وااايد
عندج هم قريب منهم مطعم اوبون التايلندي هم حييييل يمدحونه وضروري تجربونه
عندج كافيهات ومطاعم 360
يمدحون ميت كو مال ستيكات وعندج open flame kitchen حلووو وكافيه كاكاو عجيب
عندج فيش ماركت عالبحر حلو اكله سي فوود
عندج مقابل مجلس الوزاراء في سطره مطاعم منها سلايدر ستيشن و بيزيتا و كوكو روم و برايم اند توست
كلهم حلوين
عندج البدع كلها مطاعم عند منتجع شيك و بالمز هالمنطقه حلوه بليل
وبس هذا الي في بالي حاليا و اي شي تبين او يطري على بالج طرشيلي مسج
