بنات الله يخليكم امي تعبانه من ركبتها ابي نصيحتكم

[شهرزاد الحكاية]

السلام عليكم جميعا

شلونكم بنات ...

امي صارلها جم يوم تشتكي ووووايد من ركبتها مو قادرة تمشي او تنام وحيل تتألم منها وانا نفسيتي تعبانه والله عشانها ...


بليز بنات اللي مجربه دكتور زين او تعرف حبوب زينه او ابره او اي مسكن ممكن يساعدها ..

لاتبخلون علينا ...الله يجزاكم عنا كل خير ياااارب ...

والله مسكينة حتى البندول نايت مو راضي ينومها ...الله يعافيكم ومشكورين مقدما ...​

 

[اللاندكروز]

علاج لسع النحل مفيد لها وراح تلاحظ عقب أول جلستسن تقريبا

 

[شهرزاد الحكاية]

انزين اختي وين الاقي لسع النحل ؟

وعند منو ؟؟

ومشكورة ماقصرتي ..​

 

[شهرزاد الحكاية]

بنات محد عنده مقترحات ؟؟​

 

[بالمشمش]

حبيبتي سوي تحليل دم شامل يبين فيه فيتامين د اخاف عندها نقص وعلاجه جدا بسيط ابر تطقها في المستوصف وسلامتها ان شاء الله لان عوار المفاصل يكون نقص فيتامين د بالجسم

 

[ام حموديNEW]

سويي لها زيت نزيتون الاصلي مع ثووم مدقووق وشوي دفييه عالنار وكمدي ركبتها فييه وان شاءالله تصير زينه
بس اهم شي تسوي تحاليل يمكن نقص فيتامين والا ماتشرب حليب
يقولون لما يكبر الشخص جنه الاسنان تمص كل الكالسيوم اللي باللجسم وخاصه الارجل<<<<<معلووومه قديمه
شربيهاا حليب كل وقت والله يطمنج عليهاا يااااااااااااااااااارب

 

[om mishaal]

لازم تعرضونها على طلبيب اختصاصي ويسوي لها تحاليل
قبل لا تجربون عليها شغلات تخافين ما تضبط
الله يشافيها ويعافيها لكم ان شاء الله

 

[M!Ss LoOLy]

والله مآعندي فكرهـ

بس حبيت آدخل وآدعي لها

الله يطول عمرهـآ ويشفيها يآرب ....

 

[شهرزاد الحكاية]

مشكورين بنات الله يجزاكم خير ويعافيكم ....

بالنسبة لتحليل الدم والله اهي دوم تسوي تحليل دم والحمدلله رب العالمين تحاليلها زينة الكالسيوم والكلسيترول ماعدا عندها مشكلة مع السكر ...

بجرب معاها الكمادات ...وان شاء الله ينفعون ياااارب ...
انا اشوف الوزن الزايد ....اهو المشكلة ... انصحها تخفف وزن ... ​

 

[om mishaal]

انا عندي مشكلة السكر والوزن الزايد وفعلا كانت ركبي وريولي كلها تتعبني
عشان جذي من شهرين ابتديت امشي ونزل وزني 15 كيلو
الألم فرق كثير معاي ما قمت أشعر بالتعب والوجع مثل أول أبدا

اذا عندها السكر والوزن الزايد أتصور هذا هو السبب بعوار ركبها
الله يشافيها ويعافيها لكم ان شاء الله

 

[zaina alotibi]

اب والله بشفيها ويخليها لج

 

[ii DareeN ii]

الوزن الزايد المصايب حيل ياثر على الركب والضهر

خل تسوي اشعه يمكن تكون وياها خشونه او تاكل بالغضروف

توخر نهائيا عن المساج

والبندول ماينفع بحالتهم باسرع وقت خلوها تراجع طبيب عضام في دكاتره وايد حتى دكاتره الرازي زينين

 

[شهرزاد الحكاية]

مشكورين بنات والله يجزاكم كل خييير يارب

باجر ان شاء الله بوديها الطبيب ... وبشوف شيقولنا ​

 

[مطيرية متواضعة]

شوفي ديري بالج تخلينها تسوي حمية ورجيم وبكيفج نصحتج اما تمشي ورياضة فعادي لكن لاتجهد نفسها

ويكون بعد كل مرة تمشي تشرب ماي صحة الصغير يكون دافي قريب من الحار ينزل الوزن خاصة الي على الصدر


آلام الركبة ولأي سن ونتائجها طيبة جداً
وهي تصلح أيضا لألام كعب الرجل
أيضا بنفس الطريقة التي سأذكرها للركبة وهي بسيطة ومتوفرة

نأتي بورق الملفوف أو مايسمى في العراق باللهانة
نقوم بدهن بطن الورقة

بزيت الحنظل مع زيت حبة السودة

أو أحدهما ونقوم بتدفئة الورقة
قرب مدفأة ونضعها على الركبة
ويكون القسم الذي دهن بالزيت على الركبة مباشرة

ويفضل ولا أقول أساس أقول يكون أفضل لو أتينا بعجينة من طحين القمح وأدخلناها في مصدر حراري حتى تحمى قليلا ويبقى فيها ليونة

ونضعها فوق الورقة ومن ثم نلف الجميع بقطعة قماش وكل ذلك أثناء النوم ونزيلها في الصباح

وكل يوم تعاد العملية لمدة أسبوع تنتهي المشكلة بإذن الله
والله الشافي

مجربتها ترا على اختي والحمدلله صارت زيينة




​

 

[مجنونه هواهـ]

يقولون تندفن بتراااااب وااااااايد حااار مجربب وزين