بنات الله يخليكم ساعدوني لان انا تعبت والله من مرت حماي

[نونو^الدلوعه]

مبارك عليكم الشهر وكل عام وانتوا بخير
والله شقولكم وشخلي انا عمري 19 سنه ومرت حماي عمرها 22 بس والله بدون مبالغه كل يقول انه صج اني اصغر منها بس عقلي اكبر منها شقولكم كله اتعيب واتقط كلام علي مثل السم والله وماتحترم احد بالبيت حتى خالتي بس والله يابنات وراس ولدي اني عمري ماقطيت عليها كلمه واتسوي فيني سوالف وارد اسامحها وكل ماطبخت ماياكلون لا اهيا ولا حماي مني ويعيبون علي طباخي واقرب سالفه اليوم قبل شوي تخيلوا انه اتخلي الخدم يضحكون علي على ابو اني بطلع بشقه يم امي اتقول حق خدامتي اكلي من خير الموجود باجر ان طلعتوا بتموتين من اليوع وماكو اكل اهناك وتضحك مع الخدم صوتهم واصل عندي والله انبطت جبدي ورحت ركض حق خالتي ودمعتي بعيني وقتلها خالتي كلمتها تدرون شنو اتقول انا اتغشمر بذمتكم هذي غشمره وسوالف الي تسويها فيني وريلي كلم اخو وقاله وقف مرتك عن حدها بس ماكو فايده ماتحترم احد قوليلي الله يخليكم شسوي صدقوني انا اكتبلكم السالفه وللحين دمعتي بعيني ومادري اشلون اجابلها على الفطور لان خلاص كرهتها والله وسوري اذا ازعجتكم :aha:

 

[احلى سماء]

قليلة حيا


مثل ما تسوي فيج سوي فيها


اقطعي علاقتج نهائيااااااااااااااااااااا

فيها

لا سلام وكلام

واذا قامت تقط كلام قوليلها احترمي نفسج

وترا مابي كلامج

وماني فاضيه لج

 

[روح عاشقها]

والله مادري بس الله يعينج

 

[بديت اكرهك]

رد : بنات الله يخليكم ساعدوني لان انا تعبت والله من مرت حماي

من صجج تضايقين عشانها حقريها بس اذا تمادت وقفيها عند حدها عشان لاتماده

 

[ضايعة بدنيتي]

رد : بنات الله يخليكم ساعدوني لان انا تعبت والله من مرت حماي

حبيبتي انتي حقريها شعليك منها خلاص دامك بتطلعين من هناك تصبري وحقريها ودووووووووم ضحكي جدامها واذا سوت لك حركات تبي تسمعك وتلفت انتباهم حقريييييييييييييها ولا كنها موجودة صدقيني راح تنجن من الحرة ... هذي يبه غيرانة منك لانك اصغر واسنع منها الحمدلله والشكر ... لا تخلين هالاشكال يخربون عليك صفو حياتك ياقلبي خلك انتي الكبيرة وحقريها وربي بتموت من الحرة وبتتعب . الله يبعد عنك عيال الحرام ويوفقك ويسعدك دوم يارب وهي هالخبلة الله يهديها بس

 

[نبض السعاده]

رد : بنات الله يخليكم ساعدوني لان انا تعبت والله من مرت حماي

حقريها
وعيشي حايتج

 

[هيبة ملك]

منها لله أنت طنشيها وتحسبي وربي بينصرج

 

[الغاليه نونو]

خلي عقلج كبير يمه وحقريها احنا بشهر الخير والرحمه والمغفره والتسامح اخذيها علي قد عقلها والحمدلله دام بتطلعين بشقه ابريحاتج يمكن اهيا محتره منج وتقط هالكلام لا تحترين فديتج فكري في البيت اللي بتسكنينه مع ريلج فكري بمستقبلج وبالورد اللي بتزرعينه بيدج مع ريلج وبالحب اللي بتسقونه فيهم قطي هالكلام كله ورا ظهرج وقولي اللهم اني اسألك العفو والعافيه في الحياة الدنيا والآخره

واهم شي رضا الله عليج ورضا والدينج وريلج وامه وابوه واهله والباجي ماعليج منهم حبوبه

يالله بشووف الضحكه علي ويهج الحيييين خل اقول لج نكته(( مره واحد مشا مشا لقا مشمشه )) <<<< مغبره حدها ههههههههههههههه

 

[the white]

لا تكدرين على عمرج وتحققين لها الي تبي

خلاص تعاملي معها على انها مو موجوده

وصدقيني , هي نفسها راح توقف عن تصرفاتها لاشافت انها ماتأثر فيج

وانتي بالاخير راح تنقلين ببيت ثاني , يمكن غايره منج وتبرد بتعليقاتها



ملاحظة صغيره يالغاليه
ترى الحلف بغير الله شرك

الله يخلي لج عيالج , ويفرج لج ضيقتج

 

[طواري لـ((العنقا))ـيل]

حبيبتي مالومج بس الحمدلله انج بتطلعين وتفتكين منها

ولو منج اطنشها ليما اطلع وافارق وجهها وصغر عقلها يبه هذي غيرانه انكم بتطلعون واهي لا واضحه السالفه

وماعليج تفطري ودام خالتج وقفت معاج ماعليج منها والله يسامحها

 

[bobo lover]

شوفي الحقران ما ينفع معاها
لازم تخزينها ذيك الخزة اللي تطيح بطنها من مكانه و تقولين لها احترمي نفسج و الزمي حدودج و انا محترمتج لأنج أكبر مني أولا و ثانيا احتراما للبيت اللي أنا ساكنة فيه بس و مو معناته خايفة منج أو ما أعرف أرد! و لازم تقولينها جدام الخدم و الناس اللي قاعدة عندهم عشان تدري ان انت عقلج اكبر منها و و بتسكت جذي.

 

[frketa1]

شوفي مركب الشرايج مشى ومركب حريم الحمى ما مشى لأنها تغار وبتموت من الحرة والغيرة منج تبين تغثينها؟ حقريها وعامليها نفس الطوفة بس السلام بينكم وبس لا تكلمينها بتموت حرة وتكسبين احترام الكل حتى اهي بعدين بتستحي على نفسها وربي ما يضيع حقج انشالله

 

[نونو^الدلوعه]

تسلموووون حبايبي على الرد وانشالله بسوي الي قلتولي عنه والله كريم وصح انا اشعلي منها مهم ررضا زوجي واهله ومشكورين بصراحه ريحتوني الله يريح قلبكم يارب ويبعد عنكم كل هم وضضيق يارب

 

["GloRia"]

رد: رد : بنات الله يخليكم ساعدوني لان انا تعبت والله من مرت حماي

مثل ماقالو الخواات حقريها قطيعه هالنماين ماينفع معااهم غير الحقران ,, ولا تحرين عمرج نزلي تفطري وضحكي واستانسي انتي وريلج ولا تلقونهم بال ولا تشتكين منها ولا تنقهرين .. والله انا الحين كبرج عمري 19 وسمعت من حريم حمواني مو وحده لا ثنتين واعمارهم علي 30 وطالع جنهم يهال كلام يسم البدن وأنا سمعت وطوفت وحقرت ومساكين مالو من كثر مايتكلموون ولا احد ملقيهم ويه والله وسكتو وربي السلام اذا سلمت ارد عليها من طرف خشمي واصب الجاي والقهوه لخالتي ام ريلي واخليهم وربي الحين في امهم خير يبطلون حلجهم معااي الاني صرت حبيبت خالتي كله عندها وحايفتها حووف واهيا مو مواطنتهم ولا تدانيهم كل يوم تذمهم جدامي
اهم ماعليج خالتج ام ريلج وريلج والباجي طقيهم بالطوووفه ..

 

[نونو^الدلوعه]

خلي عقلج كبير يمه وحقريها احنا بشهر الخير والرحمه والمغفره والتسامح اخذيها علي قد عقلها والحمدلله دام بتطلعين بشقه ابريحاتج يمكن اهيا محتره منج وتقط هالكلام لا تحترين فديتج فكري في البيت اللي بتسكنينه مع ريلج فكري بمستقبلج وبالورد اللي بتزرعينه بيدج مع ريلج وبالحب اللي بتسقونه فيهم قطي هالكلام كله ورا ظهرج وقولي اللهم اني اسألك العفو والعافيه في الحياة الدنيا والآخره

واهم شي رضا الله عليج ورضا والدينج وريلج وامه وابوه واهله والباجي ماعليج منهم حبوبه

يالله بشووف الضحكه علي ويهج الحيييين خل اقول لج نكته(( مره واحد مشا مشا لقا مشمشه )) <<<< مغبره حدها ههههههههههههههه

لوووووول نونو فديتج والله صج ضحكتيني الله يبعد عنج الضيقه يارب

 

[نونو^الدلوعه]

رد: رد : بنات الله يخليكم ساعدوني لان انا تعبت والله من مرت حماي

مثل ماقالو الخواات حقريها قطيعه هالنماين ماينفع معااهم غير الحقران ,, ولا تحرين عمرج نزلي تفطري وضحكي واستانسي انتي وريلج ولا تلقونهم بال ولا تشتكين منها ولا تنقهرين .. والله انا الحين كبرج عمري 19 وسمعت من حريم حمواني مو وحده لا ثنتين واعمارهم علي 30 وطالع جنهم يهال كلام يسم البدن وأنا سمعت وطوفت وحقرت ومساكين مالو من كثر مايتكلموون ولا احد ملقيهم ويه والله وسكتو وربي السلام اذا سلمت ارد عليها من طرف خشمي واصب الجاي والقهوه لخالتي ام ريلي واخليهم وربي الحين في امهم خير يبطلون حلجهم معااي الاني صرت حبيبت خالتي كله عندها وحايفتها حووف واهيا مو مواطنتهم ولا تدانيهم كل يوم تذمهم جدامي
اهم ماعليج خالتج ام ريلج وريلج والباجي طقيهم بالطوووفه ..

مشكوره حبيبتي واتصدقين انا نفسج خالتي اتحبني واتعزني اكثر منها واتقولي انها بنتها وهذا الي مريحني انه مريحه خالتي وريلي واهمه شاهدين من دخلت بيتهم بصيرلي سنتين عمري ماغلطت على احد او رفعت صوتي على احد وشايله خالتي شيل جنها امي

 

[شمعة_حزن]

شوفي حبيبتي لا تضايقين ولا تزعلين وبنفس الوقت حجميها لأن في مثل ينقال( ادا ما تستحي اعمل ما تشتهي) نصيحتي لج انج تحجمينها ولا تعطينها مجال ابدا بس ادا اقلطت لزميها حدها بكل هدوء وأدب واحترام فشليها يدام أي شخص تكلمت يمه، لأن للأسف هالأشكال ادا سكتي عنهم يتمادون ويحسبونج ضعيفه بس لما اتردين عليها بكل هدوء تلقينها بواقع الامر انسانه ضعيفه ومريضه وتجاهليها بقدر الامكان ولا تعطينها ابدا مجال انها تتكلم عنج او تقلط عليج بأي كلمه (وانشالله الله يهديها بحق هالشهر الفضيل ويهدي ناس وايد نفوسهم مريضه)

 

[بنت احلى ديرة]

والله ما ادري شقولج
بس حقريها واذا تمادت قوليلها احترمي نفسج
واذا ردت عليج الرد السخيف حقها وقالتلج اتغشمر قوليلها
ما عليه انا نكديه وما اتحمل الغشمرة ما ابي غشمرتج
وفيها خيير ترد

 

["GloRia"]

والله حوفي خالتج حوف واذا سويتي هالشي بتقعد تمدح فيج عند مرت حماج والناس وتفتخر فيج انا جذي خالتي اذا سويتلها شي تروح عند حريم حمواني وتمدحني عندهم من جذي ينقهرون وتنبط جبودهم ويطلعون علي كلام .. الحمدلله والشكر ناقصات عقل ..

 

[نونو^الدلوعه]

عاد تدرون مرات اقعد افكر بيني وبين نفسي اقول يمكن عشان انا طيبه ومااحب المشاكل يصير فيني جذي لو انا موجذي جان ماوصلت حالتي جذي ومرات اقول لا انا مالي شغل باحد ولي شغل بنفسي وبس الله كريم بس المشكله احنا الي قلوبنه طيبه ماانعرف انسوي المشاكل وتربيتنه ماتسسمح:0bee2e8d89: