بنات الله يستر عليها اللي تفيدني ولدي وأنيميا البقوليات تعالو

[خمريه حلوه]

بنات شلونكم أنا عندي ولدي عمره الحين تسع اشهر من الولاده قالو معاه مرض اسمه انيميا البقوليات يعني لازم ابعده عن اي شي يكون من البقوليات وهم في بعض الادويه الممنوعه عنه واي غلطه سواء بالااكل او الادويه راح يصير معاه بعيد الشر عنكم وعنه تكسر بالدم وهو بعدين يروح كل اسبوع يغير دم بالمستشفى الله لايقولها منو سمعت عن نفس الحاله في عيادات خاصه عشان اخليه دكتور خاص يباشر ولدي لان الصباح تحليل وموعد بعد ستين سنه ولا اذا سويت حق ولدي تحليل يضيعونه ولا الف مره ومسكين طفل عمره تسع شهور بالاسبوع يحلل دم ثلاث مرات تعبت من الحكومي ابي احد يرسيني ع دكتور ممتاز حق هالسوالف وشكرا

 

[حمرة الورد]

الله يشافيه ويخليه لج يارب والله ماعرف بس حبيت ادعيله

 

[خمريه حلوه]

تسلمين بعد قلبي

 

[amonitta]

حبيبتي انا بعد ولدي قالي الدكتور فيه انيميا الفول اللي اهو الg6pd

بس قالي بيعيد التحليل بعد ست اشهر عشان يتأكد

المهم انه انا حاليا ما اكل اي شي من البقوليات عشان ارضعه

بس عموما ترا اذا صار وبالغبط اكل من هالاشياء راح تلاحظين انه ويهه يقلب اصفر او تكرمين البول يصير لونه احمر

بهالحاله تودينه المستشفى وينقلونله دم ويرد طبيعي

وقالي الدكتور مع الكبر راح يكون تأثير الاكل اقل عليه وعموما البقوليات شويه مو وايد وانا الدكتور قالي اهمه 3 اشياء اللي مايصير الفول والفلافل والفول الاخضر المصري قالي باجي الشغلات يعني حمص ومكسرات عادي

وانا قبل لا ادري انه ولدي فيه كنت ماكله حمص ورضعته ماصار فيه شي

ترا اهو مرض منتشروايد وسهل التعامل بس تجنبي هالاكلات وان شالله ماكو الا كل خير

مايشوف شر ولدج وولدي :eh_s(7):

 

[Aloe Vera]

ماقصرت امونيتا
وًغير جذي ماعرف دكاترة بهذا التخصص بالخاص

 

[خمريه حلوه]

ماقصرتي امونيتااا حياتي مايشوف شر ولدج زين عطيتيني بعض التنبيهات

مشكورين ع الرد

يلا بنات اللي عندهاا خلفيات تكتب لتا نفيد بعض

 

[meen_ana]

حبيبتي عادي هذا المرض تجنبي الفول والفلافل