بنات الله يعافيكم ساعدوني انا ام يديده ومحد معاي

[Her_majesty]

السلام عليكم
بنات الله يعافيكم ماعندي احد يساعدني كلش وحدي متوهقه ومتضايقه من وضعي ووضع بنتي اتمنى اللي عندها خبرة تقولي شنو رايها وشنو اسوي ..

انا بنتي عمرها شهرين و اول شهر مر على خير من غير مشاكل اللهم بس السهر لازم و البجي المتواصل ..
كنت ارضعها طبيعي و اذا كنت تعبانه اعطيها صناعي (سيميلاك كيو بلاس) للعلم هذا الحليب اللي كانو يعطونها المستشفى لما ولدت و استمريت عليه ..
البنت كانت مو مرتاحه دايما تبجي يعني بالمختصر المفيد اذا ماتبجي تكون نايمه وبس تقعد تبجي تتعسر يعني مو نفس باجي اليهال تلعبون معاهم وجذي ..
لما رحت مراجعتها عند دكتورها برويال حياة قالي طبيعي ومن هالكلام ..
البنت بلش ويهها ينترس حبوب بس بالويه باجي الجسم مافي شي كلش ..
قلت لازم اروح اراجع مره ثانيه وهم رحت رويال .. وقلت حق الدكتور مشكلتي انها على طول متعسره وتبجي ويحوشها امساك و مغص ..
قالي علشان الحبوب استخدم معاها حليب نفس الماركة سيميلاك بس HA حق الحساسين ..
انا من بلشت معاها الحليب وخروجها تكرمون قلب غامج وايد وقلت مرات خروجها كانت من 3 لي 6 صارت مره والا مرتين ويكون غامج!! هم ماكنت ادري شالسالفه !
وصارت تبجي متواااااصل توصل 3 ساعات بجي هستيري اللي لونها بعد عمري يقلب احمر محتقن !
طرت فيها الاميري والا انصدم ان سيميلاك كلش مو زين والمفروض اغيره وان وايد تييهم حالات اطفال ويكون حليبهم سيميلاك !!
المهم انصحتني الطبيبه اغير الحليب خيرتني بين نوفولاك و ابتاميل ..
جربت مع بنتي نوفولاك اول يوم كانت وااااايد مرتاحه ومابجت كلش بس ظاني يوم ردت حق حالتها البجي المتكرر والهستيري و رد لها الامساك !!
ماني عارفه شسوي قاعده ادور على دكتور شاطر حق اطفال علشان اراجع عنده منو عندها فكره منو الدكتور الشاطر ..
ومنو صارلها نفسي ؟ وهل اللي انا فيه طبيعي والا لأ ؟

سامحوني يابنات ترا جد انا بروحي .. امي للأسف ماتدري عني:eh_s(11): ​

 

[مارون جلاسيه]

حبيبتي والله
مافي الا العافيه انشالله وانا عيالي كنت اعطيهم سميلاك وعادي بس سبحان الله في يهال عسرين يمكن بنتج فيها غازات جربي تعطينها برضاعه الدكتور بروان تلقينه بكل مكان وجربي سدحيها على بطنها بس خلج يمها نومت البطن تريح الياهل بس لازم تكونين يمها واقري عليها ...
والله يسهل أمورج يارب ويخليلج بنتج واي سؤال انا حاضر

 

[english muffin]

مب من الحليب حبيبتي
بنتج عندها مغص وغازات
سوي لها اليوم منقوع تمر اخذي تمرتين نقعيهم في ماي حار وعقب صفي الماي عطيها رقمين بتجوفينها بتخرج
وحطي فازلين بععود اذون تحت اذا صار لها جمن يوم مب مسوية خروج
ونوميها على بطنها بس كوني مراقبتها
و عطيها بابونج وفي شاي ميلوبا بابونج ينفع لحالتها عطيها يريحها

ولين يصيدها المغص تعصر روحها عشان جذي تبجي وتصير حمرة حاولي تحملينها تحركينها شوي شوي لان الحركة والهز الخفيف يخفف المغص

 

[english muffin]

وبعد نسيت اقول دلكي بطنها بزيت زيتون صوب السرة عكس عقارب الساعة

 

[GaLbI t7aWaL]

يا حبيبتي

اول شي هونيها وتهون .. اذا امج ما تدري عنج ربج ادري فيج وبامج

وترااا جدااا عادي ان اليهال يبجي اول ٤ اشهر

عقب ال ٤ ان شاء الله تتغير

بس لا تغيرين الحلب وايد وشوفي احسن شي مناسب لها

و عطيها حبه حلوه وينسون واايد يطخخ الغازات

ولا تنسين نفس ما قالت الاخت انقلش مافن << عطيها ماي تمر >> وايد مفيد لها

واذا اتعسر الخروج حييييييل << مو كل مره .. بس للحاجه القصوى << حطي عود اذون فيه شويه زيت زيتون ومن برا لين برا ساعديها

ترا اذا تعودت علي عود الاذون لا سمح الله ما تخرج الا معاااااه فلا تعودينها

ودهنيها بزيت زيتون دافي ودفي الغرفه عشان لا يحوشها هوا وتزيد الغازات لا سمح الله

واهم شي """" شغلي سوره البقره وعوديها تنام عليها """"

واذا تعسرت بالليل سبحيها بماااي دافي وبعدها عطيها ماي دافي منقوع فيه ينسون وحبه حبوه

وباذن الله بتناااام نومه هنيه نومه الغزلان بالبريه ؛**

واتمنى اني افدتج دعواتج لي ان يتحقق اللي ببالي

 

[mannawy]

ma3indy 3rby biljihaz soory:
awal shy esta5dimay 7leb novolac lilemsak fatra osboo3 o eshtiray 7leeb bebelac wayed zain o ba3ad e5thy min el9aydaliya )bonissan( hatha markat hamalaya erayi7 el bebe min el'3azat o ako b3d GAS bs ana wildy marta7lah elbonisan a7san o ba3dain ensay eltamer not good at all at this stage!!!!! tra ra7 yintiris '3azat o 3a6eh 7abbat 7ilwa o kamoon shway

5l ashoof 7l m3 jihazy o akamil ma3ach

 

[zain-alq8]

لااصلا التمر يسبب غازات وحليب سيميلاك يسبب غازات عشان جذي اهي تبجي حيل نفس ولدي وشوفي سرها بعد اخاف ملتهب او شي غيري الحليب اخذي ابتاميل كمفورت خفيف وهالماركه مو تجاريه اتيين وروحي عند دكتور فهد المخيزيم بكلوفر حيل شاطر راح يجيك عليه كله رويال الحين دكاتره الاطفال مو شي

 

[جذابه بنت ذيابه]

لا تحاتين حبوبه سهالات


بخصوص الحليب نصيحه استخدمي لها ابتاميل .. ترا بنتي كانت نفس حالة بنتج كل شوي اغير حليبها وتعبت ودخلت مستشفى
ووديتها الخاص عطوني ابتاميل كمفورت رووعه هالحليب


و اللي تمرين فيه طبيعي الف بالميه اول ٥ شهور لازم تبجي وتتعسر .. وعطيها منقوع التمر روووعه

 

[mama-dodo]

انا بنتي اول ما سألت المستشفى قالو حليبها سيملاك
والدكتوره قالتلي موزين عطيها نوفيلاك
والحمد لله تمام معاها
مع رضاعة دكتور براون
وكل يوم رقمين او ثلاث ارقام كمون
ترتاح حيل
الله يكون بعوج
بس ترى لمه تكمل اربع شهور راح يخف تعبج معاها
الله يخليها لج

 

[ام الحلوااات]

اللـــه يــشــفــيــهــــا

اااااااااااب

 

[nwera99]

حبيبتي والله عورتي قلبي
جربي حليب ابتاميل ترا وايد زين وخفيف واهم شي اطقطقينها مرتين اثناء الرضاعه بنص الرضعه وباخرها عشان تطلع الغازات
انا ولدي لي عمر 3 اشهر كل يوم اعطيه خليط ينسون وكراويه وكمون وايد زين ويهديه وحطي معاه سكر نبات عشان تتقبل الطعم ترا وايد راح ترتاح وانتي ترتاحين وعشان الخروج عطيها ماي التمر وايد زين او عصير عنب الاخضر قشريه وحطي معاه ماي وصفيه
عن تجربه بحزتها راح تخرج او بعد فتره قليله وترا هذا كلام الدكتور مو كلامي

 

[Tame]

أنا ولدي كان جذي واستخدم له نوفالاك للمغص لان كله غازات واس يه ينسون اوكمون و واسوي مساج لبطنه وأبطره شوي على بطنه يرتاح وماخليه دائم بالمهاد أهليه مفتوح او مؤ مشدود حيل

 

[Tame]

واااااي بدلياااااات

 

[! بــدويه وآآيــد !]

،


عاديً حبيبتي طبيعي
انا ولدي يبجي بجي بصراخ يخرررع وجهه يصير بنفسجي يحتقن من البجي
بس تاكدي بنتج مثل قالو البنات عطيها ينسون وماي غريب ترى الغازات تذبح الكبار مايتحملونها شلون قطعة لحم صغيرونه نوميها على بطنها بس وانتي يمها لاتختنق اسم الله عليها
انا ولدي والله حتى الي يزوروني يدعون لي من كثر ماينصدمون من بجيه الله يعين

 

[Tom ♥ Jerry]

,


غريبه ! انا بنتي من آول مآ يبتها ليه الحين سيميلاك !
مآ غيرته لها كلش و الحمدلله مافيها الا العافيه


مآدري شقولج بس روحي دكاتره و شوفي رايهم

 

[رانيا6]

الله يشفييها لج حبيبتي

 

[نـعـومـه]

ترا فتره وتعدي

بنتي شكثر تبجي وتحن وكنت انطر ساعه اللي تكبر فيها

وعشان تطمنين روحي لدكتور طمني قلبج

 

[امواج الكويت]

حبيبتي كملي على نوفولاك واشتريله شاي ميلوبا بنكهة الشمر وراح تدعيلي بنتي كانت جذي ومع الشاي ماكو غازات الحمدلله الشاي مكتوب عليه لعمر ست شهور بس مالج شغل اخذيه وعطي ولدج منه قفشه مع رقمين ماي والله والله راح ترتاحين لا بجي ولا سهر

 

[قَلبڪْ صًخرْ]

اب اب
ياليت اقدر افيدج بس ماعندي يهال

 

[غلاي6]

نفس بنتي بالضبط حساسيه وامساك وغيرت حليبها بروقرس

الله يشفيهم ويحفظهم يارب