بنات اللي اسويه صح ولا خطأ

[فيونكة كرستالية]

السلام عليكم
احب ادش بالموضوع على طول
انا قاعده اتبع رجيم السعرات الحراريه
فابما انه جسمي يحتاج باليوم 1600سعره حراريه
وراح تقولولي على اي اساس حسبتي السعرات الحراريه
اولا لاني طولي 163 ووزني 73 وانا من الناس قليله الحركه
فاهذا حساب السعرات اللي ناسبني

ادري طولت المهم انا ما اكل باليوم الا وجبه وحده بس وتكون بحدود السعرات المسموحه
واحيانا تكون دسمه شوي بس تكون وجبه وحده وبحدود المسموح
هل النظام هاذا زين ولا لا و للعلم انا اكثر من شرب الماي طوال اليوم
بنات ابي رايكم

 

[munani]

اتوقع لاا لان يتعب جسمج
لان الجسم يحتاج اكثر من وجبه باليوم

يعني مره سمعت موضوع دكتور تغذيه يقول

يقول لا تحرم نفسك من شي
مثلا مشتهي بيتزا
يقول اطلب بو 4 قطع وكل 3 ساعات اكل قطعه

وبجذي كليتها كلها بحرق اكثر
اما اذا كليتيها كلها مع بعض راح تمتنين

واتمنى افدتج

 

[فجر_الكويت]

ان شاء الله البنات ما يقصرون معاج

 

[*يارا*]

حبيبتي اول شي الله يوفقج
ثاني شي بما ان مشيت طريييج طويل بالرجيم وسويت كل شي رجيم نت رجيم السعرات الحراريه رجيم مع دكاتره رجييم مزاجي رجيم الوجبات كلشيييي سويت
النتيجه إلي طلعت فيها أحسن شي دكتور وتاكلين خمس وجبات قليله الدسم عشان تضعفين
وجسمج وويهج وشعرج ما ينضرون
وثالث شي المشي امشي نص ساعه بس بذلي مجهود فيها

بس سالفه وجبه وحده ودسمه ان راح تضعفين >> بس لون بشرتج وشعرج بيختربون – لا تعالجين شي وتخربين شي

وسلامتج بالتوفيق يارب

 

[فيونكة كرستالية]

صح كلامج عشان جذي شريت حبوب من صيدليه اسمها بايورين سعرها ٢٢ دينار تقريبا بس مادحينها لي حيل للبشره والشعر والاظافر وهي علاج للشعر من التساقط بعد عشان اعوض الفيتامينات اللي راحت و ما اخسر شعري

 

[ليلو جبريت]

انا اسوي رجيم واكل 3 وجبات والسعرات ماتتعدى 1000

شوفي موضوعي وبالصور

 

[شادن33]

اذا جسمك متناسق حلو وزنج ليش اتنزلين

 

[فدوووو]

ان شاء الله البنات يفيدونك