بنات اللي تغسل زوليتها(السجادة) بنفسها تدخل ابيها ضرررروري @@

[خشف العرب]

بنات شخباركم بغيت اعرف
طريقتكم بغسيل الزوالي انا اغسلها وابرشها عدل وتالي الفها واحط تحتها طابوق او اي شي مرتفع ليما ينزل كل الماي هذا مثلا الصبح وبالليل افتحها عالارض ولي انشفت الحين بالحر تبي يومين وعقب اشم فيها ريحه تدرون جم مره اغسلها والله يمكن 3 مرات ومعاها اكثر من زوليه ياربي شسالفه اهي ناااااااااشفه ب فيها ريحه مع اني اغسلها بصابون وعقب احط كمفورت وشوي ديتول اللي عندها خبره تساعدني بللللللللللللللللللللللللليز بنات <<<<<<<<<<<<<اموووووووت بالنظافه

 

[عزف المشاعر]

لا حبيبتي لازم اتشرينها علي طوفت السطح لازم اطقها الشمس علشان جذيه تطلع ريحه

 

[خشف العرب]

مشكوره اتهقين ماتطلع الريحه واشلون ومتي تنشرينها عالطوفه بعد ماينزل كل الماي وانزين انا ماعندي طوفه شسوي

 

[بحر الرمال]

متى تنحط على الطوفه قبل لا تنشف؟ انزين اهيا تكون ثقيله الخدامه تقدر تشيلها؟

 

[أحلى عيون]

اختي الغاليه مثل ماقالت الاخت عادي حتى لو كان فيها ماي لازم تشرينها على الطوفه واذا ما قدرتي حاولي تخلينها على الارض بس حاولي تبعدينها عن المكان الي كانت فيه الي فيه ماي يعني تغيرين مكانها واهيا مفروشه اذا لفيتيها غلط تبقى فيها ريحه مو حلوه

 

[irresistible]

تصدقين انا لما احطهم بالشمس تطلع فيهم ريحة كريهة شريهم بالليل برة و الصبح دخليهم الظلال اتوقع ما راح تطله ريحة

 

[شكليطه]

وااااااااااااااااااي احلى شي غسيل الزوالي


وناااااااااااااااااااااااااااااااااااااااااااااااااااااسه يصير لعب نصه يكفي


شوفي حبيبتي احنا نسوي مثل ماقلتي..........نقعد نفرك الزوليه بماي وصااااابون عدددل مدل.......وبعدين نشطفها بالماي اكثر من مره (بالهوز)
وبعدين انييب ممسحه نظيفه مخصصه بس حق الرخام والسيراميك (مو مالت مطبخ والا تكرمون حمامات)

ونقعد نضضضضضضضضضضضضضضضضضضضضضضضضغط على الزوليه عشان يطلع منها الماي
غصب طيب......طبعا بالممسحه


وحبوبه لالالالالالا تلفينها......لانها راح تخمر عليج.............لانها قطعه كبيره واذا صفطتيها وداخلها ماي ماراح تنشف عدل
وتطلع عقبها ريحه عفن


وبس اذا كانت الزوليه صغيره احنا نتعاون نرفعها ونقطها على الطوفه

بس اذا ثقيلة نخلي الصبيان اهما يشيلونها ويقطونها على الطوفه


بس تذكرت شغله حق الزوليه الكبيره...........عقب ماتخلصين من غسيلها وتبين تحطينها بالشمس...طبعا راح تطوينها عشان تشيلينها

عقب ماتطوينها خليها تتسند على الطوفه جذي بو ربع ساعه عشان ينزل منها ماي كثر ما تقدر


وبس لا تطولين.,,,,,,قلبيها على الطوفه

وماشاءالله مع هالجو الحلو ما يحتاج اكثر من يوم عشان تنشف

 

[وروود]

شووووفي اختي انا كنت اعاني نفس المعاناة
بسسسس حصلت الشي الاحسن والانظف والاسرع يعني ساعتين ثلاث اهي ناشفه ونظيفه ومعطره

رووحي للغانم في عندهم مكينه غسييل رخيصه وكويسه انا خذيتها ب45 تقريبا ويجي معاها صابون سائل
صراحه جدداااااا مريحه وتصلح مخمه عاديه وللغسيل
اخذيها ولا تنسينا بدعوتج لما تغسلين السجاد

 

[خشف العرب]

ماقصرتوا بنااااات فديتكم

 

[دالــيــا]

السلام عليكم ..

انا الصراحه صارلي موقف..
انكب الشاني على زولية داري و توهقت خفت لا استخدم اي مسحوووق يروح لونها او تخمر !!
فقمت استخدمت فانيش الوردي (( فانيش السجاد )) و الصراحه وخر اللون بدون لا يوخر لون السجاده و استانست واايد منه و بعد صارلي نوقف ثاني ..
اختي كبت الشاني على الكشن السياره و استخدمت له فانيش السجاد هم بعد وخره و ما وخر لون الكشن

الصراحه يهبل و ريحته وايد حلوووه
اتمنى تجربونه

 

[النويرة]

مو شرط تشريها على الطوفة بس أهم شي ترتفع عن الأرض ممكن تحطين سرير حديد وترفعينها عليه

او تخلين الحداد يسوي لي مشر حق الزوالي يكون مثل الطاولة بس الحديد بالنص يدور علشان تجرينها وتتحرك معاج

وبس

 

[milli777]

طريقتج بالغسل صح


المشكله بعد ماتلفينها حدها ساعه بس مو اكثر عشان ما تخمر

افتحيها حتي لو فيها ماي

 

[princesa n3oma]

الشمس اهيا اللى تطلع هالريحه ....مو من الزوليه ......


عاد لما تدخلينها رشيها بالمرشات وشغلى المعمول بالغرفه او الصاله وسكرهم كم يوم وتروح الريحه .....

 

[هجاين]

مثل ما قالو خواتي لازم تنشرينها على الطوفه ليما تنشف

 

[خشف العرب]

يعطيكم العافيه وماقصرتوا واستفدت حيل تدرون مشكلتي بالريحه اني ماشرها علي طوفه وثانيا اني اخليها لافه يوم كامل فددددددديتكم بنات

 

[ساره2004]

شوفي يا خشف العرب لازم تشرين الزوليه على طول بعد الغسيل مو تنطرين واستخدمي فانشوكومفرت